رفيقه دربي 🌻

الحلقه الخامسه عشر

ظلت جنه علي هذه الحاله مده من الوقت ثم قامت تقرا القران و تذكر الله و تدعي كثيرا
و بعد مرور أكثر من ساعتين خرج الطبيب من الغرفه و ذهب إلي جنه
جنه بقلق و خوف شديد : طمني يا دكتور العمليه نجحت
الطبيب : العمليه كانت صعبه جدا و خطر جدا علي المريضه احنا عملنا اللي علينا و هنستني 24 ساعه لو عدوا بدون مضاعفات يبقي العمليه نجحت ادعولها كتير هي محتاجه الدعاء عن اذنك
جنه : يا رب ، أنا مليش غيرك يا رب ، قومها بالسلامه هي و بابا ، أنا عارفه أن دا اختبار ليا و انا هصبر يا رب و عارفه ان كل اللي بيحصل خير ، يا رب الصبر و الفرج من عندك  .. اما آسر فذهب خلف الطبيب
آسر : دكتور هي حالتها عامله ايه دلوقت
الطبيب : اهلا دكتور آسر ، انت تعرفها
آسر : هي صديقه اختي ، المهم بس هي عامله ايه
الطبيب : مخبيش عليك هي حالتها خطر جدا و قلبها وقف اكتر من مره في العمليه و اللي خلي العمليه خطر اكتر ضيق التنفس اللي يتعاني منه
آسر : طيب نسبه نجاح العمليه قد ايه و ايه اخبار والدها
الطبيب : والدها كويس و نسبه نجاحها 90 % لوالدها أما هي فالله أعلم ايه اللي هيحصلها
مر اليوم سريعا و فاق جاسر و حين علم أن المتبرع جميله حزن علي ابنته و تأثر و لكن نصحه الأطباء بعدم الحزن حتي لا يؤثر علي جرحه    ....  و بعد مرور 3 أيام بدات الشمس في الخروج من كهفها لتضئ الكوكب الأزرق بنورها و تتلألأ أشعتها علي الماء فتجعله ساطعا براقا استيقظت جنه و ذهبت الي غرفه جميله وجدت الطبيب هناك
جنه : هي هتفوق أمتي يا دكتور
الدكتور : محدش عارف ممكن تفوق في أي وقت  ثم غادر
جنه و هي تجلس بجانبها و تحتضن كفها : قومي بقا يا جميله ، يا رب قومها بالسلامه ، فوقي يا حبيبتي و انا هعمل كل اللي انتي  عايزه و هجبلك اي حاجه تقولي عليها ، قومي عشان نكون معا حتي الجنه ، مش هقدر اكمل من غيرك و خانتها دموعها و اخذت تنهمر بغزاره
_ و هتجبيلي شوكولاته و آيس كريم
جنه بذهول و هي ترفع راسها : جج جميله و احتضنتها بشده الحمد لله يا رب حمد لله علي السلامه
جميله بصوت ضعيف : براحه عليا الله يسترك أنا مكسره 😅
جنه : 😅 ياه وحشتني ضحكتك و كلامك ، متخيلتش اني ممكن أخسرك
جميله : ما أنا كويسه اهه و زي القرد قدامك ، مفكره اني هسيبك لوحدك
جنه : ربنا يتم شفاكي علي خير و تقومي بالسلامه و تنوري البيت تاني
جميله : يا رب ، بابا عامل ايه دلوقتي و تيته
جنه : الحمد لله العمليه نجحت و هو بقي احسن  أما تيته فكانت بتدعيلك علي طول  و هي عند بابا دلوقتي ، دا انتي متعرفيش كنا عملين ازاي من غيرك
جميله : أنا اسفه اني مقولتلكيش بس و الله كنت عارفه انك هترفضي و بابا كمان هيرفض
جنه : مش وقته الكلام دا ، بس كنتي عارفه هنرفض ليه صح
جميله و هي تنظر الي الارض : عشان مينفعش اعمل عمليه و انا قلبي ضعيف و بسبب ضيق التنفس اللي عندي ، اي عمليات خطر عليا
جنه : مدام عارفه يبقي عملتي العمليه ليه
جميله : يعني عايزاني اسيب بابا يجراله حاجه
جنه : خلاص اللي حصل حصل و اهم حاجه انك بقيتي كويسه
_ جميلهههههه حبيبتي حمد لله علي السلامه
جميله : هموس حبيبتي عامله ايه
همس : الحمد لله ، كدا ترعبينا عليكي
جميله : معلش بقا اللي حصل
رقيه : جميله حمد لله علي السلامه ، دا انتي نشفتي دمنا
جميله: رقيه حبيبتي ، معلش بقا يا ستي و بعدين هي جديده عليكي ما أنا منشفه دمك علي طول 😂
رقيه : 😅😂 في دي عندك حق ، و صحيح ايه الريكورد دا ، جنه يومها فضلت تعيط بعد ما سمعته و كانت بتشغله اكتر من مره في اليوم عشان تسمع صوتك
جميله و هي تنظر إلي جنه بامتنان : مش عارفه اقولك ايه علي طول تعباكي
جنه : قومي انتي بس بالسلامه و بعدين نشوف هتقولي ايه 😅
جميله : هتيلي شوكولاته و آيس كريم و مصاصه 😁
جنه : دا كله 
جميله : مش انتي كنتي بتقولي اني اقوم و هتجيبي لي اي حاجه ، أنا قومت اهه
جنه : من عيوني يا ست جميله 💙
جميله : تسلم عيونك يا قلبي
همس : احم احم نحن هنا مش وقت حب في بعض 😅😅
جميله : اللي متغاظ مننا يعمل زينا 😂
و ظلوا يضحكوا و مر اسبوع و خرجت جميله من المشفي و كانت جنه لا تذهب الي العمل ، اما زين فكان يطمئن على جنه من هند دائما و كان ينتظر حتي يتعافي والدها و اختها ليذهب لخطبتها  ، أنا عن هند فتم عقد قرانها علي محمد ، اما آسر فتغير كثيرا و كان يحضر الهدايا لأخته دائما ليسعدها و لوالدته أيضا    🌠 مرت الايام و توالت و تعافت جميله و عادت الي الجامعه و اصبح جاسر علي ما يرام و تركت جنه العمل نهائيا و فضلت الجلوس في المنزل مع جدتها و جميله و لخدمه والدها  و في أحد الأيام ..
جاسر : جنه
جنه : ايوه يا بابا ثانيه واحده ، نعم يا بابا
جاسر : نعم الله عليكي يا بنتي ، في شاب متقدملك ايه رايك
جنه : حضرتك عارف اني مش بفكر في الجواز دلوقتي و مش عايزه اسيبك لوحدك
جاسر : يا حبيبتي مسير البنت لبيت جوزها ، و بعدين أنا قولتلك اتجوزيه ، أنا بقول اقعدي معاه في الرؤيه الشرعيه حصل قبول يبقي علي البركه حصل رفض يبقي كل حاجه زي ما هي
جنه : اللي حضرتك تشوفه يا بابا ، أنا هصلي استخاره و اللي فيه الخير يقدمه ربنا
جاسر : ماشي يا حبيبتي 💙 ربنا يرزقك بابن الحلال اللي يريح قلبك زي مانتي مريحاني كدا
جميله: امسك ، بتدعيلها هي بالجواز وانا لا ، عايزني ابور جمبك يا جسور ، مكنش العشم يا باباي أو يالي كنت فكراك باباي 😂😂😂  جاسر : 😂😂 جيتي أمتي يا بت انتي
جميله : من ساعه ما كنت بتدعي لجنه بعريس و انا لا 😂
جاسر : 😅 يا بنتي اختك جيلها عريس و بدعي لها أنه يكون ابن حلال
جميله : و لا ابن كدا يعني هو حد لاقي 😂😂
جاسر : 😂😂 ربنا يجازيكي خير يا بنتي ، اخر الزمن هجوزكوا لابن كدا يعني زي ما بتقولي
جنه : 😅😅 ما هي بتقول الحقيقة يا والدي
جاسر : حتي انتي يا جنه اتعاديتي منها ، الله يرحم اللي كانت مش بتفكر في الموضوع دا دلوقتي
جنه : احم  .. مش معني كدا اني موافقه
جميله : هو هيجي امتي يا بابا
جاسر : هيجي يوم الخميس بعد العشا
جنه : يعني بعد بكرا
جاسر : ايوه ، هيجي اول مره لوحده رؤيه شرعيه و لو حصل نصيب هيجيب أهله معاه
جميله : علي خير ان شاء الله ، يلا اهه تسبيلي الاوضه لوحدي 😂 و اللبس كمان 😅 ( احم .. عقبال ما أنا كمان يتسابلي اللبس و الاخمره و الاوضه لوحدي .. نرجع لموضوعنا 😂 ) جنه : دا كل اللي همك 😅 ، و نعم الاخوات
جاء يوم الخميس و تم إعداد البيت و تجهيزه لاستقبال العريس و بعد اذان المغرب و الافطار قامت جنه لتبدل ملابسها
جميله : هتلبسي ايه بقا
جنه : الدريس الاسود و الخمار النبيتي
جميله : اسود من اولها 😂 الراجل هيطفش
جنه : 😅 عشان نبقي علي نور من الاول
و بعد العشاء صلت فرضها و قرأت بعض آيات القرآن لتهدئ  و حضر الشاب و بعد مرور ما يقرب من نصف ساعه حضرت جنه بالعصير و قدمته و هي تنظر للأرض ثم جلست بجانب والدها
جاسر : اسيبكوا تتعرفوا علي بعض تشبثت به  جنه  : أنا قدامك في الصاله متقلقيش و بعد خروجه ظلت تنظر الي الارض
_ كنت فاكر أن الرخام اللي في الشركه هو اللي حلو بس الظاهر انك بتحبي الارض بصفه عامه 😅
جنه و قد رفعت راسها بذهول حين سمعت الصوت : مستر زين ااا
زين : أنا زين بس من غير مستر احنا مش في الشركه يا جنه
جنه و قد اخفضت رأسها : حضرتك العريس
زين : مفاجأة مش كدا ، بس يا رب تكون حلوه
تحبي تتكلمي انتي ولا اتكلم أنا
جنه : اتفضل اتكلم
زين :أنا زين عز الدين ، 30 سنه ، مهندس و عندي شركه ، والدي متوفي و عايش مع والدتي ، معنديش اخوات ، بس ، تحبي تسالي اي سؤال
جنه : ايوه ، حضرتك تعرف اسم النبي كامل
زين باحراج : مش عارف غير أن اسمه محمد ابن عبد الله بن عبد المطلب
جنه : ابن هاشم بن عبد مناف بن قصي بن كلاب بن مرة
_ بتصلي ؟!
زين : بصلي بس بقطع فترات و مش دايما بصلي في الوقت عشان ظروف شغلي
جنه : علاقتك بمامتك عامله ازاي
زين : و دا ايه علاقته بالموضوع ، بس عامه انا بحب والدتي جدا و بحترمها جدا جدا و مقدرش ازعلها
جنه : تمام ، حضرتك عايز تسال اي سؤال
زين : أنا معرفش عنك غير أن اسمك جنه ، عرفني بنفسك
جنه : أنا جنه ، 24 سنه ، مهندسه ، عندي اخت واحده و مامتي متوفيه
زين : ربنا يرحمها
جنه : اللهم امين حضرتك عايز تسال اي سؤال
زين : لا
جنه و قد وقفت : عن اذنك ثم نادت أباها و تركته مع زين و رحلت
زين : هو في حاجه يا عمي  ، انسه جنه قامت بسرعه هو أنا قولت حاجه زعلتها
جاسر :  لا يا بني مفيش حاجه ، بس جنه بنتي مش بتقعد مع رجاله و اول مره تقعد في رؤيه شرعيه اعذرها يابني ، و كمان عشان انت لسه غريب عنها
زين و هو فرح جدا من الداخل : ربنا يبارك لك فيها ، طيب الخطوبه امتي
جاسر و هو يضحك : مش بسرعه دي يابني نشوف رأي العروسه الاول
زين : طيب ما تسألها و انا مستني اهه
جاسر : مستعجل علي ايه ، الأمور دي يابني مش بتيجي كدا لازم تاخد وقتها و تفكر دا الناس بتقول كله بالخناق الا الجواز بالاتفاق
( دا جواز مش سلق بيض حضرتك ، اهدي يا اخينا 😂 شباب اخر زمن صحيح )
تم الاتفاق بعد ثلاثه ايام سيتم الرد و رحل و ذهب إلي بيته
زين و هو مبتسم و يحتضن أمه : لولو حبيبتي وحشتيني
هاله و هي سعيده : قلب لولو ، ربنا يسعدك دايما بس ايه سبب السعاده دي كلها
زين : كنت بخطب
هاله : نعم ، مين و ازاي و ليه مقولتش عشان اجي معاك
زين : انا قايل لحضرتك من فتره ، و كلمت والدها  و روحت قابلته و هيردوا عليا بعد 3 أيام
هاله : ربنا يتمملك بخير يا حبيبي و تفضل سعيد علي طول ، بس مين سعيده الحظ اللي تخليك تحب و تقع بالشكل دا 😂
زين : دي بنت اسم علي مسمي جنه
هاله : اسمها جميل ، ربنا يتمملك علي خير و يجعلها سبب سعادتك
زين : امين ، ايوه ي امي ال3 ايام دول ادعيلي طول الوقت تكون من نصيبي
هاله : 😂😂 ياواد اتقل شويه ، حاضر هدعيلك يا حبيبي
زين : 😂😂 اتقل اكتر من كدا ، بقي عندي 30 سنه لو تقلت تاني هتجوز علي 50 سنه 😅😅
هاله : 😂😂
اما عند جنه .. دخلت غرفتها فوجدت 😳
جميله : يا دبله الخطوبه عقبالنا كلنا ، الف مبروك يا عروسه ، الخطوبه امتي قصدي الفرح أمتي
جنه : 😂😂😂ايه اللي انتي عملاه دا و بعدين خطوبه ايه و فرح مين
جميله ببلاهه : خطوبتي
جنه : ايه دا هتتجوزي ، الف مبارك
جميله : جنه متشلنيش ، احكي ايه اللي حصل
جنه و هي تجلس و قصت عليها كل ما حدث
جميله : طيب و انتي رايك ايه
جنه : مش عارفه يا جميله متوتره اوي و خايفه ، و كمان عشان اول مره شوفته ، خايفه اتخدع و اوافق و يطلع مش كويس
جميله : بصي انتي حاسه بايه
جنه : أنا صليت استخاره و حاسه براحه
جميله : سلمي امرك لله و ادعي ربنا و صلي استخاره في ال3 ايام دول و باذن الله ربنا هيختارلك  الصح ليكي
جنه : عندك حق ثم احتضنتها : ربنا يحفظك ليا
جميله : و يحفظك يا روحي و افرح بيكي قبل ما اموت 😂😂
جنه : 😂😂 فقدتي الامل في جوازي
جميله : بالشكل دا هتفضلي جمب ابوكي 😂 ، أنا عايزه اتجوز لو انتي واخده اجازه جواز
جنه : 😂😂 بكرا تقولي يا ريت ... مرت الايام و تمت الموافقه علي زين و تمت الخطبه و في أحد الأيام في الشركه
زين يتافف : اعمل ايه قولي
محمد : 😂😂 ياعيني عليك يا بني ، خاطب و مش خاطب
زين : هو أنا بقولك عدد عليا و اعمل زي الستات ، اعمل ايه بجد
محمد : انسي انك تكلمها قبل كتب الكتاب ، دي و لله الحمد من ساعه ما عرفت هند و اقنعتها بالخمار و عرفت أننا بنتكلم و هي فضلت مع هند تعرفها ضوابط الخطوبه و مبقناش نتكلم لحد ما كتبنا الكتاب 
زين : هو كل ما اكلم حد يقولي ضوابط الخطوبه و هي ايه بقا
محمد : ازاي جنه مقلتلقش عليهم 🙂
زين : هي قالتلي انا ملتزمه بضوابط الخطوبه و اني لو عايز اعرفها ادور عليها علي النت او في اي مكان
محمد : ضوابط الخطوبه هي قوانين الاسلام حطها عشان فتره الخطوبه  ، و هي أن محدش يخطب البنت اللي انت خطيبها دي حقوقك علي خطبتك
زين : ايوه ، كمل
محمد و هو يهز ذراعيه الي أعلي : بس كدا يا حبيبي ، يعني لا تكلمها ولا تجيب لها فون و تقول عشان احب و اتكلم براحتي و لا تروح عندها كل شويه و كل أسبوع رايح أفسح خطيبتي ، و لا متروحيش مع فلانه المكان دا ، و لا و انتي طالعه رني عليا و انتي راجعه قوليلي دا كله حرام ، الحاجات دي تحصل بس في كوكب الزمرده  اما  في الاسلام مينفعش تحصل ( دي يا بنوتات ضوابط الخطوبه ، حقوق خطيبك  ان محدش يتقدملك و هو خطبك و لو حب يتعرف عليكي و يطمن عليكي يرن علي فون باباكي و يطمن عليكي منه أو لو عندك اخ ولد يرن عليه  و يكلمك في حضوره اكتر من كدا ملهوش، بالنسبه بقا للكلام اللي بيحصل دا و أن دا صعب يتنفذ فدا شئ سهل لكل واحده عايزه تحافظ علي نفسها و خلي بالك يوم القيامه مش هتقولي لربنا اصل كله بيتكلم ، اصل كله بيعمل كدا )
زين باستغراب : انت عرفت دا كله ازاي يلا ، دخلت الاسلام من ورايا
محمد : 😂 عرفتها من الشيخ محمد الغليظ
زين 😳: انت بتسمع شيوخ كمان
محمد : هند قالتلي علي سلسله اسمها عاطف و عواطف فيها ضوابط الخطوبه و الحب الحرام و حجات تانيه سمعتها و استفدت منها
زين بإعجاب : دا كله جنه عملته مع هند و معاك
محمد : بجد ربنا يحفظها لك و نعم البنات
زين بغيره : متجبش سيرتها علي لسانك ياض
محمد : 😂😂 ياخواتي علي اللي بيغير ثم خرج مسرعا
زين و هو يلقي الزجاجه عليه : برا ثم جلس و فتح هاتفه و بدأ يسمع عاطف و عواطف و ضوابط الخطوبه

# استغفروا🤍
#بقلمي_دعاء_سمير💙🌨️