بارت (٥٢)من الجزء الثاني
حين تتغير الاقدار 🖤🤎💜
للكاتبه نماء الورد
و بـديَـت ارسـمَ كُـمَـر صافـيَ
وحنين اسمر واسم دَافي
وَاحتار بـ سواد العَينَ
اعوف شچم بحر غافـيَ♥️🔥
انا تلك المرأة التي تشَطب كل عناوين النساء وتجعلهنَّ إشاعة🖤🔥
هناء : كتلهه خاله احلفج باله جاوبيني بصراحه انتي شايفه شي مو زين على ولدي .
ام علي : شنو هل حجي هناء وكفتي كلبي عبالي اكو شي صاير شي .
هناء : خاله شمس متقبل تنطيني بتهه تكول خالتي
متقبل جاوبتني بضوجه........... واني شعليه بيناتكم
اختج منطيتج وخاصمه الموضوع كتلهه .....لا خاله
شمس متقبل لان انتي مراضيه بس جاوبيني خاله
شايفه شي والله خاله ولدي تعبانه بتربيتهم وبذات ليث
والله مراح تندمون عليه ليث رجال يعتمد عليه خاله
احنه مو ربينه يمج وانتي تعرفينه معقوله اني اريد
الموزين البنت اختي .....ام علي فدوه لعينه شفته بعرس
اصيل ينحط بالكلب بس يايمه احنه جي بعيده منريدهه
تبتعد اذا تمرضت منو الهه اذا وكعت بضيج منو الهه ويا
يمه لا تكولين اني لان العمر مضامني كتلهه اي والله
يخاله صح كلامج بس والله مراح اخليهه تحس هيج
حساس طول ماني عايشه .
..كالتلي .... يمه هناء اذا الج قسمه يم ربج صير
واذا ماكو لا اني ولا انتي نكدر نغير
القدر ....هناء ونعم باله اني اروح خاله وفدوه العينج لا ترديني ...
تكتم ....رجعت خالتي سولف النه شسوت وامي مراضيه
على تصرفاتهه وتعاتبهه شون هيج تكل البيبي وهيه
تكلهه انتي معليج اني اريد اعرف ليش رافضين ولدي
امي سكتت بعد محجت شي ...ثاني يوم الصبح اجوي يمنه بيبي جوري
وبيت خالتي وخالي عمران يباركون من الصبح كمنه
احنه نضف فاني اخذت مكناستي وكنست الحديقه
والممرات بقه الحوش لازمه المكناسه وشبه مدنكه
واكنس ومندمجه بالتنضيف باب الهول صاير على
الحوش واهلي كاعدين يسولفون همه وبيت خلاتي
وخوالي واني اكنس ما احس
