حين تتغير الاقدار ❤️❤️❤️
للكاتبه نماء الورد
تغشوشات من المستقبل . وينهم الي يردون بارت مفاجاء 🤣
هناء :بصياح لالالالاااااااا انور راح راح والله راح ابني انور سنين وانا احلم بي وتالي يروح بلمح البصر .
معتز : واكف بعربانه البلبي كبال جامعه المستنصرية وأجر نفس قوي وين جنت استاذ بيهه وين هسه بس حتى لو شيسوون يسوون أنا راح اضل صامد بقراري وما أتنازل وخل الكل يعرف هذا الرائيس الاجانه حاكم ضالم وراح يدمر الشعب .
جوري :بحسره ودموع ولك يمه طك كلبي على اخوك مامش منه خبر راح يقبط سنه وهوه ماكو
شمس : صافنه على جهالي ومادري شنو المضموملي وين راح تصفه بينه انكسر ظهري بيهم .
ليث : يمه وخريهه ماريدهه توكف بصفي بالصوره ......ولك ليش يمه شوفهه شحلاتهه جنهه جبن عرب والشعر ضفاير ذهب ..
ليث باوعتلهه بنضارت حقد وانا اذكر شون اخذت مني الجبس وفوكاهه ضلت تبجي وبسببهه تعاركنه أنا واخوهه هيه ولا هامهه واكفه وتضحك بوجهه المتروس برائه وجمال بس اني داخل حقد عليهه رغم هيه صغيره كلش ومتفتهم واني جبير صف ثالث ابتدائي .
عام 1979
بغداد بدت انتشار الاخبار واشاعات الحرب بعد سقوط الرئيس الإيراني الشاه بعد ما بدو بثوره واعتصامات راح ضحيتهه العشرات ونفس الوقت استلم حكم العراق الرئيس صدام حسين .
معتز : سمعت جنت اكللكم محد يصدك ولكم صدكوا بدء العد التنازلي للعراق على هل الاخبار المتداولة بين الدول وحتى إلغاء اتفاقيه الجزائر متاكد بسبب صدام .
انور : بعصبيه هسسسس اسكت بس كلنالك عوف السياسه ياخي مالنه بيهه ولا كدهه .
ازهر : معتز أنا ويه كلام انور انت غلطان انت استاذ جامعي والك مقامك عوف سالفه السياسية .
غلام : تمار كملنه السرداب مثل مطلبت اعتقد صار الوقت الي يجي بي قبل لا ينلزم ونقره عليه الفاتحه .
نوره : نايمه وفزيت على وجع قوي غلام نايم بصفي نومه خفيف رسن فز وتقرب لزمني .
غلام: شبيج نوره يوجعج شي .
نوره : غلام حاسه كلبي مقبوض وعندي حساس مراح نكمل سوه .
غلام : بضحك نعلي الشيطان أبويه انتي قابل شيريد يصير هسه شنو اكعد امي تجيج .
انتضروني بلاحداث المقبله حبايبي اتفاعلوووووا رجاء
