رفيقه دربي 🌻

الحلقه الثالثه عشر

ثم انطلق آسر  بالسياره حتي وصل للمشفي

و كانت جميله تقف في النافذه تتطلع علي البحر و هي غارقه في التفكير و في هذه الأثناء وصلت همس و عرفت رقم الغرفه و ذهبت الي هناك و دقت الباب ولكن لم تنتبه جميله إليها ، دخلت بهدوء و ذهبت اليها
همس : جميله ، عامله ايه يا حبيبتي
جميله و قد أفاقت من شرودها: ه همس حبيبتي عامله ايه و احتضنتها بشده ثم تركتها و تطلعت عليها
جميله : اللهم بارك ايه القمر دا ، لبستي الخمار و الادناء أمتي
همس : ايه رايك ، مش هتصدقي مين اللي جايبه
جميله بمزاح : مين ، اخوكي مثلا
همس : ايوه هو
جميله : ازاي دا
همس : ما هو دا اللي كنت هقولهولك في الجامعه بس بعدين عرفت انك هنا ، والدك لسه تعبان
جميله : لا بقا بخير الحمد لله ، احسن كتير
همس : اومال هتفضلي اسبوع او اسبوعين مش هتيجي ليه
جميله : لان بابا هيعمل عمليه بعد 3 ايام و علي ما يقوم بالسلامه
همس : ربنا يشفيه يا رب
جميله : يا رب ، قوليلي بقا ايه اللي مفرحك و ازاي اخوكي هو اللي اشتري دول
همس بدات تقص عليها كل شئ : بس يا ستي هو دا اللي حصل
جميله : ربنا يهديه و يثبته علي الدين ، مبروك عليكي الخمار يا قمري ، سبحان الله ، فعلا القلوب بيد الله يقلبها كيفما شاء ، الإنسان مهما أخطأ و ارتكب معاصي مسيره يرجع لربنا لأن لا ملجأ من الله إلا إليه ، انتي مثلا لما بتخافي من حاجه بتجري منها و تبعدي عنها إلا الله لو خوفتي منه تقربي منه اكتر و كل ما تقربي منه اكتر تحبيه اكتر و اكتر و ربنا يحبك كمان ، اللهم ارزقنا حبك و حب من يحبك و حب عمل صالح يقرب الينا حبك

همس : اللهم امين يا رب 🤲 ، بس انا مش مصدقه أن آسر اتغير ، دي اكبر مفاجأة بالنسبالي
جميله : اتعجبين من أمر الله ، هحكيلك قصه صغنونه كدا كان زمان اول ايام الاسلام في فتي كان بيعذب المسلمين و يفضل يضرب فيهم لحد ما أيده توجعه و هما لسه علي موقفهم ، كان عنده خادمه كان يعذبها في الشمس و يفضل يضرب فيها عشان ترجع عن دين الاسلام و هي مش راضيه ترجع للكفر ابدا ، في يوم لما غضب جدا من الخادمه قال انا هقتل محمد لان هو اللي بيدعي للدين دا و كان رايح عشان يقتل النبي قبله واحد في الطريق قبل ما يروح للنبي قالوا رايح فين فقال هقتل محمد قاله تقتل محمد و اختك و زوجها علي دينه فتعجب و قاله ازاي قاله اختك فاطمه أسلمت قام الشاب دا رايح علي بيت أخته و خبط بصوت عالي كان في الوقت دا عند أخته صحابي اسمه الخباب بن الأرت  بيعلمها القران لما سمع صوته قام و تخبأ في الداخل و هي فتحت فلما عرف انها أسلمت ضربها علي خدها لدرجه ان وشها نزل دم و بعدين سمع أخته و زوج أخته و هما بيتلوا اول آيات من سوره طه قلبه انشرح للكلام و قال لهم ايه اللي بتقراوه دا قالوا إنه القران كان عايز يقرأه فاخته بعدته و قالتله لا يلمسه الا المطهرون و لازم يسلم ،  أسلم في السنة السادسة من البعثة النبوية المشرفةوسمع خباب كلمات عمر ، فخرج من مخبئه وصاح :( يا عمر والله إني لأرجو أن يكون الله قد خصك بدعوة نبيه -صلى الله عليه وسلم- ، فإني سمعته بالأمس يقول :( اللهم أيد الإسلام بأحب الرجلين إليك ، أبي الحكم بن هشام ، وعمر بن الخطاب ) فسأله عمر من فوره :( وأين أجد الرسول الآن يا خباب ؟) وأجاب خباب :( عند الصفا في دار الأرقم بن أبي الأرقم ) و راح هناك كان الصحابه فاكرين أنه جي يقتل النبي و كانوا هيهجموه بس النبي صلى الله عليه وسلم منعهم و لما دخل جلس بين يديه الشريفين و اسلم و حسن إسلامه و الفتي دا كان سيدنا عمر بن الخطاب ، ثالث الخلفاء الراشدين و احد العشره المبشرين بالجنة ، شوفتي اتغير ازاي فيوم و ليله كان رايح يقتل النبي بقا من العشره المبشرين بالجنه ، انتي عارفه ان الناس كانوا بيقولوا لو اسلم حمار بن الخطاب ما اسلم عمر يعني مستحيل يدخل الاسلام بس ربنا لما بيلقي التوبه في قلب العبد بيتغير " قال له كن فيكون " في الحال في اللحظه ، فمهما اخوكي كان بيعمل ربنا سهل جدا يغيره " إنما هو علي هين" يعني مفيش حاجه تصعب علي ربنا مهما كانت
همس : ياه ، اول مره اعرف القصه دي ، بجد كلامك جميل اوي اه لو اخويا سمعه ، الكلام خدنا و مشفتش والدك
جميله : تعالي يا حبيبتي معايا و في هذه الأثناء كانت قد وصلت جنه عند والدها
جنه و هي تقبل يد والدها : ازيك يا بابا ، عامل ايه دلوقتي
جاسر : بخير يا بنتي و الحمد لله ، انتي عامله ايه
جنه : ادام الله حمدك ، الحمد لله كويسه ، تيته كانت قلقانه اوي عليك
جاسر : معلش يا امي تعبتك معايا
فاطمه : تعب ايه يا حبيبي ، ربنا يقومك بالسلامه
جاسر : يا رب 🤲
جميله و هي تجري علي جدتها : تيته عامله ايه وحشتيني قد البحر و سمكاته
فاطمه : 😅 😂 و انتي وحشتيني اوي يا روح تيته ، البيت ملوش طعم من غيرك
جميله: دا هو يوم واحد اومال لو اتجوزت بقا 😂
فاطمه : 😂
جنه : اللهم بارك ايه الحلاوه دي يا همس ، الف مبارك عليكي الخمار و احتضنتها
همس : الله يبارك فيكي يا روحي 💙
فاطمه : الف مبروك يا بنتي
همس : الله يبارك في عمر حضرتك
فاطمه: أنا زي جدتك يا بنتي قوليلي تيته
همس : حاضر يا تيته
جميله : شوفت يا بابا همس جت مخصوص عشان تشوف حضرتك
جاسر : تعبتك معايا يا بنتي
همس : لا يا عمو متقولش كدا دا وجبي ... استمروا في الحديث معا و غادرت جنه لعملها و دخل آسر
آسر : السلام عليكم ورحمه الله
جاسر و فاطمه : و عليكم السلام ورحمه الله وبركاته
آسر : حضرتك عامل ايه انهارده
جاسر : الحمد لله يا بني ، هو إن شاء الله العمليه أمتي
آسر : كويس حاله حضرتك بقت احسن و ممكن تعمل العمليه كمان 3 أيام ، مدام المتبرع موجود
جاسر : انتوا لقيتوا متبرع بسرعه كدا يابني
آسر : ايوه ، حضرتك هتعمل العمليه باذن الله كمان 3 أيام
جاسر : باذن الله ،بس عايز اشوفه عشان اعرف ايه المقابل
آسر : هو شرطه أن محدش يعرفه و هو هيتبرع بدون مقابل ، دا اللي اقدر اقوله لحضرتك ، عن اذنك
همس : آسر لو سمحت استني خدني معاك ، عايزه حاجه يا جميله
جميله و هي مصدومه : شكرا  يا حبيبتي ، بس اا
همس : هكلمك و افهمك ، السلام عليكم ورحمه الله
جميله : و عليكم السلام ورحمه الله وبركاته
* وصلت جنه الي الشركه و عرفت أن زين سأل عنها أكثر من مره و كان يعرف اخبار والدها من هند ،  لم تهتم لذلك و أنهت عملها و اخذت جدتها من المشفي أما جميله فقضت يومها مع والدها و جدتها  و كانت تحاول تخفيف التوتر بعد معرفه معاد العمليه و بعد ذهاب جدتها و نوم والدها اتصلت بهمس
جميله: السلام عليكم ورحمه الله
همس : و عليكم السلام ورحمه الله ، بنت حلال كنت لسه هتصل عليكي
جميله : عارفه 😂
همس : 😂 واثقه طول عمرك ، كان شكلك مصدوم الصبح ليه لما بقوله استني امشي معاك
جميله : هو مين دا اصلا
همس : دا اخويا دكتور آسر ، اللي بكلمك عنه ، جميله : نعم ، دكتور آسر اخوكي ، انتوا مش شبه بعض خالص
همس : 😂 اه تصوري اخوات
جميله : ربنا يحفظه لك ، اخدتوا ايه في الكليه
و ظلوا يتحدثوا ثم أغلقت جميله و اخذت تقرا القران و تقيم الليل و كانت قد عرفت ما تم أخذه في الجامعه فذاكرت لبعض الوقت ثم نامت لتستيقظ لصلاه الفجر
# استغفروا♥️
#بقلمي_دعاء_سمير🕊️
* تحبوا انزل كمان حلقه انهارده 🌝🤭