رفيقه دربي 🌻

الحلقة الأولي

علت أصوات المآذن بأذان الفجر، و بدأت أنوار الصباح في الإشراق، و راحت تغرد الطيور هنا و هناك تعزف أجمل الألحان، و بدأ الظلام يتلاشى رويدًا رويدًا حتي أضاء الكون كله بنور الشمس
في عروس البحر المتوسط أضحت الشمس في مداعبة أمواج البحر، بأشعتها الذهبية، و راحت الأمواج تتلاطم ببعضها، فكونوا أجمل اللوحات الطبيعية، فسبحان الخالق العظيم⁦
- بابا صباح الخير، قوم يلا يا حبيبي عشان تفطر و تروح الشغل
- صباح الورد يا جنتي، حاضر يا حبيبتي خلاص قايم
- يسعد صباحك، طيب هروح أحط الفطار و أصحي تيته
*أنا جنة عندي 24 سنة، مختمره الحمد لله، اتخرجت من ٦ شهور من كلية هندسة، عندي أخت واحدة و مامتي متوفية، و عايشة مع والدي و جدتي
_صباح الورد يا تيته، يلا يا حبيبتي عشان تفطري و تأخدي العلاج
=صباح الفل يا قلبي، حاضر يا جنه بس فين جميلة مش شايفاها
_جميلة نزلت الكلية عشان عندها محاضرات بدري
=ربنا معاها، جاسر صحي؟!
_ايوة، بابا صحي و مستنينا عشان نفطر سوى
"بعد تناول الإفطار، ذهب جاسر إلى العمل، و بدأت جنة في القيام بأعمال المنزل، و أثناء إنشغالها أتت جميلة على حين غفلة
بصوت عالي =يا ناس جعانة
_في إيه يا بنتي وطي صوتك، الناس تقول مش بنأكلك
=جعانة يا جنة، على لحم بطني من الصبح، و راحة جاية في الكلية و محاضرات و حاجه تزهق
_حد قالك تنزلي من غير أكل، غيري هدومك و صلي على ما أجهز الغدا
*في إيه يا جنة صوتك عالي ليه؟! جميلة! أنت رجعتي امتي؟
هي تحتضن جدتها=تيته حبيبتي وحشتيني و الله
*اهه منك يا بكاشة، ليه مشوفتنيش من سنة!
=أنا بكاشة الله يسامحك، و بعدين أنا بقالي ١٣ ساعة مشوفتكيش، يعني كتير
*كلي بعقلي حلاوة يا ست جميلة، عملتي إيه لأختك عشان صوتها يعلي؟!
=أنت تعرفي عني كدا برضو يا تيته! دا انا نسمة
بضحك *أنت هتقوليلي، أنت فعلًا نسمة من نسمات أمشير
=الله يسامحك، أنا كرامتي راحت، هدخل قبل ما اتهزق أكتر من كدا، اضحكِ كويس يا جنة
بإبتسامة_خلصي بسرعة على ما أحضر الغدا عشان بابا زمانه جي
=حاضر هغير و أجي أساعدك
.................
"جاء المساء و تجمعت العائلة في الصالون لإحتساء الشاي"
_عامله إيه يا جميلة في الكلية؟!
=تمام الحمد لله يا بابا
_طيب يا حبيبتي ربنا يعينك و يقويك
=يا رب، لإني خلاص زهقت من الكلية و من اللي فيها كلها سنتين و أخلص بقا
*و الله هتقولي يا ريتني أرجع تاني الكلية بدل قاعدة المطلقين اللي هتعديها في البيت
=لا مش هقول يا ريت أخلص بس، و بعدين قاعدة المطلقين اللي بتقولي عليها دي أحسن من كلام الدكاترة و المحاضرات دا أنا طلعت عيني
*لما نشوف ياختي، ربنا معاكِ، بابا كنت عايزة أخد رأى حضرتك في موضوع
_خير يا حبيبتي، موضوع إيه؟
*بصراحة يا بابا عايزة أشتغل
_ليه يا جنة؟ في حاجة نقصاكِ، أنا قصرت في حاجة
*لا يا بابا، ربنا يحفظك بس قاعدة البيت بقت مملة، و كمان محدش بيقعد معايا، و تيته بتفطر و تدخل تنام يعني عندي وقت فاضي كتير، و أنا اتعلمت عشان أشتغل
_طيب يا بنتي، شوفي اللي يريحك، بس أهم حاجة يكون شغل كويس و مش متعب عليكِ
و هي تحتضن والدها*ربنا يخليك ليا يا بابا و ميحرمنيش منك أبدًا، أنا هشوف على النت و إن شاء الله ألاقي شركة كويسة
_ربنا يوفقك يا حبيبتي، طيب تصبحوا على خير، هنام أنا عشان ورايا شغل بدري
*و حضرتك من أهل الجنة، يلا يا جميلة نقوم نصلي ركعتين قيام و ننام أحنا كمان
=يلا لإني هموت و أنام، ربنا يرحمني من الكلية قريب
"مر الليل سريعًا، واشرقت الأرض بنور ربها، بحثت جنة عن عمل، وجدت إعلانًا على الإنترنت في إحدى الشركات المعروفة، مر يومين و جاء يوم المقابلة، ذهبت جنه إلى الشركة"
=السلام عليكم ورحمة الله وبركاته، أنا كنت جاية بخصوص الإعلان اللي حضرتكوا منزلينوا على النت
*و عليكم السلام ورحمة الله، أيوه كنا طالبين مهندسة تقدري تتفضلي في الدور التاني و تستني دورك
=شكرًا لحضرتك ثم صعدت إلى أعلى
+السلام عليكم ورحمة الله، أنا محمد المدير التنفيذي للشركة، طبعًا كل اللي هنا جايين بخصوص المقابلة، و إن شاء الله اللي هتتقبل هتكون السكرتيرة الخاصة بمستر زين، هتقعد ٣ شهور تحت التدريب و بعدين تتثبت، بالتوفيق
"الصمت يلف المكان، و قامت الشركه على قدم و ساق، التفت الجميع لهذا الشاب الذي يرتدي حلة من اللون الأسود غالية الثمن، و يضع عطر من أرقي الماركات العالمية، إنه زين رجل الأعمال المشهور و صاحب الشركه التي تعد من أشهر شركات المقاولة و البناء في الشرق الأوسط"
بعد أن دلف إلى المكتب =محمد دخلي المتقدمين واحد واحد يلا
"و في هذه الأثناء كانت جنة في عالم آخر، كانت في غرفة الإنتظار تسبح ربها و تستغفره بخاتم التسبيح الجميل الذي دائما في يدها"
*جنه جاسر
فاقت من شرودها =أيوة أنا
*اتفضلي ادخلي
و أثناء دخولها
+ايه اللي هي لبساه دا، الجو حار جدًا هي مستحملاه إزاي دا انا مش طايقة نفسي
بإبتسامة=فعلا الجو حر، بس الخمار اللي بتقولي عليه دا فرض ربنا، و حر جهنم أشد ٧٠ مرة من الحر دا يا قمر
ثم دلفت إلى الداخل
و هي تنظر للأرض =السلام عليكم ورحمه الله وبركاته
و هو ينظر من النافذة *حطي الفايل بتاعك على المكتب و ثم التفت إليها وجدها فتاة مختمرة، ترتدي فستان من اللون الأسود و خمار من اللون النبيتي، و تنظر إلى الأرض
و هو يحدث نفسه *إيه دا هو لسه في بنات كدا ( اومال لو شوفت واحدة منتقبة و تلاقيها ملاك كدا، يلا نرجع للرواية)
و بعد أن فاق من شروده *محمد
+حضرتك بتنادي
*أيوة، مين اللي سايب الباب مفتوح
+آنسة جنة هي أخر واحدة داخلة
*تمام، اتفضل أنت
"أخذت يفحص الأوراق بعناية و بعد برهة"
*واضح إنك من أوائل دفعتك على مدار الخمس سنين، و كمان واخده كورسات كتير
و هي مازلت تنظر في الأرض=بالظبط حضرتك
*هتفضلي باصة للأرض كتير
=المعلومات اللي حضرتك هتعوذها في الفايل بتاعي، و أي أسأله برد عليها، مش محتاجه أبص لحضرتك و دا عشان لازم اغض بصري
*أي حضرتك كل شويه دي، و أنت سبيتي الباب مفتوح ليه، اول قاعدة عندي النظام و الإلتزام
بتحدي=أنا معرفش حضرتك، و مش لازم أقول مستر زين، أما بالنسبة للباب فأنا اللي سيباه مفتوح؛ لأن مينفعش أقعد في مكان مع حضرتك و الباب مقفول و دا عشان حديث للرسول (صلى الله عليه و سلم )"لا يخلون رجل بأمراه فإن الشيطان ثالثهما ".. في أي أسأله تانيه عند حضرتك
و هو لم يعرف ماذا يقول* احم، المقابلة انتهت و هنبلغك بالنتيجه تقدري تمشي
=السلام عليكم ورحمه الله وبركاته، ثم خرجت مسرعة
و هو يفكر بصوت مسموع*إيه دا، بقا أنا اللي محدش يقدر يتكلم معايا و لا يتناقش في حاجة، بنت زي دي تخليني مش عارف أتكلم
في ذهول +زين! مالك يا حبيبي اتجننت، بتكلم نفسك
"محمد هو صديق زين المقرب و ابن خالته، و معه منذ الطفولة حتي أنهم تخرجوا من نفس الكلية و مديره التنفيذي"
* لا متجاننتش، بس البنت اللي دخلت دي خلتني مش عارف أتكلم
+قصدك آنسة جنة، ليه دي حتي الظاهر إنها محترمة جدًا
*دا أنا سألتها سؤال ترد عليا بالكلمة، زي ما تكون بتحسب عدد الحروف و باصة في الأرض على طول، و لما اسألها ليه تقولي غض البصر، بصراحة غريبة جدًا عن البنات اللي بشوفهم
+ و الله البنت تدخل موسوعة جينيس، تلاقي اللي مجننك إنها حطمت كبرياء زين باشا
بصوت يملئه الغيظ*أنت مبسوط، طيب امشي بدل ما تلاقي نفسك في الشارع دلوقتي، أبقي دور على شركة تانية
+لا قلبك أبيض، دا أنا محتاج لكل جنيه عشان أتجوز، البنت هتروح مني عقبالك انت كمان لما أشوفك متجوز
*يبقي تتكلم عدل، أنا اتجوز! في الأحلام امشي يلا شوف شغلك
+طيب يا أخينا متزقش، ماشي اهه
............
"في مكان أخر عند جنة
_السلام عليكم ورحمة الله وبركاته، و هي تحتضن جدتها:وحشتيني حبيبتي، اتاخرت عليكِ؟
=و عليكم السلام ورحمة الله وبركاته، لا يا نور عيني، أنا لسه صاحية من النوم يدوب صليت العصر و قرأت قرآن
_تقبل الله
=منا و منكم صالح الأعمال يا رب
_بابا و جميلة رجعوا ولا لسه؟!
=لا لسه محدش جه
_طيب هدخل أغير و أصلي عقبال ما يوصلوا
=ماشي حبيبتي، ربنا يعينك
"و مر اليوم سريعًا و جاء المساء، و في غرفة جنة"
بصراخ *جنة
برعب =نعم ، في إيه؟! إيه اللي حصل؟!
بصحك *و لا حاجة، كنت عايزة أعرف إيه اللي حصل معاك انهاردة في الشغل
=حرام عليكي يا بعيدة قطعتي لي الخلف
*معلش يا جوجو بس احكيلي بقا
و قد اعتدلت في جلستها =أنا عارفة مش هخلص من زنك، اقعدي، لا استني
*في إيه؟!
=صليتي الشفع و الوتر و القيام
*صليت الشفع و الوتر، بس القيام بصراحة، أصل
= بصراحة إيه؟؟و أصل إيه؟
*لسه
=يا سلام، و مستنية إيه؟! يلا نصلي مع بعض
* يلا، بس خلي بالك هتحكي برضو
ابتسمت و همت في المغادرة =إن شاء الله، ربنا يسهل
"و بعد أن انتهوا من الصلاة، و قرأوا بعض آيات الذكر الحكيم
=حفظتي الحديث اللي اخديه إمبارح؟!
*أيوه حفظته، و بالتفسير كمان
=شطورة يا قلبي، اللهم بارك يلا سمعي
*عن أبي هريرة -رضي الله عنه- أن رسول الله صلى الله عليه وسلم قال: "من دعا إلى هدى كان له من الأجر مثل أجور من تبعه لا ينقص ذلك من أجورهم شيئًا ومن دعا إلى ضلالة كان عليه من الإثم مثل من تبعه لا ينقص ذلك من آثامهم شيئًا"
=بسم الله ماشاء الله عليكِ، طيب يلا قولي معناه
*يعني يا حبيبتي لما تنصحي حد أو تدليه على فعل الخير،زفأنت كدا ليكِ أجرك و مثل أجر اللي عمل الخير دا بسببك، و كمان لو هو قال لحد و عمل الخير دا هيكون ليكِ نفس الأجر بتاع اللي اتبعه، يعني ميزان حسناتك شغال، أبسط حاجه الفيس و الواتس يعني لو واحد بس بيشوف البوست بتاعك و يطبقه أو واحد بيشوف الإستوري بتاعتك و اتآثر بيها أو واحد بس طبق نصيحه أنت قدمتها له فلقد ربحتي( العبره مش بالعدد و لا حتي الشهرة، نعوذ بالله من أسماء مشهورة في الأرض و مغموره في السماء؛ و لكن العبرة أنت عداد حسناتك شغال بطريقة غير مباشرة في حاجة أنت يعتبر معملتش فيها مجهود، سواء بقا نصيحة قدمتها و نسيتها بس حد اتآثر بيها و من وقتها بيعمل بيها أو بوست مفيد عجبك و شيرته و غيرك شافه فعمل بيه، أو مقطع قرآن نشرته و حد شيره، أو ماشية مع صحابك و قولتي لهم صلوا على النبي، فمرحبًا بعداد الحسنات الجاري، و ليكِ أجرك و أجر غيرك و غيرك كمان، الله بجد ربنا شكور كريم بيعملنا بكرمه رحيم بالعباد لأقصى درجة ) دا بالنسبة للحسنات اما لو حد ضل شخص أو نصحه بحاجه مش كويسه فدا عليه إثم و إثم اللي عمل الحاجه دي و كمان لو الشخص دا نصح غيره فدي كلها ذنوب عليه و دا طبعا مش هينقص من ذنوبهم يعني مثلا لو أنت شيرتي أغنيه و واحدة سمعها و كانت بتحاول تبعد عن الاغاني فبسببك رجعت لها تاني او موضه جديده طالعة إنك تشمري البنطلون أو لبس البناطيل الضيقه و المقطعه و أنت شيرتي الموضة دي و بنت افتتنت بجمال البناطيل دي و رجعت لها مع انها كانت بتجاهد عشان تلبس واسع ... فلا مرحبا بعداد السيئات هتشيلي ذنبك و ذنب غيرك و دي كمان اسمها جهر بالمعصيه و دي حاجه مش سهله ابدا انتي كدا اكنك بتتحدي ربنا( قبل ما تكتبي حاجة على الفيس أو الواتس أو تشيري حاجة اسالي نفسك هل هذا يرضي الله أم لا )
=و قد تأثرت بكلام أختها كثيرًا، و امتلئت عينيها بالدموع =اللهم بارك، ربنا يحفظك حبيبتي و يوفقك لطاعته
*اللهم أمين و إياك يا جنتي، ممكن تحكي بقا، شوفتي لسه فاكرة إزاي
= هقول إيه! ما أنا عرفاكِ، طيب يا ستي هقولك، و قصت لها كل ما حدث
* دا أنت خلتيه ميعرفش ينطق
بضحك= يلا يستاهل هو ماله أبص في الأرض ولا في السما، و بعدين دا حتي مردش السلام
*يلا ربنا يهديه، قومي بقا عشان ننام
=طيب شديني لإني مش قادره أقوم، السن ليه أحكام بقا
*صح واحدة زيك عندها ٥٠ سنة مش قادره تقوم
بصدمة= بقا أنا عندي ٥٠ سنة، دول ٤٧ بس
بضحك* مش فارقه كتير، قومي يلا
بعد أن وقفت =يلا علي السرير .. لا استني الاول اقري اذاكر النوم و سوره الملك دا بتلقب بالمنجيه لأن قرائتها قبل ما تنامي تنجي من عذاب القبر
*فتح الله عليكي يا حبيبتي .. بس نسيتي حاجه
=إيه هي؟
*أن أقول لا اله الا الله وحده لا شريك له، له الملك و له الحمد، يحي و يميت و هو علي كل شئ قدير، لا حول ولا قوه الا بالله، سبحان الله و الحمد لله و لا اله الا الله و الله اكبر و دا لحديث عن أبي هريرة ـ رضي الله عنه ـ عن النبي صلى الله عليه وسلم قال: "من قال حين يأوي إلى فراشه: لا إله إلا الله وحده لا شريك له، له الملك وله الحمد وهو على كل شيء قدير، لا حول ولا قوة إلا بالله، سبحان الله، والحمد لله، ولا إله إلا الله، والله أكبر، غفر الله ذنوبه و خطاياه و إن كانت مثل زبد البحر "
و هي تهم في احتضان اختها =شطورة، شطورة يا جميلة، ربنا يحفظك و يكرمك يا حبيبتي أنا كنت عارفة إنك هتفكريني و الحمد لله ظني طلع في محله
*آمين يا رب .. يلا تصبحي علي خير
=و أنت من أهل الجنة يا روحي
"حل الصباح سريعًا، و أضحت الطيور تغرد و تنشد أجمل الألحان
*صباح الورد يا جميلة، قومي يلا اغسلي وشك و اتوضي و صلي الضحي و حصليني على المطبخ
هي تتثائب =يسعد صباحك يا قمر، إيه دا كله هو أنا هعمل كل دا
*هو أنا قولت حاجه قومي صلي و حصليني يلا بطلي كسل
و هي تنهض =حاضر أمري لله
*صباح الفل يا تيته
+صباح السعاده لقلبك يا حبيبه تيته، ربنا يسعدك يا بنتي و يريح بالك و يرزقك بالزوج الصالح
*إيه الدعوة العسل دي على الصبح، بس هو أنت زهقتي مني ولا إيه؟! عايزاني أتجوز و أسيبك دا أنا قاعدة و مربعة على قلبك
+لا يا حبيبتي مزهقتش ولا حاجة، بس كل بنت مسيرها لبيت جوزها
*لا ، الكلام دا بتاع البنات الفرافير، أما أنا طموحاتي أكبر من كدا بكتير
+ربنا يسعدك و يحققلك كل اللي بتتمنيه
و هي تحتضنها*اللهم أمين يا تيته
و بعد تناول الطعام و الإنتهاء من أعمال التنظيف
*ياه أخيرًا خلصنا أنا فصلت
=أومال اللي بيعمل كدا كل يوم يقول إيه
*ربنا يعينك، بس أنا لسه ورايا كلية هروح أنام هناك
=عرفاكِ ممكن تعمليها، أبقي أقعدي ورا عشان الدكتور ميخدش باله
*و أنا أقول كنتي بترجعي من الكلية فايقة ليه و مكنتيش بتنامي هنا، اتاريكي كنتي بتنامي هناك
=لا مش علي طول، و بعدين يا بنتي أنا كنت من الأوائل، أنا محدش يتوقعني
بضحك* لا شاطرة يا أختي، طيب أقوم ألبس أنا بقي
=ربنا معاكي يا حبيبتي، متنسيش اللي اتفقنا عليه
*حاضر، بإذن الله هعمل كدا بس ادعيلي
=ربنا يوفقك ويعينك يا رب
و بعد مرور ما يقرب من نصف ساعة
*أنا ماشية عايزة حاجة
=دا كله بتلبسي ، لا ربنا يحفظك ويوفقك قولي قبل ما تنزلي اللهم إني أعوذ بك أن أضل أو أُضَل، أو أزل أو أزَل، أو أظلم أو أظلم، أو أجهل أو يجهل علي، بسم الله توكلت على الله، لا حول ولا قوه الا بالله
*ربنا يجازيكِ كل خير، السلام عليكم ورحمه الله وبركاته
=و عليكم السلام ورحمه الله

"يا ترا جنه و جميلة متفقين على إيه؟! و إيه اللي هيحصل مع جميلة؟! و هل جنة هتتقبل في الشركه ولا لا؟! دا كله هنعرفه في الحلقه الجايه بإذن الله"
رأيكوا يهمني يا طيبات
#استغفروا
#دعاء_سمير