بارت (٤٨)
جزء الثاني
عضم الله اجوركم واجورنا بذكر جرج الامام علي عليه السلام
حين تتغير الاقدار
للكاتبه نماء الورد
ليس عشقاً . بل إحتلالاً ..
وقلبي في العشق ..
قد عصى ثم هوى ..
ثم أصر . ثم نال الأذىَ ..
ثم شكى . ثم رق . ثم بكىَ ..
ثم تحجر . ثم تاب . ثم عفىَ ..
ثم أدمن عطر أنفاسكَ وانتهىَ ..
شمس : هنه يحجن وانا بس اهز براسي باي سالتهه حبيبه انتي منين تعرفين بناتي وين شايفتهن جلوبتني وهوه منو ميعرفكم خيه انتو اهل اصل وفصل وناس دور الاصل دواره ونعم من تربيتكم لا تخافين ام اصيل بناتج دائما يفوتن من بابنه طريق المدرسه ووابني عجيته وحده منهن عبن ثكال الله يحرسهن سالنه عليكم الكل يحمد بتربيتهن واخلاقهن ....شمس هيه تحجي وانا مثل واحد طش ماي بارد بوجهي يعني شنو هيج بناتي كبرن وانا مامنتبهه العالم كامت تمشي عليهن دمعت عيني وبتسمتلهه وكتلهه انا اخذ راي ابوهن وعمامهن واردلج خبر كعدن شويه وترخصن وراحن لليل اجه كميل سولفتله تخبل وكال سدي الموضوع وبعد لتفكي البنات صغار مو مال زواج
تكتم : سنة 2000كانت سنه عاديه مرت احلى أيامي ومراهقتي بيهه مكضيتهه بين المدرسه وأرجع للبيت ويه صديقاتي وبنات عمي هل سنه جمعتنا ويه اهلي وعمامي مرتاحين الحمد لله طبينه بسنه 2001هنا امي بدت بعمليه البحث عن عروس الاصيل لحد ملكتله بنيه مرتبه وحلوه كلش فرحنه وهوه طاير من الفرح ممصدك واخيرا امي راح تزوجه صدفت خطبت الاخويه الجبير بنفس الاسبوع زواجي عمي انمار انخبصنه بعرس عمي اول عرس يصير عدنه من بعد المعاناة وتعب والضيم قبل العرس بسبوع احنه نركص ومكيفين انا وبنات عمامي وخواتي اني وختام نركص وفرحانت وامي كلساع تخزرنه بس احنه لا حياة لمن لا تنادي اباوع على زوجه عمي انمار وركزت على الطرحه شفتهه مشكله بماشات واخير عرفت الطرحه يخلوه بماشات مو بسامير لان صديقاتي ماتوا ضحك من كتلهم من جنت ازغيره عبالي الطرحه يدكوه بمسامير مامعقوله هيج غبيه واكول كلما اكل الواحد الطرحه يدكوهه بسامير يضحكون طبعا معده عرس عمي اله وثاني يوم اجوي خطبونه اني وختام وحده اقربائنا الولده ماقبلت امي وبسرعه ردت المره وكلتلهه بناتي صغار وابوهم مينطيهم بس المره لحت وكلتلهه فكري سبوع ورديلي خبر أنا ما افوت بناتج هل حجي وره يومين من عرس عمي وصدك تروح المره والعصر نتفاجئ بجدي نوفل اخو جدو ابو علي يعني عم ابويه الله يرحمه جاي يخطب وحده من عدنه ال ابنه هيثم تفاجانه وامي مثل الفرحت شنو السالفه امي ياهو اليجي ترفضه ليش ذول بالذات فرحت راحت امي تحاجي ابويه (كميل ) وشوفه شقرر على طلب عمه
كميل : شمس شدكولين عمي ابو سعد مااكدر ارد طلبه وحاير شكله وانتي تعرفين ابن عمي هيثم كلش زين ورابي ويانه واعرفه خوش ولد ومعدل ونشمي بس صعبه يعني ماادري شمس مادري شون ارفضه .
