رفيقه دربي 🌻

الحلقه السابعه

و مر الوقت سريعا و كانت جنه مجتهده جدا في عملها و اصبحت تربطها علاقه قويه بهند ، و جميله استمرت في الدعوه الي الله هي و رقيه ، زين يجاهد قلبه كثيرا علي عدم الوقوع في الحب مره اخري

و كان يوم الجمعه
جنه : صباح الخير يا جميله
جميله : صباح الورد يا جنتي
جنه : يلا انهارده الجمعه بلاش كسل قومي يلا صلي الضحي و تعالي ورايا و طبعا طول ما انتي قاعده تصلي علي النبي
جميله : حاضر ، والله أنا حفظت مخطط يوم الجمعه اكتر ما حفظت دروسي 😂
جنه : 😅، طيب قومي يلا .. مش هستني كتير ، علي ما اصحي بابا و تيته الاقيكي خلصتي
جميله : قومت اهه . اتفضل يا باشا روح شوف شغلك 😂 . و رحلت جنه ثم تناولوا الطعام و ..
جنه :: بابا حضرتك عايز حاجه قبل ما ننزل
جاسر : هتنزلوا من دلوقتي يا بنتي
جنه : ايوه .. عشان نلحق نخلص قبل الصلاه
جاسر : ربنا معاكوا يا حبيبتي و يحفظكوا يا رب
فاطمه : ربنا يكرمكوا يا بنات و يريح قلبكوا
جنه و جميله : اللهم امين يا رب و لك بالمثل يا تيته ثم احتضنوها
جميله : تيته
فاطمه : نعم يا قلب تيته
جميله : هو أنا لسه طوبه علي قلبك 😂
فاطمه : 😅😅 فكرتيني ثم ازاحتها من علي صدرها ، يلا امشوا عشان ماتتاخروش
جميله : ما صدقتي صح 😂 ، انا عارفه اصلا اني مش حفيدك انتوا لقيني علي بابا جامع صح 🤦
فاطمه : 😂😂 عرفتي لوحدك ، جنه خدي اختك قبل ما تعرف باقي الحقيقه
جنه و هي تضحك : حاضر يا تيته ، يلا يا جميله ثم رحلوا
فاطمه : 😅 ياه عليكي يا جميله .. جاسر البنات كبروا بسرعه
جاسر : صح معاكي حق .. كبروا و كبر خوفي عليهم
فاطمه : مالك يا جاسر انت مخبي حاجه عني
جاسر بتنهيده : لا يا امي ، بس جنه و جميله شغالين تفكيري
فاطمه : ليه مالهم
جاسر : مش عارف لو حصلي حاجه ايه اللي هيجرلهم
فاطمه : متقولش كدا يا بني ربنا يديك طوله العمر يا حبيبي
جاسر : ربنا يحفظهم و يلطف بيهم ، أنا هقوم اغتسل و اقرا سوره الكهف و اتطيب و انزل المسجد قبل الصلاه عشان اصلي ( دي من سنن يوم الجمعه و معني الاغتسال الاستحمام )
فاطمه : ماشي يا حبيبي ، و متشلش هم .. سيبها علي الله
جاسر : الله المستعان
عند جنه و جميله
جميله : جنه بالله عليكي متتاخريش ، عشان ميحصلش زي المره اللي فاتت
جنه : حاضر ، ولا اقولك علي فكره هي سالت عليكي المره اللي فاتت تعالي معايا
جميله : بجد ، بس هي عرفتني ازاي
جنه : ما أنا حكتلها عنك كتير
جميله : طيب ، أنا موافقه بس برضو مش هنتاخر عشان نلحق نوصل المسجد
جنه : حاضر ، هنطمن عليها و ننزل ثم دلفوا داخل عماره قديمه بعض الشئ و طرقوا باب احدي الشقق
كوثر : مين
جنه : أنا جنه ، افتحي يا تيته .. و فُتح الباب
كوثر و هي تعانق جنه : حبيبتي ، عامله ايه .. ثم التفتت الي جميله : انتي جميله صح
جميله و هي مبتسمه : ايوه انا ، حضرتك عامله ايه
كوثر : اسم علي مسمي اللهم بارك قوليلي يا تيته زي جنه ، اتفضلوا ادخلوا ثم دلفوا الي الداخل
جميله : حاضر يا تيته .. عامله ايه بقا يا تيته
كوثر : الحمد لله يا حبيبتي في زحام من النعم ( الجمله دي اتعلمتها من صديقه ليا و من يومها و انا بقولها .. شكرا يا ديدا 💙)
جميله : يا رب دايما ، أنا بقا بصراحه عايزه اتعرف عليكي اكتر .. جنه حكتلي عن حضرتك كتير بس عايزه اعرف اكتر
كوثر :عايزه تعرفي ايه
جنه : انتي يا اخت ، انتي جايه معايا عشان تتعرفي علي تيته كوثر وانا اجيب شجره و لمون و اقعد في النص اسمع ، قومي ابداي معايا يلا و اسمعي وانتي بتخلصي
كوثر : 😅😂 براحه علي البنت مش كدا يا جنه
جنه : أنا عرفاها يا تيته بتعمل كدا مع تيته فاطمه و تخليني أنا اللي اعمل لوحدي
كوثر : بس برضو براحه ، أنا حبيتها اصلا
جميله : 🤦 شوفتي يا تيته هي علي طول كدا ارشه ملحتي اهئ اهئ اهئ ، و انا والله حبيتك جدا جدا يعني يا تيته يا قمر انتي
جنه : طيب يلا يا ست الحبيبه اشتغلي
جميله : 😞 حاضر ياختي .. قمت اهه
جنه : 😂 شكلك حلو و انتي مقموصه كدا ... و انتهوا من تنظيف الشقه و تحضير الطعام و لم يخلوا من المشاكسات بينهم و بعد مرور بعض الوقت
جنه : تيته أنا خلصت تحضير الاكل و حطيته في التلاجه يتسخن بس و جميله خلصت الشقه و جبت عصير في التلاجه .. اي حاجه تانيه
كوثر : و الله تعباكي معايا يا بنتي ، ربنا يكرمك يا حبيبتي
جنه : ولا تعب ولا حاجه انا كدا ازعل
كوثر : ربنا يجبر بخاطرك يا حبيبتي و يريح بالك
جنه : امين يا رب و احتضنتها
جميله : امسك .. ليمون و شجره بسرعه 😂 اتنين بيحبوا في بعض .. كدا من غيري يا وحشين
كوثر و جنه و هم يضحكون : تعالي يا حبيبتي 💙
جميله : ايوه كدا .. و احتضنت كوثر
جنه : طيب احنا ماشيين عايزه حاجه يا تيته
كوثر : تسلمي يا قمر .. مع السلامه يا جميله تعالي تاني
جميله : طبعا طبعا .. لما ازهق من جنه هتلاقيني عندك علي طول 😂
كوثر : تنوري يا حبيبتي ... و غادروا و ذهبوا الي المسجد وضعوا بعض المصاحف و الكتب الدينيه و رتبوهم في المكتبه ثم نظفوا المسجد جيدا و توضؤا للصلاه و بعد الانتهاء من الصلاه ظلوا يذكروا الله حتي أتت احدي البنات الي جميله
همس : السلام عليكم ورحمه الله وبركاته
جميله و هي مبتسمه : و عليكم السلام ورحمه الله وبركاته
همس : أنا همس معاكي في الكليه مش فكراني ( همس البنت اللي قررت تتغير و تتوب ) و جيت عشان احضر الدرس زي ما قلتي و شوفتك كذا مره قبل كدا بس معرفتش اكلمك و بجد كلامك اثر فيا جدا جدا
جميله : 💙 ازيك يا هموس و الله فرحتيني جدا .. تعالي اقعدي معانا اعرفك دي جنه اختي
جنه : اهلا همس ☺️
همس : اهلا بيكي يا قمر ❤️ و جلست معهم حتي بدأ الدرس
المعلمه : السلام عليكم ورحمه الله وبركاته .. الحمد لله رب العالمين و صلاه و سلاما علي اشرف المرسلين سيدنا محمد و علي آله وأصحابه أجمعين و العاقبه للمتقين و لا عدوان الا علي الظالمين .. باذن الله هنتكلم انهارده عن موضوع مهم جدا .. اتكلمنا قبل كدا عن التوبه و قد ايه الجنه سهله المنال و لكن إن خالفتي هواكي .. طيب انتي عايزه الجنه يبقي تتبعي اوامر ربنا - ‏- طَب إقرأي الآيه دي براحه حَتي لو عارفاها وخَليكِ فاكراها عَشان هنحتاجها بَعدين 💛 :))
" وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ "💛