حب وطموح
بارت 26
سلمى.. اللى تشوفه ياصديقي المقرب
عمر.. شكرا ياصديقه.. تحبى تكملى الرحله
سلمى.. احب أروح لو تكرمت
عمر.. أنا قلت كده برضو.
...... وتابعو السير إلى القصر وهم فى صمت تام. كل منهم يفكر ويسرح بخياله.. سلمى التى تفكر كيف لخيال عمر أن يصل لدرجة أنها ممكن تخون أو تحب شخص آخر. وعمر يفكر ويقول حتى تلك التى ظننتها ملاك أتضح أنها مثلهم..
وأخيراً وصل الجميع للقصر بعدما أخذ منهم التفكير مااخذ
عمر.. مش هتدخلى القصر
سلمى.. لأ حابه اتمشى فى الجنينه شويه.. اتفضل أنت
عمر بعدم اهتمام.. ماشى ثم يكمل وهو يمشى. بس متتاخريش علشان الغدا
سلمى.. إن شاءالله ثم تقول في سرها. ياريت لو كنت تحمل همى زاى ماتحمل هم الغدا
...... سلمى وهى تمشى فى الجنينه وتتأملها. وتفكر بحزن
سلمى.. ليه دايما مليش نصيب في أى شىء بحبه. دراستى وحاربت وجاهدت علشان أقدر اكملها. اتحملت كلام عمى حارس الجارح اللى كنت دايما أسمعه. وحتى ناديه اتحملتها وكنت بحاول على قد ما قدر أبعد عنها اتحملت مكرها وشرها. ليه لازم كل حاجه في حياتي اخدها بصعوبه. هو كتير على انسانه بسيطه زاى تعيش بسلام. ثم تكمل بتنهيد . حتى عمر الشخص اللى قالى هساعدك. واللى اتجوزته لأنى حبيته. طلع شايف أنى بحب مصالحى. وشايف إن الكل خاينين وعلشان أوصل لقلبه لازم احارب تانى. ويكسبت يخسرت.. ليه بس ياربى كده. مفيش حاجه بحبها بقدر أوصلها ثم تكمل وهى تنظر للطيور والحيوانات الأليفة التى تملئ الحديقه ك افلام كرتون. وتضحك
سلمى.. ههههه كل مابقى مضايقه القيكم قدامى بس. المره اللى فاتت اللى كنت مضايقه فيها ظهر في حياتى عمر علشان ينقذنى من سجن العادات. ياترى مين هيجى دلوقتى ينقذنى من سجن الخيانه اللى حطنى فيها عمر
الست المجهوله. بابتسامه. شكلك بتحبى الحيوانات
سلمى تنظر للخلف بدهشه.. أنتى؟
الست المجهوله.. أيوه أنا
سلمى.. أنتى اختفيتى فاجأه ودورت عليكى علشان اعرفك ب .. ثم تكمل بحزن.. بجوزى
الست المجهوله وهى تنظر لها بتسأل. مالك شكلك مضايقه
سلمى بسخرية من حالها.. واى يعنى اضايق. أو ازعل أو اتخنق مش مهم. مشاعرى مش مهمه حياتى مش مهمه. خاطرى مش مهم. أنا مولوده عشان ابقى مش مهمه.
الست المجهوله وهى تقترب منها. ليه بتقولى كده ياحبيبتى
سلمى.. دى الحقيقه. دى حياتى اللى مخبياها جدار القصر ده.
عمرك ماهتفهمى شعور كسرة الخاطر ولا القهره
الست المجهوله بحزن.. وأنتى عمرك ماجربتى شعور تعذيب الضمير والندم والحسرة والقهر . عمرك مجربتى تبقى ذكرى سيئه فى حياة أعز الناس على قلبك
سلمى بتسأل وهى تمسح دموعها.. فى النهاية بيجمعنا الكسره والخيبه والحزن وقلة الحيله
الست المجهوله. حزنى لو وزعته على كل ذرة تراب. هيفيض منه كتير يابنتى
سلمى.. شكلك شايله كتير
المجهوله..وهى تضحك بحزن.. القلوب شايله ياما.
سلمى.. الحمد لله
المجهوله.. الحمد لله
بس أنتى ليه زعلانه عمر بيحبك وانتى واضح بتحبيه
أنت تقرأ
حب وطموح
Mistério / Suspense#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
