رفيقه دربي 🌻

الحلقه الحاديه عشر

و ذات يوم دق هاتف جميله :
السلام عليكم ورحمه الله وبركاته
_ حضرتك آنسه جميله
جميله : ايوه انا .. مين حضرتك و ليه بترن من علي تليفون بابا
_ والدك وقع من طوله في الشغل و نقلناه مستشفي ** تعالي بسرعه
جميله و هي تبكي  : ب بابا في المستشفي . ا أنا جايه حالا
رقيه : في ايه يا جميله
جميله و هي تبكي : بابا في المستشفي .. انا لازم اروح له و ذهبت هي و رقيه الي المشفى و في الطريق اخبرت جنه بذلك
جنه : اهدي بس في ايه مش فاهمه
جميله : في واحد اتصل و قال إن بابا في المستشفي وقع من طوله و نقلوه هناك
جنه : إنا لله وإنا إليه راجعون .. مستشفي ايه
جميله : مستشفي ** أنا وصلت تعالي علي هناك
جنه : حاضر . مسافه السكه و هتلاقيني عندك ثم أغلقت الخط
هند : مين اللي مات يا جنه
جنه و هي تلملم اشيائها : مفيش حد مات بابا تعبان و في المستشفي
هند : و بتفولي عليه 😳 و تقولي انا لله و إنا إليه راجعون
جنه و هي تسرع : ربنا بيقول في كتابه " و الذين إذا اصابتهم مصيبه قالوا انا لله و انا اليه راجعون " مش شرط الموت ، الموت احدي المصائب انما تقولي كدا في اي حاجه تحصلك في حياتك .. انا ماشيه بلغي مستر زين ارجوكي ثم رحلت بسرعه و هي تحاول أن تكتم دموعها لتقدر علي تهدئه جميله ......في المشفي
جميله و هي تسال احدي الممرضات  : جاسر محمد اوضه كام لو سمحتي
الممرضه : اوضه ** في الدور التاني
جميله : شكرا و ذهبت بسرعه الي هناك و كانت تبكي
رقيه : جميله اهدي ان شاء الله خير
جميله : يا رب أنا مليش غيره بعدك يا رب قومه بالسلامه ثم خرج الطبيب و كانت الصدمه
آسر : انتي 😳 ، هو انتي تقربي للاستاذ جاسر
جميله و هي تبكي و تنظر الي الارض و قد عرفت الصوت  : ايوه انا بنته هو عامل ايه دلوقتي ، و قد وصلت جنه : السلام عليكم ورحمه الله وبركاته ، هو عامل ايه يا دكتور
جميله : و عليكم السلام ورحمه الله وبركاته
آسر : والد حضرتك عنده الكبد و في مرحله متاخره ، هو بقاله فتره بيجي يعمل تحاليل و اشعه و قولناله لازم يعمل عمليه في اسرع وقت بس هو رفض ، لازم يعملها بسرعه حولوا تقنعوا ، هو هيفوق كمان نص ساعه ، عن اذنكوا ثم رحل
كانت جميله و جنه في حاله من الصدمه
جنه : إنا لله و إنا إليه راجعون .. اللهم اجرني في مصيبتي و اخلف لي  خيرا منها
كانت جميله تبكي و هي تردد بالدعاء : يا رب .. يا رب
جنه و هي تحضتنها : اهدي يا جميله ، هيكون كويس اوي ، انتي سمعتي الدكتور قال إن بابا عايز عمليه بس و هيعملها و هيكون زي الفل صدقيني
جميله : ااا انا خايفه عليه اوي .. أنا مليش غيره بعد ربنا ، أنا موت ماما كسرني مش هتحمل اعيش اللحظه دي تاني
جنه : متقوليش كدا ، هيكون بخير صدقيني ، خلي عندك حسن ظن بالله و ادعيله و هيبقي كويس قومي اغسلي وشك و صلي ركعتين قضاء حاجه و ادعي ( صلاة الحاجة ، عدد ركعات صلاة قضاء الحاجة في كثير من المذاهب ركعتين، وعند السادة الحنفية 4 ركعات، وبعض المذاهب تقول بإنها تصل إلى 12 ركعة، وعلى هذا؛ يجوز للمسلم أن يؤديها بأي كيفية شاء.
المسلم يدعو أثناء الصلاة أو بعد انتهائها، مضيفًا: " الأصل فيها ما ورد عن عبد الله بن أبي أوفي الأسلمي - رضى الله عنه- قال : " خَرَجَ عَلَيْنَا رَسُولُ اللَّهِ صَلَّى اللَّهُ َلَيْهِ وَسَلَّمَ فَقَالَ مَنْ كَانَتْ لَهُ حَاجَةٌ إِلَى اللَّهِ أَوْ إِلَى أَحَدٍ مِنْ خَلْقِهِ فَلْيَتَوَضَّأْ وَلْيُصَلِّ رَكْعَتَيْنِ..
ثُمَّ لِيَقُلْ لا إِلَهَ إِلا اللَّهُ الْحَلِيمُ الْكَرِيمُ سُبْحَانَ اللَّهِ رَبِّ الْعَرْشِ الْعَظِيمِ الْحَمْدُ لِلَّهِ رَبِّ الْعَالَمِينَ اللَّهُمَّ إِنِّي أَسْأَلُكَ مُوجِبَاتِ رَحْمَتِكَ وَعَزَائِمَ مَغْفِرَتِكَ وَالْغَنِيمَةَ مِنْ كُلِّ بِرٍّ وَالسَّلامَةَ مِنْ كُلِّ إِثْمٍ أَسْأَلُكَ أَلا تَدَعَ لِي ذَنْبًا إِلا غَفَرْتَهُ وَلا هَمًّا إِلا فَرَّجْتَهُ وَلا حَاجَةً هِيَ لَكَ رِضًا إِلا قَضَيْتَهَا لِي ثُمَّ يَسْأَلُ اللَّهَ مِنْ أَمْرِ الدُّنْيَا وَالآخِرَةِ مَا شَاءَ فَإِنَّهُ يُقَدَّرُ "، رواه ابن ماجة.
يدعو المسلم في صلاة الحاجة بكل ما يحب ويرجو من ربه - عز وجل-، ناصحًا بالاكثار من هذه الصلاة لكل من كانت لديه حاجة) قامت جميله و صلت و دعت كثيرا و بكت في السجود حتي هدئت و اطمئنت ثم ذهبت الي جنه التي كانت تقرأ بعض آيات من الذكر الحكيم و كانت رقيه تفعل ذلك أيضا
جنه : بقيتي احسن دلوقتي يا جميله
جميله : الحمد لله . يلا عشان ندخل لبابا
جنه : يلا ، بس حولي تضحكي و متخلهوش يحس بالمرض ، و نخفف عنه علي قد ما نقدر
جميله : حاضر ثم تنفست ببطئ و دخلت مع جنه
جنه : حمد لله علي سلامتك يا بابا
جميله : حمد لله علي السلامه كدا يا حاج برضو تخوفنا عليك بالشكل دا ، عايز تعرف غلوتك عندنا قد ايه
جاسر : الله يسلمكوا يا بنات ، معلش تعبتكوا معايا و خضتكوا عليا
جنه و جميله : متقولش كدا يا بابا
جاسر : جنه خلي بالك من اختك انتوا ملكوش غير بعض بعد ربنا ، اوعوا في يوم تسيبوا طريق ربنا و علي طول ادعولي
جنه و جميله و هما يحاولان حبس دموعهم : حضرتك هتقوم بالسلامه يا حبيبي و هتبقي احسن من الاول كمان ، خلي عندك امل و يقين و حسن ظن بربنا
جاسر : و نعم بالله
جميله : قوم كدا و شد حيلك يا والدي و انا اجوزك عروسه ترجعك شباب تاني
جاسر : 😅 يا بنتي هو أنا بقا فيا صحه لجواز ولا لغيره
جميله : دا انت عسل يا بابا و الف مين تتمناك .. أنت لو مش ابويا كنت اتجوزتك 😂
جاسر : 😅 الله يجازيكي خير يا بنتي علي انك ضحكتيني و ظلت جنه و جميله يهونوا  عليه مرضه و تكلموا معه كثيرا عن العمليه و في نهايه المطاف وافق
جنه : زي ما قلت لحضرتك يا بابا هتقعد اسبوع بس و في الفتره دي هتعمل العمليه و بعد كدا تطلع و هتبقي زي الفل و احسن من الاول
جاسر : ربنا يسهل و بتنهيده بس يا بنتي كدا هتقل عليكوا و انتوا وراكوا كليه و شغل و كمان هتتعبوا قوي
جنه : تتقل علينا ايه بس يا بابا احنا لينا بركه غيرك و بعدين احنا هنبقي كويسين و مبسوطين طول ما حضرتك معانا و صحتك بتتحسن
جاسر : ربنا يبارك فيكي يا حبيبتي
جميله : احم .. نحن هنا ، مليش دعوه حلوه أنا كمان
جاسر : ربنا يوفقكوا يا حبايبي و يرضي عنكوا
جنه : اللهم .. بعد اذن حضرتك يا بابا ، هنسيبك ترتاح شويه ، يلا يا جميله
جاسر : اتفضلي حبيبتي ... ثم خرجوا من الغرفه
جنه : جميله روحي البيت اقعدي مع تيته و حولي تقولي لها براحه عشان متتعبش و أنا هفضل مع بابا الاسبوع دا
جميله : لا يا حبيبتي ، انا اللي هقعد و بعدين انتي عندك شغل و كمان من الصبح بتشتغلي و اكيد تعبتي روحي انتي و انا هنا .. و بعد مفاوضات كثيره بينهم اتفقوا علي بقاء جميله بالمشفي و جنه بالمنزل مع جدتها
رقيه : عمو كويس يا جميله
جميله : الحمد لله يا حبيبتي ، معلش و الله تعبتك معايا
رقيه : متقوليش كدا انا اختك قبل ما اكون صحبتك
جميله : ربنا يحفظك ليا ، روحي انتي كمان مع جنه عشان مامتك متقلقش
رقيه : أنا قولتلها ، مش عايزه اسيبك هنا لوحدك
جميله : متقلقيش عليا ، و بعدين أنا مش لوحدي معايا مصحفي و مسبحتي و مصليتي و بابا و ربنا قبل دا كله ، و بعد دا كله بتقولي لوحدي 😂
رقيه : 😂 طيب همشي مع جنه و هاجي اطمن عليكي بكرا إن شاء الله
جميله : ماشي يا قمر ، معلش هبقي اخد منك المحاضرات بتاعت الاسبوع اللي جي باذن الله لاني مش هعرف اروح الكليه و لو فيها رزاله بقا هتشرحيلي كمان فركزي كويس
رقيه : أنا تحت امرك يا حبيبتي و من غير ما تقولي اصلا دا اللي هيحصل و ودعتها السلام عليكم ورحمه الله
جميله : و عليكم السلام ورحمه الله وبركاته
ظلت جميله بالمشفي صلت  و قراءه آيات من الذكر الحكيم و سبحت ربها و دعت كثيرا و حمدت الله كثيرا ثم دخلت الي جاسر
جميله : حبيبي عامل ايه دلوقتي
جاسر : الحمد لله ، مروحتيش ليه
جميله : اروح و اسيبك لوحدك و بعدين اخاف واحده من الممرضات تعكسك و تتجوزها و تسيبني أنا و العيال  😂😂
جاسر : 😂😂 و انا أقدر يا حاجه ، دا انتي الخير و البركه
جميله : كلكوا بتقولوا كدا و في الاخر بتتجوزوا ، رجاله اخر زمن صحيح
جاسر : 😂😂 و الله انتي عسل يا جميله ، ربنا يبارك لي فيكي و في هذه الأثناء جاء آسر ليطمئن علي جاسر و سمع هذا الحوار و حاول عدم اظهار ابتسامته ثم
آسر بعد أن دق الباب : عامل ايه دلوقتي يا حج جاسر 
جاسر : الحمد لله يا بني احسن كتير
آسر بعد أن قام بقياس الضغط و فحص المؤشرات الحيويه  : احنا بقينا كويسين اهه ، بس نلتزم بالدوا في معاده و العمليه بعد 3 أيام
جاسر :علي خير ان شاء الله يا بني ، كانت جميله تنظر للأرض و هي تقف في ركن من أركان الغرفه و تسمع تعليمات الطبيب
آسر : استأذن أنا و لو حاجه حصلت رن الجرس اللي جمبك و هتلاقيني هنا و أثناء خروجه سمع جميله
جميله : شوفت وشي حلو عليك ازاي ، بقيت عسل اهه
جاسر : ربنا يحفظك ليا يا حبيبتي ، الحمد لله حمدا كثيرا طيبا مباركا فيه
جميله : عايزه اقول لحضرتك علي حاجه سمعتها فيه ناس يوم القيامه هتخرج من القبور علي الجنه علي طول ☺
.مفيش صراط ولا ميزان ولا حساب ولا هيحسوا بأهوال القيامه ،  يوم القيامه فيه طائفه من العباد هتخرج من المقابر علي الجنه علي طول .. ف سيدنا رضوان "خازن الجنه" هيقولهم :إلي اين ✋ !
أنتم لم ينشر لكم ديوان
ولم يُنصب لكم ميزان ... فكيف تدخلون الجنان ؟!!
قالوا: يا رضوان نحن لانقف لا لحساب ولالميزان ولا لنشر ديون اوما قرأت القرآن ☺ ؟!
.. قال :وفي اي شئ من القرآن أقرأ؟!!!
قالوا: "إنما يوفي الصابرون أجرهم بغير حساب " ❤
قال : كيف كان صبركم ؟!
قالوا: نحن كُنا إذا أُسئ إلينا حلُمنا وإذا جُهل علينا غفرنا وإذا أذنبنا
استغفرنا وإذا ابتُلينا صبرنا وإذا أُعطينا شكرنا  قال::: ادخلوا الجنه لا خوف عليكم ولا أنتم تحزنون ❤
( يارب إجعلنا وأهلنا ممن يدخلون الفردوس الاعلي بدون حساب او عذاب ) ، ياه شوفت يا بابا جزاء الصبر ايه جزاء عظيم جدا ، لو حد عرف كدا هيتمني أنه يبتلي و يتعب الف مره بس ينول الاجر دا الجنه ياه اللهم الجنه بل الفردوس الاعلى منها يا رب 🤲 ، ربنا‏ بيبتليك لعلك تؤجر على صبرك وتحملك يبتليك ليكفر عنك ذنوبك وسيائتك ❤️(الله لطيف بعباده) إذا الشوكه اللي يشاكها المسلم يكفر الله بها ذنوبه ويؤجر عليها
فكيف بتعبك الذي أرهق جسدك
وصارت اكبر امنياتك انك تتعافى؟
زمان أيام السلف كانو بيشوفو أي شيء يحصل ليهم بمنظور عجيب اوي... كان بيهون عليهم أي حاجه حرفيا..يعني مثلا
واحده من السلف وقعت وصابعها اتكسر.. فضحكت!!
اللي حوليها اتعجبو قالولها أتضحكين!
قالت نعم.. حلاوة الأجر أنستنى مرارة الألم
كان فى بنت بتحكي انها مريضة سكر....وخلاص لازم كل يوم حقنة انسولين.. بتقول انها كانت بتكره الدوا جدا... ولحظة أخذ الابره دي بتبقا ثقيله علي قلبها جداا رغم بساطتها!
لحد ما سمعت الحديث ده.. "عنْ أَبي سَعيدٍ وأَبي هُرَيْرة رضيَ اللَّه عَنْهُمَا عن النَّبيِّ ﷺ قَالَ: مَا يُصِيبُ الْمُسْلِمَ مِنْ نَصَبٍ وَلاَ وَصَبٍ وَلاَ هَمٍّ وَلاَ حَزَن وَلاَ أَذًى وَلاَ غمٍّ، حتَّى الشَّوْكَةُ يُشَاكُها إِلاَّ كفَّر اللَّه بهَا مِنْ خطَايَاه متفقٌ عَلَيهِ"  في واحده بتقول أول ما سمعته قولت فى نفسي معقول.. حتى مجرد شكة الابره ده يكون فى ذنب بيتغفرلي!
بتقول وقتها رأيت  المرض أنه نوع خاص من المغفره... ونظرتها لحقنة الأنسولين تغيرت تماما.. لدرجة انها سمتها..
شوكة المغفره (أقل حاجه ممكن تسببلك ضيق أو حزن أو حتى وانت قاعده ولقيت مودك وحش  مثلا فاتخنقت...هناخد عليها أجر بإذن الله
وأصبروا كما قال رسول الله صبراً ال ياسر فأن موعدكم الجنه صبراً صبراً وعليكم بالدعاء ) ، اصبر و أحتسب يا بابا و باذن الله الجزاء هيكون الجنه
جاسر و قد تأثر كثيرا بكلامها : و نعم بالله ، اللهم لك الحمد حمدا كثيرا طيبا مباركا فيه ، ربنا يجازيكي كل خير حبيبتي و يبارك فيكي ... أما عن آسر فقد تأثر بكلام جميله و قد نزلت بعض الدموع من عينه ثم غادر علي الفور و هو يحدث نفسه : ازاي قادره تبقي ثابته كدا ، دي من شويه كانت منهارة جدا ، و ازاي قدرت تتكلم كدا و افتكرت ربنا دلوقتي و اتكلمت عن الصبر ، دا اهل المرضي اللي هنا بيكونوا منهارين اكتر من المريض نفسه و دي هي اللي بتشجع باباها ظل يفكر بها .. اما عند جميله فأخذت تتحدث مع والدها أكثر و تذكره بفوائد الصبر تاره و تاره أخري تمازحه حتي ينسي الألم و لو لقليل ثم قامت لتصلي و قراءه القران و عادت مره اخري
جميله : السلام عليكم يا والدي عامل ايه
جاسر : الحمد لله حبيبتي احسن كتير
جميله : صليت العشاء يا حبيبي
جاسر : كنت لسه هصلي اهه
جميله : أنا سبقتك شوفت شاطره ازاي  ، يلا هاتلي شوكولاته بقا 😂
جاسر : 😂 من عنيا يا حبيبتي ، بس مش هعرف انزل اجبلك دلوقتي انتي شايفاني
جميله : تسلم عيونك يا حبيبي ، أنا مش عايزه دلوقتي اصلا صلي بس العشا و احنا هناكل شوكولاته كتير في الجنه باذن الله
جاسر : اللهم امين يا رب 🤲 ثم صلي و قرأ بعض آيات الذكر الحكيم و جاء موعد الدواء و أعطته جميله إياه ثم راح في نوم عميق
# استغفروا 🤍
# بقلمي _ دعاء _ سمير🌨️💙