البارت (44)
حين تتغير الاقدار ❤️❤️❤️
للكاتبه نماء الورد
حَمد كُلهم جرعنه الضيم بألوانه ،
حَمد كُلهم وگتنه هواي وازانه...🥺✨
:ڄآآ ࢦيش مـن دون آلخݪڪ مـليآنۿ ۿم ڪلوٻنْۿ.💔☹
مدام بوجه الابيض خلصت وياك
حمدت الله على الصار وشكرته.
هناء : ضليت فاتحه عيني ومتفاجأه من الي حجا ليث شوكت كبر شوكت حس بالمسئوليه كتله ولك يمه هاي شوكت ويمته هل حجي .
ليث : رفعت راسي وكتلهه قبل سنه تقريبا شفت وضعنه كله تخربط ومن شفتج شون حايره بعيشتنه وكمتي تبيعين خبز في سبيل متخلينه محتاجين متحملت يمه بيومهه فتريت على المحلات حتى يشغلوني بس محد قبل لان حصار والعالم الفلس كوه طلعه اخر شي شتخلت ويه محل صغير يبيع لفات وشربت شتغلت تقريبا شهرين بالعطله وبيوم كاعد ابيع وما احس اله وكف على راسي عمو حبيب وتخبل ولزمني وطلعني من المحل وكالي انتو أهل العز شنو تشتغل ويه واحد ويتامر عليك اقترح عليه نفتح بسطيه مال اي شي ونبيع اني جنت مجمع مبلغ قليل حلفته ميحجي الأحد ثاني يوم جبت الفلوس ونطيته ومني ومنه اجرنه محل صغير وكمنه نبيع لفات وشربت بلشركه اني ويا لحد ما كلت الإخواني وكامو همه هم بوكت العطله يجون يشتغلون .
هناء : بجيت بحركه ولول مره ابجي هيج كبال جهالي كتله يمه ومدرستك شون انت الي جننت كله تفوق هسه راسب وفوكاهه مكضيهه غيابات .
ليث : سهله يوم سهله اني احلهه واحاول المدرسه ارجعلهه مثل قبل بعد ما امي عرفت شويه ارتاحت نفسيتي احسن ما أضم عليهه ونا ممتعود هيج مرت الايام والأشهر وانا على هل حال وحتى اخوتي بدو يشتغلون بشغلتي بالعطله رغم صغرنه دخلنه بسنه ال 1995كوه طلعت من الثالث متوسط حياتنه هادئة وماشيه امي متامله بالبنيه تالي هم جابت ولد امي كلش تحب البنات بحيث من نروح لبيت خالتي تحير شجيبلهن وهنه هم ماشاء الله ينحبن جمال ونضافه وهدوء ولو اني متحلف باتكتم كل متشوفني تغنيلي ليث ما عنده مره عنده دجاجه محمره هههه اني اصير نار عليهه نوبات اضربهه بس بداخلي اضحك على اغنيتهه الي متتغير امي محضره ومخبوصه خبص باجر نروح لبيت جدي نشوف خوالي وبيبي جوري اروح فدوه لصوتهه لبيبي كلهه حنيه ودفو كعدنه من الصبح ونطلقنه لمدينه بيت جدي أو نكدر نكول لمحافضتهم .
شمس : مرت الايام تركض ركض ودخلنه بسنه ال 1995والحجي مخلص اشكال والوان اسمع واحترك بناري عمري مراح انسه الضلم والحجي الي تعرضت اله ولا راح انسه نضريت المجتمع إلنه احنه الارامل والمطلقات ولا راح انسه ذاك اليوم الي رحنه بي انا ونور حتى نسوي معامله تمار وغلام ما انسه شون الموضفين يباوعولنه بنضره قذره لو هذا الي يسالني انتي ارمله ويسوي حركات وتعابير بوجهه تقزز ونور كذالك بحيث رجعنه بيومهه بجي ونواحي ومعاتب بسندنه الراحو وعافونه بوسط غابه ثعالب وينهشون بلحمنه بكل فرصه من يومهه وانا قررت لا اروح مكان ولا اجي بس وحتى أنا كاعده بيتي هم ما خلصت من المشاكل والحجي الي طلعوا عليه نور تكلي اني هم مثلج مخلصانه بس لا اني بكثره الكل يحجي خوبن ريهام كامت بكل فرصه تجي تسمعني حجي جم مره كتلهه النور احجي ويه اخوتج وكليلهم ليجون عمي ماريد شي منهم تره العالم مترحمني بس همه من يسمعون يتخبلون ويكولون اليحجي نروح نشهره بالمنطقة همه هم خلف الله عليهم احتوو اطفالي ومعافوهم ختمر عجيني عاجنه خبز العباس دخيل اسمه نذرت الاصيل النجاحه توني كملت الخبز كعدت اخلي بطنه خضره حتى اوزعه وما احس اله ندفع الباب وطبت ريهام أنا راسن كمت وكفت طبت تباوع بالبيت فترت تباوع وتفر بايدهه أنا بس واكفه أراقب لحد ما جتي يمي وكالت وهيه صاكه على سنونهه
