رفيقه دربي 🌻

الحلقه السادسه عشر

و بدأ زين  يسمع عاطف و عواطف و ضوابط الخطوبه .... عند جنه
جنه : السلام عليكم ورحمه الله وبركاته
همس : و عليكم السلام ورحمه الله وبركاته ، ازيك يا جنه ،  جميله موجوده
جنه : الحمد لله بخير يا هموس و انتي عامله ايه
همس : يا رب دايما ، الحمد لله كويسه الف مبارك يا روحي عقبال كتب الكتاب
جنه : الله يبارك فيكي يا حبيبتي ، معاكي جميله ثم أعطت الهاتف الي جميله و تحدثت معها و بعد الانتهاء من المكالمه وجدت آسر يقف علي بابا الغرفه و يحدق بها
همس : آسر عامل ايه ، مالك في حاجه
آسر : الحمد لله ، لا ابدا كنتي بتكلمي مين
همس : كنت بكلم جميله
آسر بصوت حزين : هي اتخطبت إمتي
همس : جميله اتخطبت ازاي
آسر باستغراب: اومال مين اللي كنتي بتبركِ لها
همس : اه دي جنه اختها هي اللي اتخطبت ثم قالت بخبث: بس بتسال ليه
آسر بتوتر : لا ابدا مفيش مجرد سؤال
همس : عيني في عينك كدا ، آسر انت بتحب جميله
آسر : مش عارف ، بس فيها حاجه مختلفه ، مش زي اللي شوفتهم قبل كدا ثم قال بنبره سخريه و افرضي بحبها
همس : تتقدم لها
آسر : و انتي فاكره انها هتوافق و هي عارفه مين آسر  ، صحيح أنا اتغيرت بس هي عمرها ماترضي بيا  أنا اصلا مش عارف ربنا هيقبلني ولا لا يبقي هي تقبلني ليه
همس : استغفر ربنا علي الكلام دا ، ربنا بيقبل توبه عبده و يفرح بيه هحكيلك علي قصه قاتل المئه نفس
عن أبي سعيد الخدري رضي الله عنه أن رسول الله صلى الله عليه وسلم قال : كان فيمن كان قبلكم رجل قتل تسعة وتسعين نفسا ، فسأل عن أعلم أهل الأرض ، فدُلَّ على راهب ، فأتاه فقال : إنه قتل تسعة وتسعين نفسا ، فهل له من توبة ، فقال : لا ، فقتله فكمل به مائة ، ثم سأل عن أعلم أهل الأرض ، فدُلَّ على رجل عالم ، فقال : إنه قتل مائة نفس ، فهل له من توبة،  فقال : نعم ، ومن يحول بينه وبين التوبة ، انطلق إلى أرض كذا وكذا ، فإن بها أناسا يعبدون الله ، فاعبد الله معهم ، ولا ترجع إلى أرضك ، فإنها أرض سوء ، فانطلق حتى إذا نصَفَ الطريق أتاه الموت ، فاختصمت فيه ملائكة الرحمة وملائكة العذاب ، فقالت ملائكة الرحمة : جاء تائبا مقبلا بقلبه إلى الله ، وقالت ملائكة العذاب : إنه لم يعمل خيرا قط ، فأتاهم ملَكٌ في صورة آدمي ، فجعلوه بينهم ، فقال : قيسوا ما بين الأرضين ، فإلى أيتهما كان أدنى فهو له ، فقاسوه فوجدوه أدنى إلى الأرض التي أراد ، فقبضته ملائكة الرحمة . قال قتادة : فقال الحسن : ذُكِرَ لنا أنه لما أتاه الموت نأى بصدره " ( صلوا علي النبي )
شوفت ربنا غير نواقيس الكون كله عشان خاطر عبد تائب و عائد إليه ثم قصت عليه توبه سيدنا عمر بن الخطاب
آسر : ياه ، متعرفيش كلامك دا عمل فيا ايه ، استغفر الله العظيم و اتوب اليه ، شكرا يا همس ليكي ربنا يبارك لي فيكي يا رب و ميحرمنيش منك ابدا 🧡
همس : اللهم و يحفظك ليا ، ايه بقا هتتقدم لجميله
آسر : ربنا يقدم اللي فيه الخير ، أنا رايح المستشفي اجبلك حاجه معايا
همس : ربنا يصلح لك الحال ، شكرا يا حبيبي بس لو مش هتعبك هاتلي شيكولاته و مصاصه و لبان و ايه تاني يا هموس اه و شيبسي بس عشان ميبقاش كتير
آسر : 😂😂 لا واضح انه مش كتير ، حاضر من عيوني يا حبيبتي 💙
همس : تسلم عيونك يا احلي اخ .. غادر آسر و همت همس بالكتابه و اخذت تخط السطور " و احيانا أشعر باني فراشه احلق بحريه اتارجح يمينا و يسارا بدون قيود اضحك من قلبي بل من اعماق قلبي ، ابتسم ، اسعد من حولي ، اكون شخص لطيف جدا و محبوب  و لكن هذه الصوره لا تأتي إلا كل حين من الدهر ، و مع ذلك تبقي كل ذكري محفوره في قلبي ، كل ضحكه ، كل ابتسامه ،كل كلمه تدوم لنهايه العمر ❤️" ثم أغلقت الدفتر و هي تبتسم و قامت تصلي و تتضرع الي الله 
و ذات مساء هاتَف زين جاسر
جاسر : السلام عليكم ورحمه الله وبركاته
زين : وعليكم السلام ورحمه الله ، ازيك يا عمي
جاسر : بخير يا بني و انت عامل ايه
زين : الحمد لله كويس ، ممكن اكلم جنه
جاسر : ثواني يابني اناديها
جنه : السلام عليكم ورحمه الله
زين : و عليكم السلام ورحمه الله ، عامله ايه يا جنه
جنه : الحمد لله بخير يا استاذ زين
زين : استاذ ، و الله أنا خطيبك مش هينفع كدا كل ما احب اكلمك اتصل علي عمي ساعات بتحرج أنه يكون في الشغل ، ايه رايك نكتب الكتاب بقا
جنه بغضب : ايوه استاذ حضرتك لسه غريب عني و ممكن في أي وقت نسيب بعض مدام لسه مكتبناش الكتاب ، اما بالنسبه لكتب الكتاب الكلام دا مع والدي مش معايا ثم أعطت الهاتف لوالدها
جاسر : الو يا بني
زين : الو يا عمي ، كنت بقول لحضرتك ممكن نكتب الكتاب احنا بقالنا 3 شهور مخطوبين
جاسر : بس احنا لسه بنجهز يا بني احنا متفقين علي 6 شهور
زين : يا عمي أنا عندي الفيلا جاهزه من كل شئ مش محتاج عفش انا عايز جنه بس
جاسر : ربنا يبارك فيك يا حبيبي ، بس دي الأصول و بنتي مش هينقصها شئ باذن الرحمن
زين : طيب حضرتك قولت ايه ، نكتب الكتاب دلوقتي و الفرح كمان شهر
جاسر : بسرعه كدا
زين : بالله عليك يا عمي ما ترفض
جاسر بتنهيده  : علي خير الله كتب الكتاب اخر اسبوع و الفرح كمان شهر
زين : ربنا يخليك يا عمي و ميحرمنيش منك
جاسر : ههههه دا كله عشان وافقت ، ربنا يحفظك يا بني
زين : دا حضرتك رديت روحي ليا ، عايز حاجه يا عمي
جاسر : شكرا يا حبيبي في رعايه الله
* مر الوقت سريعا و جاء يوم كتب الكتاب تزين البيت و حضرت الفتيات من الصباح الباكر ، لبست جنه فستان من اللون الوردي و به فصوص من اللؤلؤ فضي اللون و ارتدت خمار من اللون الفضي و لم تضع أي مساحيق للتجميل و بعد صلاه العشاء عمت الفرحه المكان و اشتعلت الاناشيد الاسلاميه و كانت السيدات تصعد للاعلي للاحتفال اما الرجال بالاسفل ، كانت الفتيات ترقص و تمرح معا و كانت الأجواء حماسيه جدا تم عقد القران و صعد زين إلي الاعلي للجلوس مع زوجته و تفاجأ بشكلها الذي كان يشبه الاميرات فلم يراها الا بالالوان الداكنه جاء من خلفها و هي تمرح مع الفتيات و لم ينبهوها
زين : مبروك يا عروسه
جنه بخضه التفتت الي الخلف :   الله يبارك فيك يا زين
زين :  ياه ، اخيرا دا انا فكرت اسمي مش حلو عشان كدا مش بتنادي بيه 😂
جنه و هي تحاول عدم الضحك : احنا قولنا ايه ، دي ضوابط خطوبه
ثم ذهبوا الي الصالون و تحدثوا سويا و جاء آسر لأخذ همس و رأي جميله التي كانت تودعها فغض بصره  و عزم علي القدوم لخطبتها ،  مر الوقت سريعا و عاد زين إلي المنزل في غايه السعاده و مضت الليله بين سعاده البعض و تفكير البعض
🌞 اسدلت الشمس ستائرها الذهبيه حتي تحتضن ماء اليم الازرق في لطف و راحت الورود تتمايل مع نسمات الهواء البارده و اخذت قطرات الندي تتأرجح علي الأشجار ، حل يوم جديد يخبئ الكثير من الأحداث ، استيقظت جنه و صلت قيامها و الفجر جماعه مع اختها و اخذوا يذكروا الله ، قام زين مبكرا و استعد الي النزول الي العمل و لكن بعد صلاه الفجر لاول مره في حياته و كان لها طعم مختلف ثم هاتَف جنه
زين : صباح الورد علي احلي عروسه
جنه : و عليكم السلام ورحمه الله وبركاته ، صباح النور
زين : يسعد صباحك و ايامك ، عامله ايه
جنه : الحمد لله في زحام من النعم ، عامل ايه
زين : كويس بيكي
جنه : احنا مبقلناش كام ساعه بس كتبين الكتاب  و بدأنا الكلام الحلو 😂 ياخوفي بعد الجواز
زين : 😂 متقلقيش خالص ، و بعدين أنا مصدقت اصلا ، يا مفتريه دا انا كنت قربت ادخل العباسيه بسببك
جنه : 😂😂 بعد الشر ، و بعدين انا مش مفتريه ، الشرع و الأصول بتقول كدا و انا محبش اعمل حاجه تغضب ربنا
زين : ربنا يبارك لي فيكي ، بجد انا امي دعيالي اني اتجوز واحده زيك
جنه : عارفه عارفه مش محتاج تقول 😂😂
زين : ايه كميه التواضع دي 😅
جنه : اي رايك ، رايح الشغل صح
زين : ايوه انا في الطريق دلوقتي
جنه : طيب خلي بالك من طريقك و اوعي تضيع الصلاه ، اهم حاجه تصلي في الوقت
زين : حاضر يا قمري 💙 ، انا صليت الفجر في وقته و باذن الله هحاول اصلي باقي الفروض في الوقت
جنه : اللهم بارك ، ربنا يثبتك
زين : ربنا يحفظك ليا ، مش يخليكي اهه
جنه : 😂😂 بتتعلم بسرعه من امبارح لانهارده حفظت ، عايز حاجه
زين : عايزك كويسه دايما
جنه : 🤭 خلاص بقا كفايه الكلام دا ، مع السلامه ثم اغلقت الخط
جميله و هي تدلف الي الغرفه  : بتكلمي مين
جنه : دا زين
جميله : بدأنا بقا كلام ، راعي أن في ناس سنجل 😂😂
جنه : 😂😂 حاضر بس ابقي فكريني
جميله : 🤦 يا ربي ، الاقيها من اختي ولا من صحبتي ، يعني اسيب رقيه بتكلم خطيبها ( كتبوا الكتاب بس لسه متجوزوش)  اجي الاقيكي 😅 ، هو أنا متخطبتش و اتجوزت ليه كتعه و لا الشباب اتعموا 😂😂
جنه : 😂😅😅فشر يا حبيبتي ، الشباب هما اللي معندهومش نظر
جميله : ربنا يجبر بخاطرك يا حبيبتي منجلكيش في حاجه وحشه 😂
جنه : امين يا ام السيد 😅
جميله : 😂😂 ام السيد ، طيب قومي البسي بسرعه عشان منتاخرش علي تيته
جنه و هي تقوم مسرعه : خمس دقائق و اكون جاهزه.. ذهبت جنه و جميله الي كوثر
جميله : تيته وحشتيني اوووي
كوثر : حبيبت قلب تيته و انتي اكتر يا روحي ، عامله ايه كدا متجيش تشوفي تيته المده دي كلها
جميله : الحمد لله بخير ، و الله غصب عني يا تيته ، كله بسبب الأبله دي و هي تشير إلي جنه ، حسابك معاها😅
جنه : كدا يا جميله بتبعيني دا انا اختك 🙂
كوثر : و جنه عملت ايه بقا عشان متجوش
جميله : قال ايه بتتجوز ، شوفتي يا كوثر ياختي البنات بتكبر بسرعه ازاي و كبرونا 😂
كوثر : هههه ، يجازيكي خير يا بنتي ، الف مبارك يا روحي عقبال ما اشيل عيالك ، لو مريم كانت موجوده كانت فرحت اوي ثم عم الصمت  و نزلت العبارات تتسابق علي وجنتيها مسحت السيده كوثر وجهها سريعا : ثواني هقوم اجيب حاجه من جوا
جنه و هي تجلس بجوارها : بالله عليكي ما تعيطي يا تيته ، هي في مكان احسن من هنا بكتير ، ادعيلها بس هي محتاجه دعائك
كوثر : وحشتني اوي 😢
جنه و هي تمسح دموعها : وحشتني أنا كمان ، بس الموت كان راحه ليها ، و بعدين انا معاكي اهه انا عارفه ان عمري ماهكون زيها ولا في طيبه قلبها
كوثر : ما تقوليش كدا يا بنتي ، انتي من يوم موتها وانتي معايا ، أنا لو كان عندي حفيده مكنتش هتبقي زيك كدا ، ربنا يبارك فيكي يا رب 🤲
جميله : الله ، يعني أنا عاطف معاكوا هنا ، ادعيلي أنا كمان يا تيته
كوثر : ربنا يبارك فيكوا و يحميكوا يا حبايبي
ثم جلسوا يتسامرون و بعد مرور عده ساعات دلفت جنه و جميله الي الخارج  و
جنه : جميله تعالي نتمشي علي البحر شويه أنا مخنوقه
جميله : يلا تعالي يا حبيبتي 💙 ، بس ممكن تبطلي عياط 
جنه : مريم وحشتني بجد ، و لما تيته جابت سيرتها افتكرت ذكرياتنا مع بعض و اول مره شوفتها فيها
جميله : ربنا يرحمها و يغفر لها ، بس زي ما انتي قولتي هي في مكان احسن و بعد الوصول إلي الشاطئ
جنه : شايفه الكرسي اللي هناك دا ، اول مره شوفتها كانت قاعده هنا و.... 
يا ترا مين مريم دي 🤔 و ايه علاقتها بكوثر و ايه اللي هيحصل بعد كدا 🙃دا اللي هنعرفه المره الجايه باذن الله
*رايك يهمني يا جميله القلب ⁦☺️🤗
# استغفروا 💙
# بقلمي_دعاء_سمير⁦(◕ᴗ◕✿)⁩