بارت(. ٢ )
حين تتغير الاقدار
الكاتبه .......نماء الورد..........
نزلت اليوم بارت لان ماكدر انزل باجر احتراما لأربعين الحسين عليه السلام 😭😭😭
أعان الله قلباً؟
-أراد شيئاً ولم يكن مكتوباً له💔
منك ماشبع گلبي ولا مل❤️
عدل وياك ميزاني ولا مل ❤️
ذهب ماريد بالدنيا ولا مال ❤️
اريد وياك بس نگعد سويه❤️
ابو صادق : سمعت شخير صالح ايست صرخات بكل حسي ماتتتت وروح جدي ماتتتت وعافني ثاريك تودع بيه يخوي وانا ماحاسس بيك اكعد يبن امي وابوي ويلادك ياهو ليهم اكعد يلعزيززز .... وصلنه للخستخانه اخذو الدكاتره ركض فحصو بس انا كاعد ومايس عبن أنا مو غشيم اعرف مات كاعدين يمي جم صديق يواسي بيه وانا افادي مشلوع شلون ارجع للبيت بليا شكللهم شحاجي امي وجهاله ياهو الهم صدك مرت عشر دقايق واجه الدكتور كال البقيه بحياتكم منو ويه المريض كتله أنا اخو دكتور.
الدكتور: اخوك صاعد عنده السكر وهاي مو اول مره بس هالمره كلش قوي وكتله بمكانه.
حازم: بس اخوي مايشكي من شي دكتوري.
دكتور: هذا الصار البيقيه بحياتكم .
حازم : نكسر ضهري وانا وحيدي ويا خلفله عله الولد الجابوني ماعافوني ورجعونه بلربل وياهم وصلت وره المغرب للديره عبن الخستخانه بعيده كلش علينه.
جميله: صار الغروب تعشوا الجهال وصليت وفرشتلهم وكعدت اسولفلهم قصص جان ضويه تسالني .
ضويه : اكلج يمه اليوم أنا اريدن منج قصه على رايي.
جميله: هههه وشتردين يبت صالح اطلبي وعلى السانج الطلب.
ضويه : اريدن تحجيلنه قصتج كبل ماتاخذين ابوي وشون تزوجتوا.
جميله :يا ولج يمفلوكه شلج بهلسالفه مالكيتي غيرهه .
ضويه : يمه بروح امج سولفينه .
جميله : يااااا خايبه فالج على كدج أنا امي عايشه .
ضويه : جا دحجيلنه عنهه شوي .
جميله : امي جانت مره تخاف الله كلش علمتنه وحنه صغار على الحجاب والصلاة بوقتهه أنا صغيره وأبوي مات حتى ما اتذكر عليه الله يرحمه امي سوده عليه ربتنه أنا واخوتي واختي اجو عليهه مشايه بس هيه ماقبلت عبن إذا تزوجت يأخذونهه عمامي منهه .
ضويه : صدك يمه أنا عندي خوال مثل فضه بت عمي وخواتي بنات صبريه.
جميله :. بحسره اوفف اوف ااااه اي عندج بس مانكدر نشوفهم وانتي شنهي تكولين صبريه شنهي هازه كاروكهه موش عيب هلحجي .
جوريه : أنا ماكلله صبريه يمه اكللهه خاله صبريه.
جميله : عفيه عبنج معدله
ضويه : موش قصدي وبعد ماعيدنهه.
جوريه : ياله يمه كملي السالوفه.
جميله : هههه وانتي شعرفج شحجي .
جوريه : لاله ييمه كلشي اعرفن عبني جبيره .
جميله : فدوه اروحن لهل طول الجنه نبع ريحان ياله حطو راسكم على المخاد واحجن على كيفجن عبن مهدي نام .
ضويه : ياله يمه كملي عبني نعسيت .
جميله : اي ربتنه امي وتعبت علينه .....................سولفتلهم لحد ما تزوجت ابوهم وكتلهن بسجن بعد نامن صدك مطولن دقايق ونامن كمت أنا ما جاييني نوم متانيه صالح اشوفنه بطه اليوم طلعت بالحوش وضليت اسبح بلسبحه واستغفر مرت ساعه وانا يا طالعه ويا راده أنا السودني صالح ما يتاخر حده لاذان المغرب هاي اذا بطى ندكت الباب دكه قويه رحت مفزوعه صحت ياهووو .
حسين ابن صالح : خاله جميله لبسي عباتج وتعاي لبيت جدي بساعج .
جميله : فتحت الباب شفت عيونه حمر حسين عمره ١٤سنه من شفته هيج كلبي قبضني و لطمت على خدي وكلت خير شكو ولك حسيون.
حسين: أنا رايح خاله تعاي وراي بساع عبن اكو شي لازم تعرفي .
جميله : رحت لبيت أهل صالح والكي الباب مفتواح وصايره هوسه الصريخ والبواجي أنا كل ضني عمتي ام صالح ماتت تلكتني نبعه اخت صالح وتصرخ خايبه عافج وراح يخايبه تارملتي وضليتي من غير سند ولج يجميله راح راعي بيتج وعافج .
جميله : انا مصدومه بلتحجي من كالت راح راعي بيتج صرخت صرخه هزيت البيت بيهه صرخه تعلن على ضياعي الثاني بعد ضياعي من اهلي هالمره ضليت وحيده بلا معين ولا سند طبيت وأشوف ام صالح متخربطه وصياح نسوان حمويني وحمواتي كلهه ملتمه شوكت وشنو صار وشون مات كل هاي الاساله دور براسي بجيت بحركه ونعيت نعي خله كل الموجودين بجه لبجيي فدوه نبعه شصاير انتي متاكده من الخبر .
نبعه: بجي اي يخيه سوده بوجهي يمشي هوه وحازم واكع حازم يكول شلنا بلربل هوه وناس خيره ماخذي للخستخانه يكول قريب الخستخانه كايم يعالج وطالعه روحه.
جميله: يبببووووووو عمت عيني عليك يبو طول الحلووو اثاريك جيت ودعتني ورحت وانا مادري المن يتمتنه ينضر عيننننيي مو وكتك يلغالي فقدت الامان فقدت كلشي بوفاة صالح جابو إخوته و ولد عمه جانوا يشيعوا وكمنه كلنه على نعشه ودكينه ولطمنه ردت اروحن وياهم للدفنه ما خلوني وزاد قهري قهرين عبن صبريه اخوتهه خذوهه بس انا منهو إليه كعدت انوح ووان حتى جهالي نسيتهم اله لمن طبتلي ضويه تركض مخترعه وراهه جوريه تبجي .
ضويه :بجي وخوف يمه صدك ابوي مات يمه كليلي جذب فدوه يمه أنا احبن ابوي وماريدنه يعوفنه.
جميله : بجي عمت عيني عليكم ييمه حضكم مثل امكم مكتوبلكم تعيشون يتامه جتني جوريه تبجي .
جورية : يمه أنا نعسانه .
جميله : كومي يمه ضاويه ودي خيتج لحجرت جديتج .
جوري صغيره عمرهه تقريب ٤سنوات وماتعرف شجاي يصير ولا تعرف شنهو الموت جوي الدفانه ثاني يوم العصر واحنه كمنه طبخنه ولتمت الوادم من كل مكان عبن همه ابوهم جان شيخ بس من مات الشيخه صارت لعمهم الابنه أخذ ازهار اختي جوي بيت عمه وانا جنت اخبز بتنور الطين بضهر البيت ومتلثمه عبني لزمت العده واكفه يمي مرت حازم خطيه مريه حبابه وكفت شنكلي وانا اخبز فجاه حسيت شخص حضني من ضهري ويبجي لتفتت واشوفنهه اختي ازهار عفت الخبز وعبالك مصدكت الكه واحد من اهلي وابجي بحضنه بجيت بجي السنين الفاتن وبجيت اشكيلهه بموتت صالح.
ازهار : بسج خيه بسج شنسوي هذا أمر الله الله يعوضج بولادج.
جميله: ولج خيه مكتوبلي القهر والضيم مكتوبلي مارتاح أنا توني ياله زهرت حياتي وبموتت صالح ذبلت الزهره ولج خيه لا شبعت من اب لا من ام لا من أهل وهسه حته راعي بيتي هم عافاني وراح خلاني بوسط صحراء وتايهه بيهه .
ازهار : كولي يالله ربج النه وهوه ينطيج من صبر ايوب لتفتت علمره الواكفه يمهه كتله هاي مني .
جميله :هاي مرت حازم ام صادق .
ازهار :يااا هلا هلا شونج خيه ام صادق شون كيفج عذريني ماسلميت عبن لتهيت بضيم جميله.
ام صادق : كل الهلا خيه الله يصبر كلبهه شسوي المسكينه مامكتوبلهه الراحه.
جميله: رجعت أكمل خبز ويه ام صادق وازهار كعدت يمي نسولف .
ازهار : صدك يجميله سمعت خلفتي جا وينهم اريدن اشوفنهم .
جميله : مهدي ويه ولد عمه والبنيات يخافن من الصوت ودزيتهن بيت عمهن ابو صادق عبن خوات ام صادق جايات وبقن عد الجهال خلفله عليهن .
ام صادق : صدك جذب ام مهدي شنو السالفه قابل هنه شمسويات.
جميله : ماتقصرين خيه كملنه خبز وطبينه حضرنه عشه للخطاطير مرت ايام الفاتحه بحزن وقهر اخر يوم ازهار كالت خيه أنا اليوم اردن ويه عيالي عبن خلصت الفاتحه
تعاي شويه كعدي خلني اشبع منج قبل ماروحن عبن الله يدري بعد شوكت نشاوف كعدت يمهه وكعدت هيه تسولفلي على حياتهه ومن خذوهه فصليه شمسوين بيهه خوات ضاوي بس رجلهه حارك الدنيه على أهله ومن عدهه محد محاجيهه والكل كايم يحسبلهه الف حساب وحجت على ولاداتهه لولادهه صاير عدهه ٤جهال تحجي وانا بالي مو يمهه كلش عبن افكر شون ارجع للبيت وهو مو وياي وشسوي وشون اعيش جهالي بدون اب ازهار مستمره تحجي بس نصدمت من كالت .
ازهار : واخر ولاده إليه جانت بابني يعقوب جنت حامل ٧اشهر وتوسلت بلشيخ ( تقصد زوجهه ) يأخذني اشوفن امي وصدك نقهر عليه عبن ضليت ثلت ايام بدون اكل كالي حضري رويحتج نروح وصدك لبست عباتي وجينه لبيت عمي ازهار بجي وصدك من اطب ويستقبلوني اسال عن اني عبن ماشفتهه كالولي امج صاره سنه من ماتت وانا من قهري صار عندي ولاده وجبت مو بوكتي.
جميله: خبر امي نزل عليه مثل العذاب فوك العذاب الانا حاملته خرطت وجهي وبجيت وعاتبت ازهار جي مادازتلي خبر وبجينه أنا وازهار اجت ام صادق ونبعه يواسن بينه واحنه شبعنه بجي أنا احسن كلبي شيب وراح يوكف من القهر خلصت الفاتحه ومرت الايام وازهار ردت ويه زوجها وانا لزمت العده بلبيت وماطلعت ابد حتى بيت اهل صالح مرحت بس نوبات تمرلي نبعه وأبو صادق بين يوم ويوم يجيب ام صادق ويجيب مسواك للجهال دفنت حزني بكلبي وكلت لازم اعيشن لخاطر جهالي كمت كل يوم اصلي واهديهه لامي وأبوي وصالح اخوتي مانعرف اي شيء عنهم ايامي مشت وكضت العده وكمت اطلع للزرع ويه نسوان حمويني والثم روحي حته اعيوني اطلع شي قليل منهن واخذ وياي البنات مهدي لزم كاع ابو ويه اخو الجبير حسين صبريه مشاكلهه كثرت وخصوصا من مهدي شتغل ويه حسين بكاع صالح ما تقبل تريد الكاع بس الولدهه بس عمام مهدي ما قبلو وحجو عليهه وكلولهه اذا ميعجبج انقسم الكاع وننطي حصت مهدي هيه من سمعت هيج سكتت .
مرت السنين وكبرو الجهال مهدي صار ١١سنه وضويه ٨وجوريه ٧ ابو صادق راد يخلي مهدي ويه ولده صادق وفرقد بلمدرسه بي مهدي ماقبل مايهوه العلام يهوه شغل الكاع أكثر ضويه علمتهه تطبخ وتنضف وجوريه وياهه علواهس وحته خياطه مرات اعلمهن بيت اهل صالح كمت بس من عدهم شي اروحن عبن ماتوالم ويه صبريه مشاكلهه ماتخلص بيوم خذيت البنيات ورحت عبن دورت السنه مالت صالح نسويهه بيت اهله مثل كل سنه كلهه ملتمه وهوسه ام صادق شافت ضويه وجوريه يشتغلن ويه البنات وسباعيات كالت.
ام صادق: جميله انا من هسه اكلج بناتج اخذهن لولدي .
ام صالح: وشحدهه تفتح حلكهه وتعترض عبن ولد عمهن وغصبن عليهه.
جميله: أنا لا حاجيه ولا شي وعمتي نزلت بيه انا هم كتلهه لام صادق وانا وين الكي مثل تربيه جهالج خيه خلهن يكبرن كبعي واخذيهن بعبايتهن .
ام صادق : ماتقصرين خيه وبنياتج ونعم التربيه .
نبعه: جا شنهي أنا أريد لي وحيده من بنات صالح.
صبريه : جا بناتي موش بنات صالح شبيهن مايعجبن .
نبعه : ونعم منهن صبريه بناتج على راسي عبنهن بنات الغالي .
نبعه: اله صدك جميله البارحه ما جيتي للزرع خيرج .
جميله : خير يصيبج خيه مهدي كالي لا طلعين اليوم عبن عمه كايله كل لمك ماعدنه حصاد قوي وبقيت .
ضويه : يمه تعاي شوفي تمن ابو الماش صار لو بعده.
جميله: اي يبعد امج جيتج رحت شفت التمن ولكيته
صاير ومطفيته لتفتت على ضويه كتلهه جا مو مطفيته ليش صحتيني بعد .
ضويه : يمه اريدن اكلج اذا حجيت ويه صبريه لا تعاتبني عبنهه ماجوز منه اله واحد يردهه.
جميله : بعصبية بسج شنهي هلحجي مو عيب هيج انا ربيتكم تتجاسرين علاكبر منج.
ضويه : يمه جا انتي حاجيهه وكليله جوز مني ولا تكلي بت الفصليه وكحه على امج مثل الحيه تكرصن وضمن راسجن.
جميله : تخبلت شنهي صبريه ماناويه تعقل كتلهه يمه ضويه لخاطري لا تحجين شي كله ساعه ونروح لدارنا .
ضويه : يمه راح اسكت الخاطرج بس انا راح اخلي علم عد جديتي .
جميله: وصدك راحت لجدتهه وكلهه كاعده يم عمتي وهيه مادارت بال وحجت.
ضويه : جده انتي تحبينه.
ام صالح: شجاريلج يجده شون ماحبنكم أنا صدك ماحبن امكم بس انتو ولد الغالي .
ضويه : جا جده أنا جايتج شكايه واريدنج تأخذين حكي.
ام صالح : اخذه من عين السبع احجي يجده منهو مكدر خاطرج .
ضويه : باوعت لصبريه وحجيت مرت ابوي يجده تكلي انتن بنات الفصليه وكاحت وطالعات على امجن مثل الحيه وكل ما تشوفنه تحجي علينه وحته ذيج نوب ضربت جوريه وانا يجده لخاطر امي ماحجي عبن ماتقبل اتشكه لو اخذ حقنه وهسه اريدنج انتي تكليلي احنه بنات الفصليه يو بنات صالح.
جميله : ضويه رغم عمرهه ميجاوز ال٩سنين بس بحجيهه صفنت كل الكاعدين وخلتني ابلع ريكي من الخوف كلت هسه واحد منهم يكوم يضربها بس عمتي حجت.
ام صالح : اكص السان كل واحد يجيب طاريجن ولج صبريه والعباس ابو فاضل أن سمعتج حاجيه على بنات صالح يو مكدره خاطرهن أخذ الجهال منج واطردج البيت اهلج لا عبالج بت اخوي وماحجي ذن بنات ابني واليمسهن يمسني وهلحجي موجه للكل.
جميله: صدك من يومهه صبريه كامت تتجنبنه مرت فتره و نبعه اخذت وحده من بنات صالح لبنهه صالح عنده من صبريه ٣ولد و٣بنات وحسين ابن صالح أخذ وحده من بنات عمه .
جوريه : ضويه جبتلج المطال وين اخلي .
ضويه : خلي يمج بصف التنور خلني اخبز قبل لا تجي امي.
جوريه : كتلهه خذيني وياج اجيبن ماي ماقبلت .
ضويه : سوده عليه امي ماتحب تعبنه .
جميله : رجعت من النهر شايله الهدوم الغسلتهه والايد الثانيه بستوكه المي تلكتني جوريه خذت الهدوم وشفت ضويه كاعده تحط جيمه وتشعل التنور كتلهه ياااا ولج يمه مو كتلج صبري اردن واخبز .
ضويه : يمه خليني اخبزه بروح ابوج شنهي صغيره أنا ماشفتيني شون ذاك اليوم خبزت أنا وفضه بيت جدي.
جميله : وانا لو ادري بيج ماخليج .
ضويه : هسه اخبز كبالج وشوفيني .
جوريه : شريت الملابس يمه والبستوكه ثكيله ماكدرت اشيلنهه .
جميله : خليهه بنيتي أنا اشيلنهه شنهي مهدي مامر للبيت اليوم .
جوريه : اجه أخذ المنجل مال ابوي وسأل عليج وراح كال كليلهه عنده شغل بكاع عمي يتاخر ياله يجي .
جميله : جا خوش ها يمه ضويه اجي أكمل بدالج.
ضويه: لاله يمه شنهي ماعجبج خبزي .
جميله : عاشت اديج يخبل مثل وجهج .
ضويه : وايدج يمه البركه بيج جوريه تعالي نطيني المحراث من يمج خبزت وكملت الخبز وتغدينه أنا وأمي وجوريه عبن مهدي يتاخر بيومهه اجت مرت عمي جايبه قماشات من بغداد واحنه كيفنه بيهن عبن مرت عمي اهلهه من بغداد وأشياء غريبه عدهم مو مثل العدنه .مرت فتره واجه موعد الحصاد يوميه من الفجر نطلع ويه امي ونسوان عمامي اليوم حسيت امي كاعده صلي وتبجي الفجر فزيت كتلهه خيرج يمه .
جميله : ماكو شي حبيبه بس شويه شتاقيت لاهلي ولابوج واحسن كلبي مقبوض .
ضويه : شمالج ييمه اروحلج فدوه لا تخوفيني .
جميله : لاله صرت زينه روحي كعدي اختج واخوج وصلوا عبن إذن الفجر وسويت ريوك خاطر نطلع هم ياله .
ضويه : كمت بستهه براسهه تامرين أمر يلغاليه رحت كعدت جوريه ومهدي صلينه ولبسنه العبي وتلثمنه وطلعنه للزرع ولكينه عمامي ونسوانهم وبناتهم ولدهم كلهه تشتغل صبحنه عليهم وبدينه نشتغل وياهم طلع الضوه واحنه بتعدنه شويه أنا وجوريه من امي نشتغل بصفحة بنات عمي على واهسهن جوريه روحي شوفي امي خاف تريد منه شي توني احجي وسمعنه صيحت امي ذبينه المنجل أنا وجوريه وركضنه بتجاه امي لما وصلنا لكينه امي جامده مكانهه ولازمه رجلهه وتاشرلنه ارجعن تقدمت واشوفن حيه شكبرهه تمشي يم امي
رجعت وجريت جوري من الخوف وامي وكعت من طولهه صرخت كل حسي اجه عمي حازم ضرب الحيه بلكرك وشالو امي ورجعنه للبيت ويانه عماتي ونسوان عمومتي وحته جده جتي لبيتنه كعدت يم راس امي وتنعي وتبجي على حالنا سمعت جده تهمس لعمتي نبعه تكلهه مادامهه طلعت وغف من حلكهه هاي للعصر ماطول.صدك امي عيونهه مكلوبه وكلساع ذب وغف ممن حلكهه أنا تخبلت كمت ابجي بحركه جوريه كاعده يمي متعرف شنو السالفة شفتهه راحت للمطبخ وانا كعدت بزاويه ابجي .
جوريه :اشوف امي نايمه ونسوان عمومتي وعماتي كلهه اجت البيتنه كاعدات يم راسهه ويقرن ايات وأمي تشوخر ويطلع من حلكهه شي ابيض ماعرف شنو يمكن امي مريضه وجاي يشوفوهه أنا جبت الغده وكعدت اكل بيتنجان شوي وطماطه امي حضرتهن للغده كبل ما نطلع واباوع ضويه تبجي ونسوان عمي يباوعلي و يحجن ياااااا شوف شوف امهه جايه تموت وهيه حايره بالاكل وبيهن يكولن خطيه متعرف صغيره أنا شمدريني شنو الموت وشنو الجاي يصير هنا صدك امي مطولت نص ساعه وماتت امي ماتت الغاليه ماتت الحنيه وياهه مات الامان ساعتهه صدك حسينه بليتم هسه احنه صدك يتامه ضويه كطعت روحهه وتبجي وصيح ولج يمممممممه ولللللج وينننن رايحه وعايفتننننه والله مو كد الحمل العفتيليا يمممممممه كومي على حيلج يممممممهههه وانا من شفت ضويه بجيت البجيهه الماعرف عله شنو تبجي هيه امي مو هنا ليش تكلهه لترحين عمتي نبعه جتي حضنتني وبجت وجديتي هيه ونعاويهه جوي عمامي اخذو امي للنجف و دفنوهه وهيه وحيده وماكو واحد من اهلهه حضر اجنازتهه لا اخ اليشيل نعشهه ولا اخت التحضر دفتهه وتلطم عليهه ولا احد يغمض عينهه ماتت وهيه غريبه سوده عليه يمه عشتي وحيده ومتي وحيده يايمه ماشبعت من حنانج ولا كتفيت بحضنج يايمه المن عايفتنه بصغرنه يايمه ضويه حضنتني وتبجي وانا من شفتهم اخذوهه بجيت وركضت وراهم وعمتي رجعتني للبيت مهدي مشفنا عبن عمامي أخذوا وياهم وانا وضويه كاعدات يم جده ونبجي وهيه طبطب علينه وهنا انتهت. حياة امي انتهى دار الامان والحنان
إلى هنا وختمنه ويه جميله قصه جميله حقيقيه واتمنا منكم تترحمون لجميله ولصالح البارتات الجايه حتحجي حياة اطفال جميله وبلاخص جوريه انتضروني بأحداث مشوقه كلش لتنسون تنطوني رايكم كلش يهمني ويشجعني حبايبي انتضروني بارت جديد
يتبع
