رفيقه دربي 🌻

الحلقه التاسعه

همس : درس ايه
جميله : درس للاطفال .. تحبي تستني تسمعيه
همس : أنا قدامي نص ساعه ، الحق أحضره
جميله : هتحضري و نمشي مع بعض كمان
همس : احسن حاجه . يلا عشان الوضوء .. ثم ذهبوا و توضئوا من جديد و صلوا العصر و جلست جميله و التف حولها مجموعه اطفال و معهم جنه و همس
جميله : السلام عليكم و رحمه الله و بركاته
الاطفال في صوت واحد : و عليكم السلام و رحمه الله و بركاته
جميله : انهارده بقا هنقول دعاء حلو اوي و هنعرف قصته اتفقنا
الاطفال : اتفقنا
جميله : يلا نسمي بسم الله الدعاء "هو لا إله إلا أنت سبحانك إني كنت من الظالمين" الدعاء ده أوله توحيد و اوسطه تسبيح و اخره استغفار .. تمام .. طيب الدعاء ده مين اللي قاله
احد الاطفال : سيدنا يونس
جميله : شاطر ، سيدنا يونس و كان يلقب بذا النون ليه بقا عشان قصته مع الحوت لان النون اسم من اسماء الحوت فذا النون يعني صاحب الحوت ... طيب قصته ايه .... ربنا بعت سيدنا يونس لاهل نينوي و دي في العراق قعد يدعيهم الي عباده الله فلم يؤمنوا و ظلوا علي الكفر لحد ما سيدنا يونس قالهم أن هينزل عليهم عذاب شديد بعد تلات ايام و سابهم و مشي دون أن يأذن الله له بذلك يعني من غير ما ربنا يؤمره بكدا و بعدين اتجه ناحيه البحر حتي أتت سفينه فركب عليها بعد ما مشي سيدنا يونس الناس شافوا بدايه العذاب و لقوا إن الجو اتغير و السما قلبت زي ما بيقولوا و أن في شبه عاصفه شديده جايه فألقي الله في قلوبهم التوبه في الوقت دا و قعدوا يبحثوا عن سيدنا يونس عشان يقولوا أنهم آمنوا معه و يعرفهم يعبدوا ربنا ازاي .. في الوقت دا عند سيدنا يونس ارتفع ماء البحر و جاءت عاصفه و الناس قالوا لازم يلقوا واحد من السفينه .. فيعملوا ايه يستهموا يعني يجيبوا سهام زي الأقلام كدا و يكتبوا عليها اسم كل شخص و يتحطوا في علبه و يلخبطوهم و اللي يطلع اسمه يبقي هو اللي عليه الحكم دا و كان الأمر دا بيتعمل ٣ مرات تمام .. فعلا استهموا و طلع سيدنا يونس اول مره فقالوا دا عبد صالح مينفعش نرميه .. و المره التانيه كذلك و المره التالته .. سيدنا يونس عرف أن دا أمر من ربنا و أن دا زي عقاب عشان ساب قومه دون أن يأذن له فألقي بنفسه في اليم يعني البحر فلتقمه الحوت يعني بلعه بس ربنا أمره أنه ميخدش لحمه منه ولا يكسر عضمه من عظام سيدنا يونس .. طيب لما حصله كدا قال ليه يا رب .. قعد يعيط و يشتكي .. قال انا السبب يارتني ماكنت سبت قومي و مشيت ... تؤتؤ معملش دا كله كل اللي عمله أنه اخد بالاسباب .. خلاص بقا أمر واقع أنه في بطن الحوت و مش هينفع الندم و محدش يقدر ينجيه و لا يخرجه الا الله سبحانه و تعالي قعد يدعي و يقول لا إله إلا أنت سبحانك إني كنت من الظالمين يعني ايه بقا ... لا إله إلا أنت يعني يا رب مفيش إله غيرك في الكون كله مفيش غيرك اللي متحكم في كل شئ مفيش غيرك اللي يقدر ينجيني مفيش غيرك اعلم بحالي و ضعفي دلوقتي .. سبحانك يعني تقدست و تعظمت .. اني كنت من الظالمين دا استغفار يعني يا رب سامحني انا كنت غلطان لما سبت قومي و لما ركبت السفينه من غير ما تقولي و هنا بيعترف بغلطه و دي حاجه المفروض كلنا نتعلمها لما نغلط نتأسف نروح لربنا نقوله اني كنت من الظالمين .. سيدنا يونس كان في 3 ظلمات .. ظلمه الليل و ظلمه البحر و ظلمه بطن الحوت يعني شوف كان فين و برغم كدا ربنا سامع دعائه لأن ربنا قال " ادعوني استجب لكم " و أن وعد الله حق .. طيب بعد ما دعا ربنا ايه النتيجه " فنجيناه من الغم " ياه شوفت عوض ربنا.. شوفت استجابه الدعاء طيب لو سيدنا يونس مكنش اخد بالاسباب كان ايه اللي يحصل " لمكث في بطنه الي يوم يبعثون " يعني كان زمانه لحد دلوقتي جوا الحوت .. عشان كدا المفروض كلنا ناخد بالاسباب بعد ما نندم علي الشئ مش نندم و نقعد نعيط و نندب حظنا .. سيدنا يونس و هو في بطن الحوت فضل 3 أيام جوا بطنه و الحوت طلعه من بقه و رماه علي الشط و كان جسم سيدنا يونس بايش تماما زي صوابع ايدك و انت بتاخد دش أو يمكن اكتر .. طيب ايه اللي حصل " و انبتنا عليه شجره من يقطين " شوفتوا كميه الحنان اللي في الآيه تخيل كدا الشجره و هي بتطلع جمب سيدنا يونس عشان تضلل عليه لان لو الشمس لمسته هياخد ضربه شمس و يموت .. طيب ليه اليقطين لأن اليقطين شجره ورقها تخين و حجم الورقه زي ودن الفيل عشان تضله تماما و تحميه من اشعه الشمس لحد ما يفوق و يستعيد قوته و بعد ما فاق خلاص رجع تاني لقومه فآمن معه ميه الف شخص او يزيد كمان و فضلوا يعبدوا ربنا و بكدا يكون ربنا عوض سيدنا يونس و جزاه علي صبره و جبر بخاطره ... عشان كدا طول ما احنا في ظلمات الحياه و الدنيا نقول لا اله الا انت سبحانك اني كنت من الظالمين عشان ربنا يعوضنا و يجبر بخاطرنا كما جبر عبده يونس عليه السلام ..طيب استفدنا ايه من القصه دي
الاطفال في صوت واحد : أننا ندعي و منعيطش لما يحصلنا حاجه
جميله : برافو يا حبايبي .. ثم اخرجت حلوي من حقيبتها و اخذت توزع على الأطفال
جنه : أنا عايزه واحده . أنا جوبت
همس : وانا كمان 😁
جميله : احلي شيكولاته لاحلي هموس
جنه : و انا لا
جميله : انتي كبيره علي الشكولاته دي 😂
جنه : كدا ماشي يا جميله .. ابقي قولي عايزه مصاصه ولا غزل البنات تاني
جميله و قد أعطتها ما تبقي من الحلوي : بهزر يا رمضان 😂 ، هو أنا عندي اغلي منك
جنه : ناس مش بتيجي غير بالعين الحمرا
جميله : ماشي ، حسابك لما تجيبي المصاصه 😅
أخذوا يتحدثون حتي خرجوا .. همس : اخويا بالعربيه تعالوا اوصلكوا
جنه و جميله : شكرا يا حبيبتي متتعبيش نفسك ، عايزه حاجه
همس : مفيش تعب ولا حاجه تعالوا بجد
جنه : مش هينفع يا حبيبتي نركب مع اخوكي . يلا السلام عليكم ورحمه الله
همس : و عليكم السلام ورحمه الله و تعانقت هي و جميله : شكرا يا جيمي بجد
جميله : مفيش شكر يا حبيبتي ☺️ .. حلوه جيمي دي 😂
همس : خلاص هقولك كدا علي طول .. نتقابل في الكليه
جميله: علي خير ان شاء الله .. و رحلوا و ذهبت همس الي السياره
همس : السلام عليكم ازيك يا آسر
آسر : اهلا 🙄 اركبي يلا
همس : حاضر و ركبت و هي حزينه من طريقه اخيها و ظلوا صامتين حتي
آسر : مين اللي كنتي واقفه معاهم دول
همس : صحابي
آسر : اللي كنتي بتحضنيها دي اسمها ايه
همس : بتسال ليه
آسر : أسألك تجوبي . فاهمه
همس : دي جميله صحبتي و معايا في الكليه
آسر : طيب
في مكان آخر عند جنه و جميله : السلام عليكم يا اهل الدار
فاطمه : و عليكم السلام ورحمه الله وبركاته
جميله : تيته و حشتيني اوي تعالي احكيلك كان يومي حلو اوي
فاطمه : ربنا يحلي ايامك كلها يا حبيبتي 💙
جميله : اللهم امين و اخذت تقص عليها كل ما حدث .. اما جنه فدخلت غرفتها و ابدلت ملابسها ثم تناولوا الغداء و ظلوا يتسامرون مع والدهم و جدتهم حتي اتي المساء و رن هاتف جميله ..
جميله : السلام عليكم ورحمه الله وبركاته
همس و هي تبكي : و عليكم السلام ورحمه الله
جميله بقلق : همس مالك يا حبيبتي ، اخوكي عملك حاجه
همس و هي تبكي بشده : لا ، اانا واقعه في مشكله كبيره و عايزاكي تنصحيني أو تساعديني بالله عليكي
جميله : اكيد هساعدك و مش هتاخر عنك بس فهميني في ايه
همس و هي تبكي : أنا قبل ما اسمع كلامك أو اشوفك كنت اعرف شاب علي الفيس ، كان عندي علي الاكونت بيدخلي شباب خاص و يبقوا عايزين اتعرف عليهم بس برفض و دا لأن عارفه ان كل كلامهم مجرد لعبه علي البنات و من كتر الحكايات اللي سمعتها من صحابي .. المهم أنا قولت اني قويه و محدش هيقدر يوقعني و حتي لما كنت اتكلم مع حد و يقولي كلام حلو أقوله انت بتضحك عليا و أن دا مجرد كلام عشان أصدقه و فضلت كدا فتره لحد .. و ظلت تبكي
جميله : لحد ايه كملي حبيبتي
همس و هي تحاول الكلام : ل لحد ما في يوم واحد دخلي من اكونت باسم مستعار و انا كنت مفكره بنت من صورته و اسم الاكونت و كلمته و بقولها ازيك يا قمر قالي أنه شاب و لو مش عايزه أكلمه عادي ، كان اول مره حد يعمل كدا ، كلمته و كان شكله محترم و قالي نبقي اخوات و بعدين قالي نكون صحاب ، وافقت و اتكلمت معاه حوالي شهر و في خلال الشهر دا كنت بحاول اني منجذبش نحيته و اني افضل محافظه علي مبدأي و هي اني مكلمش حد فويس أو ابعت صوره لحد و في مره قالي نجيب الدبل أمتي فبقوله مش فاهمه قالي أنه حبني و عايز يتجوزني و ساعاتها من غير ما اسمع باقي الكلام عملت بلوك
جميله : اومال ايه اللي حصل بعد كدا
همس : دخلي من كذا اكونت ساعتها و كل مره اعمل بلوك قبل ما اسمعه عشان كنت بدات اتعلق بيه و قالي قبل ما اعمل آخر بلوك أنه هينتحر فضلت اسبوعين و انا قلقانه و بعدين في الاسبوع التالت بعت ادد تاني 😢 قبله و قالي عايزه ايه اتاسفت منه و قالي أنه قعد كذا يوم من غير اكل و اتنقل المستشفي و كان بيعامل مامته وحش جدا و اني انا السبب و رجعنا نتكلم تاني مع أن كان في حاجه بتقولي لا كدا غلط بس كنت بسكت الصوت دا و اتكلمنا كتير و قالي اني بقيت جزء أساسي من حياته و أنه سمي اسم العصفوره بتاعته علي اسمي و بقا بيفكر فيا دايما .. بعد فتره حوالي ٣ شهور و خلال الفتره دي كان بيتحايل عليا ابعت صورتي بس أنا قولتله لا و حاول يقنعني اني أكلمه صوت و 😭 كلمته صوت مره او اتنين و كان بيقولي صحيني الفجر و فعلا كنت بعمل كدا كنت بقول بكسب ثواب لحد ما فوقت و استحقرت نفسي جدا و ازاي ارن علي شاب الفجر و أن دا كله غلط لما قولتله كدا قالي لا و انا واثق فيكي وأنك محترمه و بقوله ترضي اختك تكلم شاب قالي و ايه جاب سيره اختي دلوقتي و هي اصلا عمرها ما تعمل كدا دي كانت بمثابة كسرتي عرفت قد ايه أنا رخصت من نفسي و بعدين كنت هقفل قالي أن باباه تعبان بمرض خطير و أنه محتاجلي فضلت معاه بس و انا مش عايزه كدا و كنت بتهرب منه بعد ما كنا بنتكلم طول الليل .. و بعد ما قبلتك من حوالي شهر و انا قررت اتوب و ارجع لربنا و فضلت قافله الفيس و الواتس و لسه فاتحه انهارده لقيت رسايل كتير منه و أنه هيموت نفسه لو مردتش و قالي ان باباه مات و أنه محتاجلي اوي و اني لو قفلت مش هيسامحني و اني كدا بقتل انسان .. أنا كنت هعمل بلوك بس أنا خفت اوي و مش عارفه اعمل ايه 😭😭😢 ارجوكي قوليلي حل و هو لو انا قفلت و هو نفذ اي حاجه يبقي عليا وزره ( القصه دي حقيقه فعلا و حصلت مع حد قريب اوي مني ، و الله يا بنات خلوا بالكوا و اوعوا ترخصوا نفسكوا لحد )
جميله : اهدي بس يا حبيبتي الموضوع بسيط ، هو غلط انك كلمتيه من الاول و انك رجعتي بعتي ادد هو كدا وصل لمخططته و هو انك انتي اللي تجري وراه و حكايه انك قويه و عارفه دا كله و عمر ما حد يقدر يضحك عليكي فدا كان سبب وقوعك الشيخ محمد الغليظ قال ان اهم الاسباب اللي بتوقعنا في المعصيه أننا بنقول عمرنا ما هنغلط و أن من سابع المستحيلات أننا نقع في المعصيه دي و قال إن كل اللي كلموه و قالوا إنهم ارتكبوا ذنب عظيم سألهم هل كنت تتوقعوا في يوم أن يحصل كدا معاكوا كلهم قالوا لا ، فبلاش أننا نقول كدا لان احنا مش معصومين ، اما كونك فضلتي لما قالك أن باباه تعبان فدا غلط و الشيطان هو اللي عايز كدا ، عايز انك تفضلي في المعصيه و ماتفوقيش منها ، بس مدام انتي توبتي لربنا و قررتي تبداي من جديد فاوعي تسيبي ديل برا زي ما دكتور محمد الغليظ قال ، لان دي اللي هتوقعك و هتكون سبب في رجوعك زي الاول يعني لو هو عايز يموت نفسه و ينتحر و يشرب صبغه يود كمان فهو اللي هيتحاسب علي نفسه و مش معقول انك هتخافي عليه اكتر من خوفه علي نفسه و بالنسبه أنه قطع الاكل و عامل مامته وحش فهو اللي عليه وزر دا و انتي مين قالك أن كل كلامه صدق ، لو هتقوليلي أصله محترم مفيش حد محترم هيدخل يكلم بنت حتي لو قالها أنا ولد مش معني كدا أنه كويس ، بصي اعملي بلوك و بس كدا و كمان اقفلي الخاص خالص و اطلعي من كل الجروبات المختلطه و انا هبعتلك جروبات بنات بس تمام و متفكريش في أي حاجه في الماضي و قومي اغسلي وشك و متخافيش و بعدين خساره اصلا تعيطي دا كله عشانه ، يا بنتي دا انا فكرت اخوكي طلعك من البيت و جايه تباتي عندي 😅 كنت بفكر هجبلك عشا من فين 😂
همس و هي تزيل دموعها : أنا بحبك اوي يا جيمي .. ربنا يخليكي يا حبيبتي و الله كلامك خلاني اشوف حاجات مكنتش شيفاها .. و بعدين انتي كل همك العشا بس 😂 لا متخافيش يا ستي أنا هجيب اكلي معايا ساعتها .. ضحكتيني ربنا يفرح قلبك يا رب
جميله : ياختي 🤦 يا بنتي قولتلك كام مره بلاش ربنا يخليكي .. التخليه بمعني الترك و انتي كدا بتدعي عليا .. بالله عليكِ  يا شيخه بلاش يخليكي دي
همس : 😂😅 حاضر يا جيمي .. ربنا يحفظك
جميله : ايوه كدا .. اللهم ولك بالمثل واكثر يا هموس . قومي بقا صلي ركعتين توبه و اعملي بلوك و اطلعي من الجروبات
همس : حاضر . بس الاكونت بتاعك اسمه ايه
جميله : اسمه عازفه علي اوتار السعاده
همس : اسمه جميل .. و فعلا اسم علي مسمي انتي بتنشري السعاده علي طول و احلي عازفه
جميله : يا قلبي ❤️ انتي اجمل
همس : معلش تعبتك معايا و صدعتك
جميله : هاجي اضربك لو قلتي تعبتك دي تاني انتي اختي يا هموس ، اما بالنسبه للصداع فأنا هاخد تمن شريط البنادول منك 😂
همس : 😅😅 و نعم الاصل يا اختي
جميله : اختك حاجه و الفلوس حاجه .. الشغل شغل
همس : 😂😂 طيب يا ختي أنا هبعتلك ادد تمام .. عايزه حاجه
جميله : شكرا يا حبيبتي . السلام عليكم ورحمه الله
همس : و عليكم السلام ورحمه الله وبركاته
ثم أغلقت الخط و أوت الي فراشها و قالت اذكرها ثم اخدها النوم الي مكان آخر حيث الاحلام الورديه و الآمال صعبه المنال في الواقع فهناك يتحقق كل صعب و يصبح كل عسير يسير
# استغفروا 💛
# بقلمي _ دعاء _ سمير ✨
* شيفاكي يا قمر ياللي مش بتقولي رأيك😒 ترضيها علي روايتك🥺😊
# بحبكوا في الله🌚🌼