#حب_وطموح
بارت 9
سلمى وهى سرحانه وقاعده قدام المرايا.. أنا مش فاهمه ليه اضايقت من كلام ناديه.. هو أى اللى بيحصلى.،لايا سلمى لازم تفوقى لو عقلك فكر كده ولا كده أنسى. هو بنفسه قال شاف بنات أشكال وألوان هيسيب كل دول وهيحبك انتى ليه فوقى ياسلمى فوقى لتغرقى
الأم بصوت مفاجأة.. سلمى ياسلمى أنتى يابت
سلمى.. ها اى فى أى
الام.. مالك ياضنايا كنتى سرحانه في اى
سلمى.. ولا حاجه ياماما ،انا بس خايفه علشان بدأت مرحلة جديدة من عمرى زاى مانتى عارفه
الأم.. طبيعى أنك تحسى بكده لأنك فعلا داخله مرحله جديده من عمرك.. وعارفه كمان أنك مضايقه علشان مدخلتيش الجامعه بس معلش يابنتى قدر الله وماشاء فعل
سلمى بتردد.. أنا عايزه اقولك حاجه مهمه ياماما.. أنا وعمر ااا..
الأم.. اى يابنتى قولى أنتى وعمر اى
سلمى خافت تصارح مامتها بالحقيقة لتضايق.. أنا وعمر بدأنا نتفاهم كويس بالرغم من أننا منعرفش بعض لسه
الأم.. الحمدلله.ياعمرى
تعالى ياحبيبتى اقعدى جنبى عايزه اقولك على حاجه
سلمى.. خير ياماما،اتفضلى
الام. خير إن شاء الله.. أنا هقولك شويه كلام أوعى تنسيهم
انتى دلوقتي بقيتى متجوزه ولازم تصونى جوزك وتكونى سنده و لو الدنيا كلها وقفت ضده تكونى أنتى جيشه وسلاحه.. لازم يابنتى تحترميه قدام الناس وتديله قمته.. حتى لو في بنكم زعل أوعى الزعل ده يخليكى تهنيه قدام الناس ولا حتى قدام أهله.. مشاكلكم ميعرفش حد عنها حاجه حتى أنا..احفظى جوزك فى حضوره وغيابه وخليكى صندوق أسراره دى أفعال بنت الاصول يابنتى. واتقى ربنا فيه زاى ماهو إن شاءالله هيتقى ربنا فيكى ،مبقلكيش خليكى خدامه تحت رجله بس خليكى زوجه صالحه ليه.. ورديله المعروف عشره يعنى لو خلاكى قدام ألناس اميره خليه انتى قصاد الناس ملك
ولو لبسك عقد من ذهب لبسيه انتى تاج من ماس.. خلى عيونك دايما شبعانه وراضيه ومتطلبيش اللى مش محتاجاه هو جوزك ربنا يزيده غنى بس الغنى يابنتى غنى النفس والقناعه
وأهم حاجه يابنتى تحافظى على صلتك بربنا أوعى في يوم ربنا ينديكى للصلاه وتكسلى ولا الشيطان يتمكن منك وتنسى ستر ربنا عليكى.. أوعى تهملى في حق ربنا عليكى ،،فاهمه يابنت عمرى.
سلمى.. فاهمه ياماما ،،واوعدك عمرى ماهزعله.. وطول ماهو شايلنى فى عينه أنا هشيله فوق راسى.
الأم.. ربنا يسعدكم ياعمرى ويرزقكم زريه صالحه
سلمى.. ياا.. إن شاءالله ياماما،،سرحت سلمى للحظه،، هو أنا مقلتش يارب ليه يمكن علشان مش هيكون فيه زريه بنا.. أنا ليه اتلغبط كده ليه مش فاهمه اللى بيحصلى أول مره مفهمش نفسى
الأم.. يلا ننزل بقى
سلمى.. حاضر يلا
نزلت سلمى بجمالها الطبيعي وفستانها الأنيق
حسان... البدر نازل علينا بطلته البهيه اها
عمر وقف شويه اللى هو بيقول فى نفسه في جمال وبرائه كده. وقال فى سره فعلاً يابوى صدقت بدر ليلة تمامه،،
لا وكمان القمر ده كله جوزى أنا، قصدى مراتى أنا
حسان.. تعالى يابنتى اقعدى.. مش عايزه تنزلى ليه ،مستكتره علينا نور طلتك ليه
سلمى.. هههه والله يابا حسان كلامك الحلو ده بيخلينى اصدق
حسان.. والكلام يجى اى جنب الحقيقه
منصور.. هههههه والله وأنا كمان يابنتى أنا حسيت أنه هو االى ابوكى مش انا
حسان.. وأنت فاكر أنها مش بتى ولا اى..أنت تعرف يوم مابنى يزعلها أنا ممكن اضربه عيارين عشان زعل بتى
عمر بمزح... أى يابوى عيارين مره وحده أنت لو لقينى قدام جامع مش هتعمل كده..
حسان... فكر أنت بس تزعلها وأنا اكسر دماغك
سلمى.. ههههههه شوفت أنا بقى عندى أتنين أب وأنت مش عندك حاجه ياعمر
عمر.. هنيالك ياستى..شكلك هتستغلى الفرصه بقى وتقافيلى على الوحده
سلمى.. خلى بالك لتزعلنى بقى هههههه
ناديه تتدخل في الحديث بمكر.. بس ياعمى أنتم مش هتكونو معاها فى مصر.. مظنش سلمى بنت الصعيد هتفهم عمر بن المدينه.. أنا شايفه أنكم بتحاولو تخلطو الزيت بالميا..وخايفه تكونو بضيعوها ياعمى
وقفت سلمى تنظر لعمر كأنها بتقول رد عليها
عمر .. أنتى غلطانه ياناديه،،سلمى متجوزتش بن المدينه سلمى اتجوزت راجل اولا وابن الصعيد ثانياً ومهما سافرت وكبرت هفضل إبن الصعيد اصلى عمرى مانساه..وسلمى بقت مراتى يعنى بقت اسمى كله يعنى اللى يصبها يصبنى
حارس.. اى اللى تقوليه ده ياناديه
ناديه.. أنا بس خايفه على بت عمى يابوى
عمر.. لا متخفيش بت عمك في عنيا ياناديه
عمر.. حج منصور إحنا هنسافر أنا وسلمى مصر بكره علشان الشغل مش بيمشى من غيرى
منصور.. بسرعه كده ياولدى لسه مشبعناش منكم
عمر.. معلش يا عمده الأيام جايه كتير وهنقرفكم هههههه
منصور.. اللى تحبه ياولدى أنا ميخلصنيش خسارتك فى شغلك وأهم حاجه تكونوا مبسوطين.
الام.. ياعمده منصور يلا ياجماعه الفطار جهز وبرد .. يلا ياعمر انت وسلمى
عمر.. اى ياحماتى إحنا مش لسه فاطرين دلوقتى او بمعنى اصح بنتك فطرت دلوقتى
الام... هههههههه إحنا عندنا بنفطر العرسان مرتين وبطل تحسد فى البت دى ياعينى عليها خست.. وبعدين الكل مرضوش يفطرو إلا لما تنزلو يلا بقى
عمر.. آه مش عارف ازاى بصراحه.. أنا سعيد أنى معنديش مصنع اغذيه كان زمان نص الشعب جعان بسببها
سلمى بصوت واطى لعمر.. لما نطلع الاوضه بس اصبر عليا..
عمر.. أنا من رائى ياحماتى اقعد هنا لحد الغدا بالمره 🙂
وقعدو على السفرة والكل كان على وشه علامات الفرح والسرور بالعروسين.. فعمر شاب طيب وبيحب الضحك وناجح وألف انسانه تحبه.. وحسان شكله قاسى شوى بس من جواه راجل قلبه طيب ويحب الخير للناس
وسلمى دايما انسانه طيبه وجدعه وبتعامل الكل بحسن نيه وكمان العمده منصور معروف بعدله يكره الظلم وميحبش حد يجى على الضعيف ويقف فى وش الباطل لو كان مين
علشان كده كل أهل البلد و الخدم والجيران والأصدقاء كانوا مبسوطين ليها وكانوا بيعبرو عن فرحتهم بضرب النار فى الهوى.. وقالو أنهم هيفضلو يحتفلو بالجواز ده شهر كامل
نرجع لموضوعنا.. وهم على السفره
ناديه بتبص على عمر وسلمى بحقد.. يمكن لانها دايما شايفه سلمى أحسن منها فى التعليم هى مكنتش مياله للتعليم علشان كده أول ماقلولها مش هتكملى وافقت .
او يمكن لأن سلمى دايما محبوبه من الكل بس ده عشان ناديه كانت دايما بتتعامل بغرور مع اللى حواليها وشايفه نفسها بنت الأكابر والكل خدم.. ناديه بكل شر تكلم نفسها خدتى كل حاجه يابنت منصور طول عمرك واخده كل حاجه.. ليه أنا متولدتش زيك أنا احلى منك ومع ذلك الكل يحبك اشمعنا انتى ياسلمى اشمعنا أنتى تتجوزى واحد زاى عمر وأنا 😥 أنا اتجوز وأحد زاى وليد إنسان قاسى وبشع مقدرنيش ولا احترمنى زاى عمر مابيقدرك كده.. لكن لأ مش هتتهنى بيه..
حارس.. مالك ياناديه سرحانه فى اى
ناديه.. ولا حاجه يابوى بس
سلمى تقطع كلام ناديه.. اكيد زعلانه عليا ياعمى حارس علشان هسافر بكره ..وكانت بتتكلم بسخريه وتقول ناديه طول عمرها بتحبنى مش كده يناديه
ناديه بشر... عمرى ماحبيت قدك يابنت عمى
سلمى.. هههههههه صدقينى عارفه.. أنتى هتقوليلى داحنا متربين مع بعض وشوفت كل حبك
ناديه..مبسوطه أنك عارفه حبك في قلبى قد اى
عمر... لاحظ اللى بين ناديه وسلمى من نظراتهم.. احم الحمدلله.تسلم ايديكم .. سلمى عايزك فى اوضتنا بعد ماتخلصى
سلمى.. حاضر
سلمى.. خير يا
عمر .. قليلى عمر ياسلمى.
سلمى.. حاضر خير ياعمر
عمر .. انتى اى اللى بينك وبين ناديه بنت عمك حارس
سلمى.. ولا حاجه كل خير
عمر.. على فكره أنا مش غبى..وعارف كيد النساء ده كويس وطريقة كلامكم متقلش إن فيه خير ،سلمى أنا حبيت فيكى برائتك وأنك مش خبيثه زاى باقى البنات اللى بتجرح الناس
سلمى.. أنا عمرى ماجرحت حد بس هى دايما اللى كانت بتجرحنى..كل حاجه وحشه حصلتلى فى حياتى كانت هى السبب فيها.. أنا بس بعاملها زاى مابتعاملنى
عمر.. غلط ياسلمى أنتى لازم....
يتبع 🥰🥰
#اميره
#Aya
......
أنت تقرأ
حب وطموح
Mystery / Thriller#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
