حب وطموح
بارت 29
عمر.. قدامك إختيار
سلمى.. مش فاهمه أنت بتخيرنى هموت على أيد مين ولا بتهددنى أنك هتتهمنى بالخيانة
عمر بسخرية.. اهددك؟ قد اى أنتى وقحه. أنتى أصلا خاينه مش هتبلى عليكى مثلا
سلمى.. من وقت ماتجوزنا خونتك في أى عشان تتهمنى بالخيانه
عمر. متغيريش الموضوع
سلمى بثبات.. وأنا مش خايفه إلى عايز تعمله أعمله مش فارقه معايا كلها موته
عمر. لو عايزه نصيحتى تموتى على ايد أهلك أحسن. لأن أنا هخلى الموت حلم صعب عليكى تحققيه
سلمى.. وأنا مش هتمنى الموت ..العمر بايد ربنا
عمر. بضحك وسخريه.. اعتبره تحدى
سلمى.. أعتبره ثقه بالله
عمر.. طيب استعدى عشان كليتك بكره ولا مش ناويه تتعلمى
سلمى بدهشة.. مش فاهمه؟
عمر.. نسيتى أنك فى كليه ولا اى
سلمى.. عايزانى احضر الكليه
عمر.. طبعاً
سلمى.. أنا بجد مش فاهماك أنت عايز توصل لاى بالظبط
عمر بسخرية.. . وعمر حسان ممكن يعوز منك أنتى اى مثلاً .
.أدى أخرت إلى يتجوز طفله عندها 18سنه
سلمى بنرفزه.. عمرى 19سنه
عمر.. صغيره
سلمى.. وخمس شهور
عمر.. برضو صغيره
سلمى بنفاذ صبر.. وثلاث اسابيع ويومين
عمر. لسه صغيره أوى
سلمى. أنت اللى عجوز وبعدين بما أنى صغيره يبقى مينفعش تطلق عليا لقب خاينه.
عمر.. الخيانه متفرقش بين صغير وكبير كلكم سواء.
سلمى.. وانتو كمان خاينين
.. الباب يدق
عمر.. اتفضل
ناديه. عمر عامل اى دلوقتى
عمر وهو ينظر لسلمى.. بخير بعد ماشوفتك
ناديه.. أنا إلى بخير بعد ما سمعت صوتك
سلمى بغضب.. اطلعوا بره علشان تعبانه من السفر
ناديه. انتى بتطردينا من مالك ياك. ده قصر عمر وأملاك عمر
سلمى.وهى تنظر لعمر وعمر بدون إهتمام ولا رد
سلمى.. تمام بما إن صاحب القصر موافق على الكلام ده يبقى أنا مش هقعد فى القصر كله اشبعى بالقصر وصاحبه يناديه
عمر وهو يمسك أيد سلمى.. رايحه فين
سلمى.. وأنت مالك.
عمر. آمال مين اللى ماله أنتى مجنونه فى عقلك
سلمى.. مش من حقك تتعامل معايا كده احنا.. ثم تصمت ثوانى وتكمل. أنا مصممه أشتغل
عمر. وإن رفضت
سلمى. مش مهم
عمر.. يعنى أى؟
سلمى.. يعنى أنا قررت
ناديه بمكر.. عيب تكلمى جوزك كده ياسلمى
سلمى.. بدل ماتنصحينى كنتى حافظتى على جوزك.
عمر. سلمى اتجوزتى حدودك
سلمى.. وأنت اتجوزت كل الحدود معايا وأنا مش هستحمل اهانه اكتر من كده. أنت للمره المليون بتثبتلى أنى مجرد تمثال من ضمن الأملاك مش اكتر.
إحسان بغضب.. وطى صوتك ياسلمى أنتى مش فى سرايتكم أنتى فى قصر ليه تقاليديه ونظامه
سلمى.بدموع. أنا مش فاهمه ليه كلكم بتتعاملو معايا كده. لو بتكرهنى ياعمر طلقنى وريح نفسك. يارب أموت واريحكم كلكم. ثم تخرج سلمى من الغرفه وهى تبكى
عمر.. مكنش ينفع تكلميها كده يامى
ناديه.. سبها تستاهل
عمر بعصبية. لو سمحت ياناديه أنتى بتتكلمى على مراتى. خلاص ياجماعه سبونى احل مشاكلى مع زوجتى
أنت تقرأ
حب وطموح
Mystery / Thriller#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
