رفيقه دربي 🌻

الحلقه الواحده والعشرون

و ما ان انتهت من حديثها حتي جاءت فاطمه لتبلغهم بقدوم المأذون
" بارك الله لكما وبارك عليكما وجمع بينكما في خير " و ان قال الشيخ هكذا حتي نزلت التهنئه علي جميله و آسر من كل الحضور اما آسر فكان لا يستطيع ابعاد عيونه عنها و كأنه يروي عيونه بالنظر اليها
آسر و هو يحتضنها : مبارك عليا انتي ، اليوم بقيتي زوجتي و رفيقه دربي
جميله و الدماء تندفع الي وجنتها حتي اصبحت شديده الاحمرار   : الله يبارك فيك ، دومت لي زوجي و رفيق دربي
ثم همس لها آسر : بحبك و ما ان قالها حتي اخذ قلبها يخفق بشده و اشتعلت الاناشيد و اختار آسر انشوده يحلو المشوار

و في اثناء احتفالهم احست جنه بالم شديد في رأسها و اخذت تترنح في وقفتها ثم ذهبت الي عالم آخر حيث الظلام و قبل سقوطها علي الارض كان زين قد امسكها و توقفت الاناشيد و هرعوا الي جنه
زين : جنه .. جنه فوقي
جميله و هي تبكي : جنه قومي بالله عليكي ، انا السبب انا اللي تعبتها انهارده
ثم حملها زين و ذهبوا جميعا الي المشفي و بعد مرور ساعتين من الفحوصات و الاشعه خرج طبيب من غرفتها : فين والدها او زوجها
جاسر : انا والدها
زين : وانا جوزها
الطبيب : تعالوا ورايا و بعد ان دلفوا الي الغرفه و القلق قد نال منهم : خير يا دكتور
هشام  و هو ينظر الي التحاليل امامه و يبدو عليه الاسف : التحاليل اللي قدامي بتقول ان مدام جنه عندها كانسر في الدم و لازم تتحجز في المستشفي عشان تبدأ في العلاج و ما ان قال هذا و اخذ ينظر إليهم فوجد كل من زين و جاسر يبدوا عليهم الذهول و كأنهم لا يدركوا ما قال او بالأحرى لا يصدقوا ما سمعوا
زين : ااا انت متاكد من الكلام دا يا دكتور
هشام : مقدرش اقول كلام زي دا الا بعد ما اكون متاكد ميه في الميه
جاسر : وو هنعمل ايه دلوقتي
هشام : لازم تفضل هنا في المستشفى عشان نبدأ في العلاج لان اي تاخير في خطر علي حياتها ... اما في الخارج
جميله وهي تبكي : جنه هتبقي كويسه يا آسر صح ، انا السبب في كدا انا اللي تعبتها كتير انهارده
آسر : اهدي يا جميله ، هتكون كويسه باذن الله ادعيلها بس
مرام : مش انتي السبب يا جميله ، جنه بقالها فتره تعبانه و وشها اصفر علي طول و لما قولتلها كذا مره تعالي نكشف قالت لا هاخد علاج و انه حاجه بسيطه
جميله بذهول : تعبانه وانا معرفش ، انا لما سالتها قالت ان عندها صداع علي طول و برد مش اكتر
و في هذه الاثناء خرج كلا من هشام و زين و جاسر و ذهب كل منهم الي وجهته
جميله وهي تجري علي جاسر : طمني يا بابا جنه عامله ايه
جاسر : ......
جميله : بابا مش بترد ليه بالله عليك جنه مالها
اما آسر فذهب مسرعا وراء هشام
آسر : هشام .. هشام
هشام : اهلا يا آسر عامل ايه
آسر : تمام الحمد لله ، ممكن تقولي مدام جنه عندها ايه
هشام بأسف : انت تعرفها
آسر : دي بنت خالتي
هشام : عندها كانسر في الدم
آسر : ااازاي ، طيب ليها علاج
هشام : باذن الله بس لازم نبدأ بسرعه
آسر : ططيب شكرا معلش عطلتك
هشام و هو يضع يده علي كتف آسر : ادعيلها ، ربك قادر علي كل شئ
آسر : و نعم بالله
اما داخل غرفه جنه دلف زين و هو يحبس دموعه بصعوبه  فوجد جنه مستلقيه علي الفراش و حين رأته قابلته بابتسامتها المعتاده و عيونها الهادئه التي اسرته من اول نظره
جنه : الدكتور قال ايه
زين و هو يجلس بجانبها و يمسك بكفها : جنه حبيبتي انا عارف انك مؤمنه بالله و عارفه ان كل اللي بيجيبه ربنا خير و لا اعتراض علي حكمه و ان المؤمن امره كله خير فاذا اصابته سراء شكر و اذا اصابته ضراء صبر
جنه بنفس الابتسامه : ونعم بالله ، بس انا اعرف عندي ايه
زين و بدأت عيونه تتلألأ بالدموع : ععع عندك كانسر في الدم و باذن الله ربنا هيشفيكي و هتبقي كويسه بس لازم نبدأ في العلاج بسرعه
جنه بهدوء و هي تمسح دموعه : إن لله و إنا إليه راجعون و ما نقول الا ما يرضي ربنا ، الحمد لله ، افرح يا زين ربنا بيحبني و بدأت دموعها في السقوط ربنا عايز يخفف عني ذنوبي عشان لما اقابله ، ربنا راضي عني ثم نظرت الي الاعلي انا بحبك يا رب ، اللهم اجعل خير ايامي حين ألقاك ، هصبر يا رب و عني و قويني يا رب
و ما ان قالت ذلك حتي قام زين و احتضنها بشده و اخذ يبكي : يااا رب ، اللهم اشفيها انك انت الشافي ثم جاءت الطبيبه التي ستتابع حالتها و بدأت في كتابه الادويه و البدأ في العلاج الكيماوي
مر شهر و في هذه المده كانت مرام تتولي مهام شركه زين هي و محمد اما زين فكان مع جنه دائما و لم يتركها حتي اثناء جلسات العلاج يجلس بجانبها فإما ان يقص عليها قصص الصحابه او يقرأ لها القرآن فهذا كان يسعدها كثيرا ، اما آسر فكان مع جميله يدعمها و  يواسيها ، و كانت همس تذهب دائماً للاطمئنان علي جنه و الجلوس معها ، اما جنه فكانت تدعو الله كثيرا ان يعافيها و ان يغفر لها ذنوبها ، فقدت عده ارطال من وزنها و سقط الكثير من شعرها و اصبحت ذابله و في احد الايام
زين : عامله ايه دلوقت يا حبيبتي معلش اتاخرت عليكي بس لما خلصت صلي قعدت شويه في المسجد
جنه : الحمد لله يا حبيبي ، لا متاخرتش ولا حاجه بس احكيلي كان بيتكلم عن ايه
زين :كان بيتكلم عن سوره الصافات و ان و انت بتقرأ في سورة الصافات هتمر عليك آية، ربنا سُبحانه وتعالى بيقول “فما ظنُّكم بربّ العالمين" الآية دى بتحضن الواحد حرفياً, كل ما تضيق اسأل نفسك السؤال ده ، ما ظنُّك برب العالمين؟ بتحس ان فيه نور باين قدام في الطريق، أو طاقة ضُوء خافت , إحساس بيقول انها راح تفرج و راح تفرح فرحة تطمئن قلبك وتريح بالك وتيجى بـ السعادة اللى غابت وعافيتك اللى انقلبت والعلاقة اللى انقطعت والرزق اللى نقص
جنه : الله ، ثم نظرت الي السماء طويلا
زين : جنه محدش معانا في الاوضه انتي ليه لابسه حجابك
جنه بتوتر : كدا ، مرتاحه بالحجاب
زين : جنه
جنه و هي تنظر الي الأسفل : عادي يعني يا زين
زين و هو يزيل خمارها من علي شعرها : اوعي في يوم تتكسفي مني و ان عشان شعرك خف شويه تحرميني من اني اشوفه و استمتع بالنظر اليه ، ايوه كدا بقيتي قمر
جنه و الدموع تملأ عيونها : بس ، شكلي مش حلو خليني لبسه الخمار احسن
زين : اوعي تقولي شكلي مش حلو دي تاني و لا انك في يوم تفكري اني حبيتك عشان شكلك انا حبيت جنه و روحها و طريقتها و كل حاجه فيها و علي طول هفضل شيفك  اجمل واحده في الدنيا
جنه و هي تبكي و تنظر الي الارض : زين ممكن اطلب منك طلب
زين : انتي تأمري
جنه : زين اا طلقني
نزلت هذه الكلمه علي مسامعه كالصاعقه : بتقولي ايه
جنه : طلقني يا زين ، انت ليه تربط نفسك بواحده يعتبر ميته ، طلقني و انا مش هزعل ثم اخذت تبكي بشده دا حقك
زين و هو يحتضنها : ششششش اهدي ، انتي هتبقي كويسه و هترجعي زي الاول واحسن كمان ، انا واثق في ربنا ، لو بتحبيني بجد بلاش تجيبي سيره الطلاق تاني ، انا مقدرش اعيش من غيرك يا جنه ، انا عايزك مراتي لآخر العمر عايزك تفضلي تاخدي بايدي للجنه و تكوني طوق نجاتي دايما ثم اخذ يمسح دموعها
جنه وهي تبادله الحضن : انا بحبك اوي
زين : وانا بحبك اوي اضحكي بقا بدل ما اقول زوجه نكاديه و اتجوز
جنه و هي تبتسم و تضربه في كتفه : والله ، متقدرش اصلا
زين : ايوه كدا ياخواتي علي القمر ، مين اللي قالك اني مقدرش ، و بعدين حد يبقي معاه قمر زيك و يبص لغيرك يا جميل دا حتي يبقي اعمي
جنه : بلاش كسوف بقا ، احكيلي حكايه
زين : من عيوني
اما في الشركه بالاخص في غرفه مرام
مرام : اتفضل
خالد : السلام عليكم ورحمه الله ، لو سمحت كنت عايز حضرتك تمضي علي الاوراق دي
مرام : وعليكم السلام ورحمه الله ، ثم اخذت تمضي علي الاوراق  ، لو سمحت يا استاذ خالد ابعتلي استاذ محمد بسرعه
خالد : حاضر ، عن اذنك
و حين اتي محمد : في ايه يا مرام 
مرام : كان في اوراق زين لازم يمضيها و انا كنت رايحه لجنه اصلا فكنت عايزه اعرفك اني ماشيه و لو في ورق عايز امضي عليه
محمد : تمام، انا هفضل في الشركه عشان في شغل كتير و ابقي سلميلي علي زين ثم ذهبت الي المشفي
و مرت الايام و حاله جنه في تحسن و ذات يوم دلف زين الي الغرفه و كان سعيد للغايه و احتضن جنه و اخذ يدور بها : بحبك ، خلاص هتطلعي بكرا
جنه بذهول : اا يعني انا خلاص خفيت و بقيت كويسه
زين و هو ينزلها : ايوه ، خلاص الدكتوره كتبت لك اذن خروج ، الحمد لله يا رب ثم قبلها من جبينها ربنا يحفظك ليا و ميحرمنيش منك ابدا
جنه و هي تحتضنه : و يحفظك ليا يا قلبي 
خرجت جنه من المشفي و كان الكل سعيد للغايه و بعد مرور ما يقرب من اسبوعين كان فرح جميله و كانت جنه سعيده كثيرا و ذهبت هي و جميله لشراء ما تبقي من أشياء و اثناء التسوق اشترت نقابين و هذه كانت مفاجأة جميله لآسر و حين عرفت همس بذلك اصرت علي ارتدائه في نفس اليوم و قبل الزفاف بيومين
همس : السلام عليكم ورحمه الله ، عامله ايه يا قمري
جميله بضحك: وعليكم السلام ورحمه الله و بركاته ،  محتاسه ياختي و جبت اخري، انا مش عارفه مين قالي اتجوزي ما انا كنت في خالصه
و كان آسر قد سمعها : لا والله ، يعني كنت في خالصه
جميله : مين ابو العيال  انت هنا من امتي
آسر : من ساعه ما كنتي محتاسه
جميله بضحك : يا نهار بحلقي، اول مره اشوف عروسه هتتطلق قبل فرحها بيومين  اهدي يا رمضان وصلي علي النبي
آسر و لم يتمالك نفسه من الضحك : اللهم صل وسلم وبارك على سيدنا محمد ، هديت اهه و بعدين مين قال اني هطلقك لسه شويه
جميله : الله يكرم اصلك و يخليلك عيالك يا شيخ
آسر : انت كنت بتقعدي علي ابواب المساجد وانتي صغيره كتير
جميله : وعرفت منين
آسر بضحك : اصلك اخدتي سر الصنعه، همس معاكي
جميله : كدا تبعيني لاخوكي ، بس اوعي تكوني قولتله حاجه
همس : لا عيب عليكي ، دا حتي الفتنه اشد من القتل
جميله  : ثانيه بس ، و ايه علاقه دا بموضوعنا
همس : مش ربنا في القرآن قال " إن الفتنه اشد من القتل "
جميله : ايوه ، بس يا قمرايه معني الايه ان فتنه المسلم في دينه اشد من انك تقتله يعني لو انتي قتلتي واحد اهون من انك  تفتنيه في دينه و تخليه يشرك بالله و يرتد عن دينه
همس : بجد ، انا اول مره اعرف كدا انا فاكره ان معناها انك متفتنيش علي حد شكرا يا جميله
جميله : العفو يا حبيبتي
جاء يوم الزفاف و كانت جنه ترتدي فستان من اللون الرمادي و به فراشات صغيره من اللون الروز و ارتدت نقابها بعد موافقه زين و الذي رحب بقرارها بشده  و الذي كان يرتدي حله انيقه من نفس لون الفستان
و جميله كانت ترتدي فستان ابيض واسع و جميل و ارتدت نقابها ، همس كانت ترتدي فستان من اللون البنفسجي و به ورود بيضاء و نقاب بنفس لو الورود فكانوا كالحوريات التي نزلت من جنان الرحمن، آسر حين رأي جميله بكي و احتضنها و فرح كثيرا بقرارها
آسر : اللهم بارك ، ربنا يحفظك ليا يا رب
جميله : و يحفظك ليا
آسر : فاكره لما قولتلك ان في حد تاني ليه فضل عليا بعد ربنا ، الحد دا انتي ، انا اتغيرت بسببك ، بسبب تمسكك بدينك و حبك لحجابك و عفتك و حيائك و قوتك في الشده و روحك ، اتغيرت بسبب خشوعك و خوفك من ربنا
جميله و كانت تبكي تحت نقابها من الفرح : اا انا بحبك اوي ، متعرفش كلامك عمل فيا ايه ثم احتضنته
آسر : ربنا يحفظك ليا يا حبيبتي 
* مر عامين  علي زواج جميله و آسر و انجبوا مالك الذي يبلغ من العمر سنه ، اما زين و جنه فرُزقوا بمريم و التي عمرها 6 أشهر ، اما رقيه فقد عادت الي ادهم بعد ان تغير كثيرا و اصبح يعاملها بلطف و انجبوا يوسف ، اما   عن همس فقد تقدم لها دكتور هشام و تمت الموافقه عليه و جاء يوم الزفاف
جميله : مبارك يا هموس
همس : الله يبارك فيكي يا قمر
جنه : الف مليون مبارك يا قلبي
همس : الله يبارك فيكي ، هاتي مريم شويه
جنه : اتفضلي و عليها بوسه كمان
همس : مريومه قلبي و أخذت الصغيره تضحك يا روحي عليكي 
اما مرام فقد تمت خطبتها من خالد فهو شاب علي دين و خلق وافق عليه زين و تم الاتفاق علي الزواج بعد 6 اشهر

_ وبعدين ايه اللي حصل
جميله : بعدين مرام و خالد اتجوزوا و خلفوا عمر و همس و هشام خلفوا تسنيم
_ اومال بابا و ماما ايه اللي حصلهم
جميله: باباكي و مامتك راحوا يعملوا عمره ، كان باباكي عملها مفاجأة لمامتك بمناسبه مرور 5 سنين علي جوازهم و انتي كان عندك سنتين ونص في الوقت دا ، مامتك سابتك معايا لانك كنتي متعلقه بيا و هي خافت عليكي من السفر و
_ و ايه اللي حصل
جميله : و مرجعوش ، العربيه عملت بيهم حادثه لما كانوا راجعين ، و انتي من ساعتها بقيتي جزء مني يمكن اقدر ارد و لو واحد في الميه من اللي جنه عملتوا معايا
_ ربنا يجازيكي عني كل خير ، انتي ربتيني احسن تربيه و متهيألي ان لو كانت ماما عايشه مكانتش هتعمل معايا اكتر من اللي انتي عملتيه
جميله : اوعي تقولي كدا ، انا كل اللي عملته ميساويش حاجه مقابل اللي مامتك كانت هتعمله معاكي ، مامتك دي كانت اسم علي مسمي جنه و كانت بتخلي حياه اي شخص جنه فعلا ، هي السبب في كل حاجه حلوه في حياتي ، كانت علي طول بتدعمني و حتي بعد موتها كان كلامها معايا دايما ، كانت كتبالي رساله و لما اكون مضايقه كنت افتحها اقراها و اخذت عيونها تدمع قالتلي اوعي تفرطي في دينك مهما حصل ، انتي هتقابلي ربنا لوحدك ، ربي اولادك صح عشان تفضل حسناتك شغاله حتي بعد موتك ، لو واقعتي قومي تاني المسلم الملتزم بجد مش اللي مش بيقع الملتزم بجد هو اللي كل ما يقع يقوم بسرعه ، ياما جت عليا اوقات بكون جبت اخري و انتكس بس كلامها كان بيرجعني ربنا يرحمها و يغفر لها ذنوبها يا رب
_ انا بحبك اوي و بحب ماما اوي ربنا يرحمها يا رب
ثم سمعوا دق علي الباب
جميله : مين
مالك : انا يا ماما ، ممكن ادخل
جميله : اتفضل يا حبيبي و بعد دخوله
مالك : الله اكبر  ، اللهم بارك القمر دا هيكون ليا انا لوحدي
جميله : احم ، نحن هنا
مريم و قد احمرت وجنتيها من الخجل : يلا عشان ننزل ثم انزلت نقابها
مالك و هو يمسك يدها : يلا يا قمري
و بعد نزولهم جاءت همس الي جميله
جميله : ياه يا همس ، الولاد كبروا و مالك و مريم اتجوزوا و يوسف و تسنيم اتجوزوا
همس : و زين و خديجه اتجوزوا هما كمان
جميله : صح ، الله يرحمك يا جنه اكيد كانت هتكون فرحانه اوي لمريم في يوم زي دا ، كدا انهارده اديت امانتي و سلمت مريم لعريسها
همس : ربنا يسعدهم سوا ثم نزلوا الي الاسفل و تم الزفاف ....

" تجمعنا الصدف و الايام و نلتقي بقدر الرحمن حتي نكون روح واحده علي هيئه زوجان و تجمعنا في الاخره الجنان ،  فاذا عبرنا الدنيا بطاعه فسنمر الي الجنه بسلام "
٭النهايه
٭تمت بحمد الله
✨ رأيكوا يا حلوين كدا الروايه خلصت بفضل الله
# استغفروا 💙
# بقلمي_ دعاء_ سمير 🌨️