رفيقه دربي 🌻

الحلقه العاشره

* مرت الايام و جنه تعمل بجد يوم عن يوم و زين يعجب بطريقه عملها أكثر و يكذب إحساسه و يجاهد كثيرا لعدم خوض تجربه فاشله مره أخري ، اصبحت جنه تكلم هند كثيرا عن الدين و تغيرت هند كثيرا و اصبحت تلبس الفساتين الطويله بعد أن كانت ترتدي البناطيل و البلوزات الطويله و تركت الحجاب القصير و التزمت بالحجاب الشرعي فأصبحت كالاميرات و كان محمد سعيد بها كثيرا فلقد حاول معها كثيرا و لكن كانت مشيئه الله أن تستجيب لجنه ، اما عن آسر فكان يذهب الي المستشفي في ساعات عمله و ثم الي اصدقاء السوء ليشرب السجائر و يسمع الاغاني و كان مهمل في حق أخته و أمه ، اما جاسر فكان يتأخر كثيرا في الفتره الاخيره و كان دائم الفكر و الشرود و لاحظت فاطمه ذلك ، اما رقيه و جميله و زادت عليهم همس أصبحوا أصدقاء كثيرا و كانوا دائما يتكلمون عن الله مع الفتيات لعل أحدهم تستجيب لهم فتكون طوق نجاه لهم من النار ... و في أحد الأيام بالجامعه
جميله : رقيه تعالي نروح للبنات اللي هناك دول
رقيه : جميله دول مختلفين خالص و هيحرجوكي
جميله : و ايه يعني ، يعني أنا ولا الرسل اللي اقوامهم كذبوهم ، أنا ولا ربنا قالوا عنه ثالث ثلاثه
رقيه : بس
جميله : مفيش بس يلا هتيجي
رقيه : افهميني بس ، دول مش هيفهموا كلامك
جميله : يبقي اصلح طريقه كلامي عشان يفهموها ، دول احفاد عائشه و فاطمه رضي الله عنهن يعني مهما بعدوا هيقربوا انا متاكده  
رقيه : بس افتكري اني حظرتك
جميله : سيبيها علي الله .. يلا ، ثم ذهبت الي حيث بعض الفتيات يتحدثون و يضحكون بصوت عالي يرتدون ما يصف أكثر من كونه يستر و يشف اكثر من كونه ساتر و يضعون الكثير من الألوان علي وجوههم و ..
جميله : السلام عليكم ورحمه الله وبركاته
الفتيات : هاي
جميله : يا حبايبي ردوا السلام دي تحيه الاسلام بقت تتقال هاي
الفتيات : جت شيخه الجامعه و هتقعد تدينا معلومات و اننا مش مسلمين اصلا
جميله : شيخه الجامعه ،  اومال فين الدين دا الرسول صلى الله عليه وسلم قال" افشوا السلام و اطعموا الطعام و صلوا الارحام و صلوا باليل و الناس نيام تدخلوا الجنة بسلام " يعني اول وصيه الرسول صلى الله عليه وسلم وصي بيها عشان ندخل الجنه  هي إفشاء السلام و احنا بقينا نكسل نرد عليه و بقينا نقول هاي هقولك حاجه البسى بنطلون ضيق قوى ... لِفى عالمحلات محلّ محلّ ...
جربى البنطلون دا ، ودا ، ودا ... وِاصحابك يقولولك لا بلاش ده ،
مش حلو فيكي ... !!
وافضلى غيرى وغيرى لغاية ما تلاقى أحسن بنطلون يبيّنك بأكتر منظر مثير ... !!
دَوّرى على أكتر بَادي ضيق ... !!
روحى البيت وشوفى الطقم دَا ممكن يكون عايز يضيَقّ شوية !!
أُقفى قدّام المراية كدا وأتأكدي ان كلّ سنتيمتر فى جسمك ظاهر قوى !!
وانتى نازله رشي بارفان فواح قوى ... !!
انزلى ... هتلاقى عيون الناس بتاكلك أكل ... !!
هتلاقى نفسك من جواكى بتقلك : قدّ إيــ انتي أمّورة وحِلوَة ... !!
لحستي دماغ الناس كلها
هتلاقى اصحابك بيقلولك wow دانتي مفيش منك اتنين ؛ مجننة الشباب يا بنتي ... !!!
بُصي بيبصُّوا عليكي ازاي ... افرحي قوي
انتى لميتى النهَاردَا أقل واجب : 5000 نظرة ، وفــ يومين: 10000
وكل امَّا تلفى فى الشوارع أكتر : تلمِّي أكتر وَاكْتر !!!
و تفتني شباب أكتر و أكتر ... اللي عايز يتوب و مش قادر ... !!
و اللي بعد ما يشوفك شهوته هتزيد و يلجأ للزنا و كله في ميزانك ...
أيام ورا أيام ، وشهور بَعْد شهور ، وسَنَة ورَا سَنَة ... !!
العمر كله راح فرجة على جسمك مِن عُيُونِ الناس !!
جمعتى أكبر رَقَم ذنوب × التاريخ !!
كنتى أستاذه قويه في إغْرَاءِ الشَّبَاب ... إنتي كُنتي فوق الوصف !!
عملتى أضخم عدد مِن الذنوب فى تاريخ البنات !!
و فوق دة كله ... !!
أصبحتِ من الكاسيات العاريات اللي أخبرنا عنهم
( النبي صل الله عليه و سلم و قال ) لا يدخلن الجنة ولا يجدن ريحها
فرحانة كدة ؟!!!يا حفيدة عائشة و فاطمة و خديجة ؟!!!ردوا فرحنين بكميه الذنوب دي ، طيب بعد اللبس دا و الميكب هتعملوا ايه تتجوزوا و بعدين هتخلفوا و بعدين يطلع جيل اسوء من كدا و بعدين الموت ، يعني مهما عيشتي طولك و عرضك اخرك الموت هتقولي لربنا ايه لما يقولك = عبدی ألم گنت تعلم حین عصیتنی أننی أراگ ؟! ..
- نعم یارب 💔
= عبدی .. فلِمَ عصیتنی ؟! .. هتردي تقولي ايه طيب هتكدبي علي ربنا ، هتقولي ايه اصل كنت بعيش سني اصل الناس هيتريقوا عليا لما البس خمار و لا نقاب و لا ملحفه ولا لبس شرعي هتقولي ايه ، لو عندك اجابه مقنعه افضلي علي اللي انتي فيه بس تكوني ضامنه أن في الاخره هتجوبي اجابه مقنعه و قبل الاخره في القبر لما منكر و نكير يجوا يسالوكي من ربك و ما دينك و من الذي بعث فيكي هتعرفي تجوبي ساعتها فوقي يا حفيده خديجه فوقي يا امه محمد توبي و ارجعي لربنا و الله مفيش احن من ربنا علينا سمعت الشيخ حازم شومان مره بيقول كان في ام عندها بنتين كفيفتين من شده حب الام لبنتها و رحمتها بيهم اتبرعت بعينها الاتنين كل قرنيه لبنت من بنتها ، كان بيقول دا حب العبد للعبد فمابالك بحب الله لينا و هو اللي خلقنا ، دي رحمه الام فرحمه ربنا هتكون عامله ازاي اللي كان بيرزقك و بيستجيب لدعائك وانت بتعصيه اومال لما ترجعله .. و الله يا بنات مفيش حاجه تستاهل نضيع الجنه عشانها و كانت فاضت عينها بالدموع اللهم توب علينا و اهدنا و ارحمنا و ثبت قلوبنا على دينك و حب طاعتك اللهم رضاك و الجنه يا رب 🤲
وجدت حاله من الصمت التام يشوبها بعض اصوات النحيب و البكاء للفتيات و قد تجمع حولها عدد كثير من البنات
مجموعه من الفتيات : ب بس ربنا هيسمحنا بعد دا كله احنا غلطنا في حقه اوي
جميله : ربنا من أسمائه الرحمن الرحيم و كوني دائما عندك حسن ظن بالله هحكيلكوا قصه كنت قريتها مره
-يحكي أن في يوم من الايام
كان هناك رجل غني شديد الثراء ليس لديه عائلة ولا اولاد، كان هذا الرجل يعيش بمفرده وقد علمته الأيام والدنيا أن المال لا قيمة له، وذات يوم قرر أن يدعو جميع العاملين لديه علي العشاء، وبعد تناول الطعام قام بوضع امام كل منهم نسخة من القرآن الكريم ومبلغ كبير من المال، ثم سألهم إن كانوا سيختارون القرآن الكريم او مبلغ المال، بدأ اولاً بالحارس لديه وقال له هيا اختار ، جاوب الحارس علي الفور وبدون خجل قائلاً : لقد كنت اتمني ان اختار المصحف ولكني لا اعرف القراءة ولذلك سوف اختار النقود فهي اكثر فائدة ونفع بالنسبة لي .
ثم جاء دور الفلاح الذي يعمل لدي الثري، فاختار هو ايضاً النقود قائلاً : إن زوجتي مريضة وانا احتاج الي النقود حتي اشتري لها العلاج ولولا هذا السبب لكنت اخترت القرآن ولكنني احتاج بشدة الي المال، ثم جاء دور الطباخ فرد هو ايضاً بعد قليل من التفكير : اني احب القراءة كثيراً ولكنني اعمل طوال اليوم وليس لدي وقت للقراءة ولذلك سوف اختار المال .
آخر دور كان دور ولد صغير يعمل لدي الثري سائس للحيوانات التي يمتلكها، وكان هذا الولد شديد الفقر وهذا يظهر من ملابسه وحذاءه الممزق، وعندما أمره الرجل أن يختار بين المصحف وبين النقود اجاب الولد علي الفور دون تردد : سوف اختار القرآن، صحيح انني بحاجة الي النقود لشراء حذاء جديد وطعام لأمي ولكنها علمتني ان كلمة من الله عز وجل مفيدة اكثر من الذهب وطعمها احلي من الشهد، وهكذا اختار الصبي القرآن وبعد ان فتحه وجد فيه ظرفين أول ظرف فيه مبلغ عشر اضعاف المبلغ الذي كان موجود علي الطاولة، والظرف الثاني به وثيقة بأنه الوريث الوحيد لثروة هذا الغني .
ابتسم الغني في سرور وقال للجميع : انه من يحسن الظن بالله فانه لا يخيب رجاءه . شوفتي اللي اختار المصحف و اختار ربنا كسب دنيته و آخرته أما اللي فضل الدنيا علي الآخره و علي الدين ماخدش غير شويه فلوس هتخلص بعد كام يوم ، اللي وثق في ربنا و عنده حسن ظن بالله و عارف ان ربنا الرزاق و أن " ما من دابه في الأرض إلا علي الله رزقها " عرف يختار صح و كسب في الدنيا و الآخرة و ربنا رضاه .. ارجعي انتي كمان و ربنا هيراضيكي و كل ما تبعدي ارجعي لو غلطي مليون مره ارجعي و توبي المليون و واحد ، اصلا ملناش غيره ، هندعي مين غير ربنا و هنطلب من مين غيره . هو المنان اللي بيمن علينا دون أن نسأله فشوفي بقا لو سالتي سيدنا موسي سال ربنا يا رب ماذا تقول إذا قال العبد و هو راكع يا رب قال له اقول لبيك يا عبدي ، قال و لو كان ساجدا قال اقول لبيك يا عبدي ، قال و لو كان عاصيا قال اقول لبيك يا عبدي ، شوفي كرم ربنا قد ايه تكوني بتعصيه و بتدعي متنفضحيش و تقولي اخر مره و انتي عارفه انها مش الاخيره و هو الستار بيسترك ، عايزه ايه تاني توبي و ارجعي لربنا ، لسه الباب مفتوح و عمره ما اغلق في وجه أحد و مش هيتقفل طول ما الشمس بتشرق من المشرق أما إذا اشرقت من المغرب فقد فات الاوان و اخدت تبكي .. اللهم اهدي جميع بنات و شباب المسلمين . السلام عليكم ورحمه الله وبركاته
الفتيات في صوت واحد و عليكم السلام ورحمه الله وبركاته .. ثم غادرت المكان و كانت تسير مع رقيه و هي تمسح دموعها و تبتسم في نفس الوقت : كنت عارفه ، الحمد لله يا رب ، كنت عارفه ان اللي يسبها علي الله عمره ما يخذل ابدا
رقيه و هي تشعر بالخجل منها : فعلا معاكي  حق ، أنا اسفه يا جميله 😞 بجد طلعت غلط خالص و أن الموضوع مش شكل إنما هي قلوب تقلب بين أصابع الرحمن
جميله : متتاسفيش يا حبيبتي و هي فعلا قلوب بين اصابع الرحمن يقلبها كيف ما شاء ، يلا عشان المحاضره هتبدا
رقيه : يلا يا قمر ❤️ .. و في مكان آخر في شركه زين بالتحديد كانت جنه تعمل مع هند حتي ارتفع صوت المؤذن لصلاه العصر
جنه : رددي الأذان يا دودو
هند : حفظت و الله من غير ما تقولي ☺️
جنه : شطوره يا حبيبتي 💙 و بعد الانتهاء من الاذان
جنه : اللهم رب هذه الدعوه التامه و الصلاه القائمه اتي محمدا الوسيله و الفضيله و ابعثه الله مقاما محمودا انك لا تخلف الميعاد  
هند : بس يا جنه عايزه اسال سؤال
جنه : اسالي ٥٠ سؤال مش واحد بس
هند : ليه لما المؤذن بيقول حي علي الصلاه حي علي الفلاح احنا بنقول لا حول ولا قوه الا بالله
جنه : سؤال حلو و في واحد سأله قبل كدا للشيخ كشك كان بيشرح في درس قبل كدا وإنك تردد الآذان ورا المؤذن لما يقول الله اكبر تردد وراه وهكذا.
بس لما يقول حي على الصلاة تقول "لا حول ولا قوة إلا بالله"
فواحد بيسأله وبيقوله: ليه مقولش وراه حي على الصلاة
قاله: يعنى هو بيقولك تعالى صلي ترد تقوله "لا تعالى انت"😹💙 عرفتي بقا يا قمر
هند : 😅 ايوه خلاص عرفت
جنه : تعالي نصلي العصر بقا و نرجع نكمل
هند : يلا ، هنصلي عندي في المكتب ولا عندك
جنه : تعالي نصلي عندك .. أنا مش عارفه ازاي شركه كبيره كدا و مفيش فيها مصلي . يلا ربنا يهدي ، و اثناء الصلاه كان زين يمر علي الموظفين حتي يعرف اخبار العمل و في طريق عودته الي المكتب لم يجد جنه في مكتبها فذهب ليسأل هند و .. وجد هند و جنه يصلون و بعد أن فرغوا من الصلاه كانت هند ستقوم فسحبتها جنه ، : راحه فين .. الملائكه بتستغفرلك عند ربنا بعد الصلاه طول ما انتي قاعده ..قولي اذكار المساء يلا و بعدين نقوم نخلص علي طول ، مفيش شغل كتير اصلا ، ظلت هند جالسه و كانوا يرددون اذكار المساء و ذهب زين إلي مكتبه : زين بطل تفكير بقا ، كل البنات زي بعض ، ب بس دي مفيش حاجه بتعطلها عن ربنا حتي شغلها ، يوو بقا ركز في شغلك و بس ثم دق هاتفه : الو
هاله : الو يا حبيبي عامل ايه
زين : تمام الحمد لله يا ماما . في حاجه
هاله : لا بتصل بس عشان افكرك بميعاد سوزي و مامتها انهارده الساعه ٧
زين : أنا مش فاضي و احتمال مجيش
هاله : حاول تيجي يا حبيبي لو ليا عندك خاطر . أنا اللي كلمتهم و مش هينفع الغي الميعاد
زين : طيب هحاول ثم اغلق الخط و بدأ في العمل ... اختفت الشمس في أعناق السماء و تلاشت أشعتها رويدا رويدا و اتي الظلام و حل المساء .. في فيلا زين
هاله : اهلا بيكي يا حبيبتي نورتي ، بسم الله ما شاء الله سوزي بقت زي القمر
سوزي : ثانكس  يا طنط ( كانت ترتدي فستان قصير اعلي الركبه و ترفع شعرها علي هيئه كعكه و تضع الميكاب الصاخب )  . هو زين مش هنا
هاله : هو في الشركه يا حبيبتي و زمانه جي و ظلوا يتحدثون حتي اتي زين
زين : اهلا بيكوا نورتوا .. اهلا انسه سوزي
سوزي : اهلا يا زين 🤝 و بعد مرور القليل من الوقت
هاله : طيب نسيبكوا براحتكوا ثم أغلقوا الباب
سوزي : عامل ايه يا زين
زين : تمام الحمد لله
سوزي : بجد انا مبسوطه اوي انك جيت انهارده
زين : انا اكتر أني شوفتك و كان يتحدث معاها بكلام قليل و باله في مكان آخر حيث جنه و كيف لم ترضي أن تغلق باب المكتب و انها ترتدي الحجاب الطويل و الفساتين الطويله و عدم نظرها له حتي انها تبعث التصاميم مع هند و تأتي هند بالملاحظات إليها ... انتهي الموعد و رحلت كل من سوزي و والدتها و ظل زين مع والدته
هاله : ايه رايك يا حبيبي ، بنت جميله و معاها كليه و الف مين يتمناها
زين : من حيث جميله فهي كدا و معاها كليه دي حاجه ليها ، اما الف مين يتمناها فأنا اشك و انا مش من الالف دول
هاله : ليه بتقول كدا بس
زين : حضرتك مش شايفه طريقه لبسها و كلامها و تصرفاتها
هاله : و مالها طريقه لبسها ما كل البنات كدا
زين : لا يا ماما مش كل البنات كدا في بنات محترمه جدا و انا بختار ام لأولادي مش زوجه بس ، الموضوع مش اني اخد الجميله اللي بتستعرض نفسها و اقول أصلها ستايل و كول ، أنا لما هتجوز هاخد اللي تحافظ عليا و علي بيتي و اللي تشيل اسمي ، بس لما اعوز اصاحب هصاحب واحده زي سوزي بس عمري ما اخليها ام لأولادي ( و الله يا بنات دي نظره الشباب بيتكلم مع الاستايل زي ما بيقولوا و اللي بتملي وشها بخمسين لون البنت اللي مش عارفه قيمتها بس ساعه الجواز عمره ما يفكر فيها زي ما الناس بتقول الشاب ميتجوز واحده هو كلمها لانها زي ما كلمته هتكلم غيره )
هاله : بس دي تلاقيها فين دلوقتي يا بني
زين : موجوده
هاله : انت بتحب يا زين أو في واحده معينه انت عايزها ، أنا نفسي افرح بيك يا بني
زين : مش حكايه حب ، بس في بنات محترمه كتير
هاله : زين يا بني ريح قلبي أنا عايزه اشوف عيالك و كل عروسه متعجبكش ، اختار انت عروستك
زين : يا ماما أنا خايف من تجربه زمان تتكرر تاني
زين : يابني الزمن مش هيعيد نفسه و صوابعك مش زي بعض مش كل الناس مها افتح قلبك يا حبيبي و انت هتختار صح و اكبر دليل علي كدا انك عايز ام لاولادك .. ثم غادرت و ظل يفكر في كلامها
* مرت الايام و بدأ زين في التفكير بجنه و قرر أن يتقدم لخطبتها و أخبر امه بذلك و رفضت في أول الأمر و لكنها وافقت بعد كلام زين عنها ، كانت همس و رقيه و جميله معا دائما في الكليه و ذات يوم دق هاتف جميله :
يا ترا ايه اللي هيحصل و مين اللي بيتصل علي جميله 🤔 و هل زين هيروح يخطب جنه و لا هيرجع في كلامه ، وايه رأي جنه 🙃
دا اللي هنعرفه بعد كدا إن شاء الله
* رايكوا يهمني
# استغفروا 💛
# بقلمي _ دعاء_ سمير🌨️