رفيقه دربي 🌻

الحلقه الرابعه عشر

✨مر يومين و أتي يوم العمليه ذهبت همس الي جميله في ذلك اليوم هي و رقيه و حضرت جنه و ظلوا بالمشفي و قبل معاد العمليه بساعه
جنه : لو سمحت يا دكتور فين المتبرع موصلش ليه
آسر : المتبرع هنا يا فندم من الصبح
جنه : طيب ممكن اشوفه أو اتكلم معاه
آسر : مش هينفع لانه هيجهز للعمليه ثم غادر  ، لاحظت جنه و همس اختفاء جميله
همس : جنه هي فين جميله
جنه : مش عارفه كانت هنا من شويه ، ممكن تكون بتجيب حاجه
همس : طيب و بعد مرور نصف ساعه وجدوا جميله تخرج من إحدي الغرف و هي مستلقيه علي الفراش و معها الطبيبة و ذاهبه الي غرفه العمليات
جنه و هي تركض نحوها : جميله ، انتي المتبرع
جميله : ايوه انا ، مفاجأة صح 🙃
جنه : ازاي ، انتي مش عارفه ان العمليه خطر عليكي
جميله و عيونها تدمع   : بس مش اخطر من مراره اليتم و اني اجرب احساس موت ماما مره تانيه
جنه 😢: جميله انا خايفه عليكي ، بلاش واحنا هنشوف حد تاني
جميله : أنا اللي هعمل العمليه دي بس ارجوكي بعد ما ادخل العمليه فوني جوا خديه و هتلاقي ريكورد باسمك سجلته امبارح  شغليه  اسمعيه مع رقيه و همس  ادعولي ثم أُخذت الي العمليات ، كانت جنه خائفه جدا علي اختها و والدها و اخذت تتطلع علي غرفه العمليات و تتذكر لحظاتها مع جميله و تذكرت حين كانت جميله  تبكي ذات مره و.....
#  flash back
دخلت جنه علي جميله في أحد الأيام و كانت في الثانويه العامه
جنه : جميله عملتي ايه في الدرس ثم اشعلت  الضوء 😦 جميله انتي بتعيطي ليه مالك
جميله و هي تبكي : أنا محدش بيحبني يا جنه ، معنديش صحاب و البنات مش بيمشوا معايا و بيقولوا اني معقده
جنه : العياط دا كله عشان كدا بس ، امسحي دموعك يا قمري و انا عندي الحل  عاوزه الناس تحبك!
توكلنا على الله.. 💗
*عن أبي هريرة ، عن النبي ﷺ قال: إن الله تعالى إذا أحب عبدا دعا جبريل، فقال: إني أحب فلانا فأحببه، فيحبه جبريل، ثم ينادي في السماء، فيقول: إن الله يحب فلانا فأحبوه، فيحبه أهل السماء، ثم يوضع له القبول في الأرض، وإذا أبغض عبدا دعا جبريل، فيقول: إني أبغض فلانا فأبغضه. فيبغضه جبريل، ثم ينادي في أهل السماء: إن الله يبغض فلانا فأبغضوه، ثم توضع له البغضاء في الأرض* رواه البخاري ومسلم
ربنا سبحانه و تعالى لما يحبك هينادي على جبريل عليه السلام ويقوله انا بحب فلان احبه... وبعدين جبريل عليه السلام ينادي على الملائكه ويقولهم ربنا بيحب العبد الفلاني احبوه والملائكة تحبك... ثم يوضع لك القبول في الأرض ان الناس تحبك... 💗
*يقول ابن باز: فيحبه أولياء الله وأهل طاعته، ليس أهل الشرك به، يحبه أولياء الله وأهل طاعته لما يوقع الله في قلوبهم من محبته بسبب محبة الله له*
اللهم هذا الحب... انت متخليه ان ربنا سبحانه وتعالى يقول اسمك!! انا بحب العبد الفلاني.. و الملائكة تحبك وأهل الأرض تحبك.. اهم حاجه رب السماء وأهل السماء..
االلهم هذا الحب اللهم حبك وكفى..
طب لما ربنا يكرهك!! هينادي على جبريل عليه السلام ويقوله انا بكره العبد الفلاني اكره وبعدين جبريل عليه السلام ينادي على الملائكه والملائكة تكرهك ويوضع لك البغض في الأرض... اهل الأرض هيكرهوك..
جميله و هي تمسح دموعها : طيب اوصل لحب ربنا ازاي!!..
جنه : بالطاعات بتقربك لربنا َ... خدي خطوه جديده في حياتك خدي خطوه تغير في حياتك... الطريق قدامك تتغيري..وتبقي احسن.. مش بتصلي ابدائي صلى
صليتي.. !! ابدائي حسنِ من صلاتك..
انتِ بتعملِ كدا علشان حب ربنا مش علشان حب البشر..
*عن أبي هريرة رضي الله عنه قال: قال رسول الله صلى الله عليه وسلم: إن الله تعالى قال : من عادى لي وليا فقد آذنته بالحرب، وما تقرب إلي عبدي بشيء أحب إلى مما افترضت عليه، وما يزال عبدي يتقرب إلي بالنوافل حتى أحبه، فإذا أحببته كنت سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، ولئن سألني لأعطيته ولئن استعاذني لأعيذنه.  رواه البخاري*
*ليس الشأن ان تُحِب إنما الشأن ان تُحَب* صلي علي النبي كدا و قومي اغسلي وشك
جميله : عليه افضل الصلاه والسلام ، حاضر هقوم اغسل وشي ، ربنا يخليكي ليا و ميحرمنيش منك ابدا
جنه : ياختي ، بقا أنا بقولك ازاي الناس تحبك تقومي تدعي عليا في نفس ذات اللحظه هو مش أنا قولت قبل كدا أن ربنا يخليكي يعني ربنا يتركك و يسيبك لأن يخلي معناها يترك
جميله : 😁 اسفه ، نسيت بس انتي بقيتي تتكلمي كدا ازاي و بقيتي تتكلمي بالأحاديث كمان
جنه : الحمد لله ، دا من فضل ربنا عليا يا حبيبتي 💙
جميله : عقبالي أنا كمان لما ابقي زيك كدا
جنه : أنا واثقه انك هتكوني احسن مني كمان بس انتي أنوي بجد التغير و باذن الله ربنا هيعينك و انا معاكي و مش هسيبك
جميله و هي تحضتنها : ربنا ميحرمنيش منك ابدا ، أنا باذن الله هنوي و هبدا من جديد و هفضل لحد ما التزم و اكون كويسه
جنه : ربنا يعينك يا رب ، و انتي كويسه و قلبك ابيض بس عايزين سلوكيتنا تبقي تمام مش قلبنا بس ، لما هتعرفي في الدين اكتر دنيتك هتنتظم اكتر 
جميله : ممكن تساعديني اعرف اكتر
جنه : من عيوني يا قمري بس اول حاجه ، البناطيل دي بلاش منها و خلي كله دريسات
جميله : ما أنا بلبس دريسات بس البناطيل عشان اعرف امشي في الدروس و الموصلات و حركتي تبقي سريعه
جنه : اولا كدا دا مش مبرر ، انتي لو رايحه مناسبه و جايبه فستان و عايزه تروحي بيه هتروحي مش هتقولي موصلات و دا كله لان انتي عايزه كدا يعني هتستحملي الطلوع و النزول  و هتحسبي عشان ميحصلوش حاجه كمان عشان شكلك قدام صحابك يبقي كويس ، و بعدين بم انك بتحبي الكرتون عمرك شوفتي اميره لابسه بنطلون 😂
جميله : ايوه الاميره ياسمين 😁
جنه : يعني سبتي الاميرات كلها و مسكتي في دي و بعدين دي كانت مربيه نمر يعني مش طبيعيه اصلا 😅
جميله : 😅😅 عندك حق
جنه : لا بجد ، انتي في الاسلام اميره و ملكه يعني لازم يكون لبسك واسع و مش اي حد يكلمك ولا يسلم عليكي ولا الكلام دا ، قومي دلوقتي اتوضي و صلي و أنوي بدايه جديده و لينا قاعده تانيه
جميله : حاضر ، ايه دا في ريحه حاجه بتتحرق
جنه : 😳 الاكل نسيته علي النار ثم قامت مسرعه
جميله : 😂😂😂 براحه بدل ما تقعي
#    Back
كانت جنه تبكي و الدموع تنزل كزغرات المطر : يااارب
رقيه و همس : جنه هي جميله هي اللي هتعمل العمليه
جنه : ايوه
رقيه : بس ازاي دي ممكن يحصلها حاجه
جنه : أنا كمان خايفه عليها بس هي مصره و انا لسه عارفه دلوقتي
همس : يا رب تقوم بالسلامه
جنه : جميله ممكن يحصلها مضاعفات في العمليه و العمليه خطر عليها و علي حياتها
همس : اتفائلي بالخير إن شاء الله هتكون كويسه
جنه : يا رب ، التلفون ثم دخلت مسرعه
همس و رقيه : تلفون ايه
جنه بعد أن أحضرت الهاتف : جميله قالتلي انها مسجله ريكورد لينا احنا التلاته  ثم فتحت الريكورد" صباح الورد عليكوا يا بنوتات ، طالما بتسمعوا الكلام دا يبقي  انا في العمليات دلوقتي ادعولي ، انا حاليا قبل الفجر بسجل الكلام دا لاني مش عارفه لو كنت هشوفكوا تاني ولا لا ، جنه متعيطيش بالله عليكي أنا هبقي كويسه ايوه و بابا كمان هيقوم و هيبقي زي الفل صدقيني أنا اسفه اني مقولتلكيش علي العمليه بس اول يوم هنا في المستشفى الدكتور قالي أن بابا حالته ممكن مستحملش اسبوع وأننا لازم نشوف متبرع بسرعه ، ساعتها طلبت اعمل تحليل دم و انسجه كبد عشان اعرف لو هينفع اتبرع له و التحاليل طلعت ايجابيه الدكتور قالي أننا نعملها بسرعه و انا وافقت  بس طلبت أن محدش يعرف عشان عارفه انك هترفضي لأنها خطر عليا ودا عشان ضيق التنفس بس انا بين ايدين ربنا فادعيلي دلوقتي و احب اقولك شكرا ، شكرا علي كل يوم وقفتني فيه جنبي و دعمتيني و شجعتني فيه ، شكرا علي انك عرفتيني طريق ربنا و لو مت يمكن ادخل الجنه برحمه ربنا ، أنا بجد محستش في لحظه أن معنديش ام لانك كنتي امي و اختي و صحبتي و كل حاجه ، خلي بالك من بابا و تيته و قولي لتيته اني بحبها و أنها تدعيلي و سلميلي علي تيته كوثر كتير و روحي شوفيها متخليش الايام تشغلك عنها ، اما بالنسبه لرقيه فانتي مكنتيش صحبتي و بس انتي كنتي اختي كمان بحبك في الله و إن شاء الله نتقابل تاني في الجنه ، ياريت متزعليش مني لو مره قسيت عليكي أو زعلتك بس انا خايفه عليكي عشان كدا ممكن اتنرفز عليكي ساعات ، هموس بقا حبيبتي ، انتي بقا كنتي سبب رئيسي في سعادتي بجد صحيح اتعرفت عليكي من وقت قصير بس لما بتكلم معاكي و الاقيكي بتتقبلي الكلام و قلبك مفتوح للدين و متعطشه اكتر انك تعرفي و تتعمقي بحس بفرحه متتوصفش و متتصوريش أنا فرحتلك من قلبي قد ايه لما شوفتك بالخمار ربنا يثبتك يا رب 🤲 ، ادعولي يا بنات ، بطلوا عياط بقا و دموع أنا مش بحب النكد الله ، السلام عليكم ورحمه الله وبركاته " و في هذه اللحظه كانت جنه و رقيه و همس يبكوا كثيرا و يدعون إليها جلست همس في ركن تبكي و جاء آسر في هذه الأثناء
آسر : السلام عليكم و رحمه الله و بركاته همس مالك في ايه
همس و هي تبكي و تشهق : جج جميله بتعمل عمليه و خايفه عليها و العمليه خطر علي حياتها و انا خايفه اني مشوفهاش تاني ثم ارتمت في أحضانه
آسر : اهدي بس و صلي علي النبي باذن الله هتبقي كويسه و هتطلع متخافيش و ظل يواسيها و هو يشعر بالقلق الشديد عليها و يعلم مدي خطوره هذه العمليه ، قومي اغسلي وشك و اقري قران و ادعيلها
جنه و رقيه قامو ليصلوا و يدعون الي جميله و بعد مرور ساعتين وجدوا حركه غريبه في غرفه العمليات و ممرضه تجري بسرعه
جنه بقلق : في ايه
الممرضه بسرعه : مفيش حاجه و كانت تبدو قلقه ثم عادت مسرعه بجهاز صدمات كهربي
جنه : ارجوكي قوليلي في ايه
الممرضه بأسف : المريضه اللي جوا قلبها ضعف و جلها ضيق تنفس  محتاجه صدمات بسرعه و الا هتموت ثم دخلت بسرعه 
جنه  مصدومه ولا تقدر علي الكلام و همس بكت بحرقه هي و رقيه اما آسر فشعر بالم في قلبه و تلألأت الدموع في عيناه ، ظلت جنه علي هذه الحاله مده من الوقت ثم قامت تقرا القران و تذكر الله و تدعي كثيرا
* يا ترا ايه اللي هيحصل لجميله 🤔 و هل العمليه هتنجح ولا 😔
دا اللي هنعرفه الحلقه الجايه باذن الله
# استغفروا 💙
#بقلمي_دعاء_سمير💎