#حب_وطموح
بارت 20
ركبت العربيه جنب عمر شكله مكنش يوحى بالخير ابدا
خالد.. خلاص كده يابرنس انزل أنا هنا بقى
عمر بصمت وقف العربية. أشوفك بكره ياخالد
خالد.. اشطا
عمر.. والراجل المتخلف ده يطرد بره الشركه تمام
خالد.. أهدى بس ياعمر الراجل مكنش يعرف إن سلمى هتوه
عمر.. إسمها مدام سلمى. وياريت متعرضنيش فى قراراتى
خالد بعدم سرور.. حاضر.. عن اذنكم.
وطلع عمر بالعربيه
سلمى بخوف من شكل عمر.. ع عمر هو أنت فعلا هتطرد الراجل اللي وصلنى لبره الشركه
عمر.......؟
سلمى.. عمر هو ملوش ذنب أنا اللى أجبرته أنه يخرجنى
عمر بغضب. أنتى تخرسى خالص مش عايز اسمع صوت. لسه حسابك جاى بس نوصل. متستعجليش كله هيتعاقب أنتى وكل واحد كان سبب فى لفى وتعبى النهارده
سلمى بخوف.. ممكن تهدى أنا عارفه أنى غلط بس.
عمر يقف العربيه فاجأه. أنا قلت تخرسى
سلمى.. عاقبنى زاى مانت عايز لأنى استاهل بس هم ملهمش ذنب.. أنا اللى كنت عايزه أخرج من الشركه اتمشى شويه
عمر بنفاذ صبر .. انزلى من العربيه ياسلمى
سلمى بصدمه.. ايه؟
عمر.. بقولك انزلى من العربيه مبتسمعيش
سلمى وهى تبص حواليها بخوف.. بس عمر الدنيا ضلمه اوى ومفيش حد هنروح فين
عمر بغضب.. لا مش هنروح أنتى اللى هتروحى مش كنتى عايزه تتمشى تمام اتفضلى اتمشى يلا انزلى
سلمى بخوف تنزل من العربيه وهى بتبكى وتبص لعمر
عمر وهو يقفل باب العربيه.. اتمشى فى شوارع مصر براحتك بقى لأنى زهقت منك ومن تصرفاتك الغبيه زيك.." ومشى عمر بالعربيه"
سلمى وهى خايفه وتبص حواليها.. أزاى عمر يعمل فيا كده. أنا معرفش حاجه هنا. ازاى يبقى قاسى عليا بالشكل ده وقعدت تبكى
بعدها بخمس دقائق. عربيه تيجى وتقف قدام سلمى
سلمى تبص بخوف تلاقيه عمر
عمر وهو يفتح باب العربيه.. اركبى
سلمى.. لأ مش هركب ابعد عنى
عمر بعصبيه ينزل يمسك سلمى من أيدها ويدخلها العربيه..
سلمى بغضب ودون وعى.. تضربه على أيده قلتلك سبنى سبنى
عمر يبصلها بغضب. اشششششش ولا نفس تخرسى وتبقى زاى الكرسى اللى انتى فيه ده تمام
..... ورجعو القصر
إحسان وهى تستقبلهم.. اى التأخير ده مالكم فيكم اى
سلمى وهى تبص لعمر بازعاج.. مفيش أنا طالعه أنام
إحسان تمسك عمر من أيده.. فيه أى ياعمر
عمر.. مفيش
احسان.. بقولك فيه أى ياعمر أنا مش طفله صغيره قدامك
عمر يتنهد وهو يحكى لاحسان على اللى حصل
.
إحسان.. ازاى تسبها وحدها في الشارع ياعمر حتى لو غلطت
عمر.. أنا مسبتهاش أنا بعدت بالعربيه ونزلت رجعتلها رقبتها. مسبتهاش ثانيه. بس حبيت اعلمها الأدب اعلمها أنها طول ماهى بعيده عنى هى مش فى أمان وطول ماهى ماشيه ورى دماغها هتتأذى وهضيع ومحدش غيرى هيحميها
إحسان.. المفروض تقولها كده بهدوء مش تسبها فى الشارع كده.
عمر.. هدوء. اكلمها بهدوء بعد ما جننتنى كان هاين عليا اجيب مليون طياره تطير في الجو علشان أدور عليها.. أنا بعد مالقتها مكنتش عارف اخدها فى حضنى ولا اضربها ولا أعمل أى على الرعب اللى سببتهولى
إحسان.. للدرجادى بتحبها
عمر بتوتر وهيبه.. أحبها؟ أحب مين أنا أنا معتزل فكرة الحب دى. بس دى مراتى وفى حمايتى ماينفعش اسبها كده
أنت تقرأ
حب وطموح
Mystery / Thriller#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
