#حب_وطموح
بارت 19
سلمى بازعاج.. متقوليش صغيره
عمر.. ياحبيبتى أنتى بالنسبالى صغيره
سلمى بخجل من كلمة حبيبتى. لأ أنا مش صغيره ها
عمر.. شايفه طولى من طولك ياوزعتى
سلمى.. أنا كيوت وطولى مناسب شكلى مش زرافه زيك
عمر.. إحنا هنمسك فى بعض فى الشركه ولا أى. تعالى انزلى معايا ياستى ولا اقولك اقعدى مع السكرتيرة بره عشان المخزن هيكون فيه رجاله كتير
.عمر وهو خارج من المكتب وماسك سلمى من أيدها ..لمار خلى بالك منها
سلمى بغضب.. أى خلى بالك منها دى هو أنا طفله
عمر.. ولا تزعلى خلى بالك انتى منها أقولك خلو بالكم من بعض
لمار بضحك.. حاضر يافندم
... خرج عمر المخزن
سلمى وهى مكسوفه لأن عمر بيعاملها على أنها طفله
لمار. تحبى تشربى حاجه مدام عمر
سلمى.. عصير ليمون لو ممكن.
لمار.. تحت أمرك
سلمى بتفكير.. عمر أول مره جيت فيها هنا كان بيكلم بنت ويقولها لما اجيلك الشركه يالمضه
لمار.. العصير هيجى حالا يافندم
سلمى بتوتر.. متشكره ممكن سؤال
لمار.. أكيد.
سلمى.. أنتى اللمضه
لمار.. عفوا
سلمى.. متخديش فى بالك شكلى اتجننت ولا أى.. طيب متعرفيش لمضه موجوده هنا
لمار.. ههههه مش فاهمه قصد حضرتك
سلمى.. والله ولا أنا.. وممكن تقوليلى سلمى من غير حضرتك عشان بتوتر
لمار.. اشطا ياسلمى
سلمى.. أى السرعه دى أنتى اخدتى عليا عادى كده . والله شاكه أنك أنتى اللمضه ومخبيه عنى
لمار.. هههههههه دمك خفيف جدا
سلمى بابتسامة.. دمى خفيف فى أى دى لو طلعت انتى هرميك من أقرب شباك
لمار.. بتقولى حاجه ياسلمى
سلمى. متخديش فى بالك يابنتى
.. دخلت بنت فاجأه
مريم.. عامله ايه لمار عمورى فين
لمار وهى تبص لسلمى بتوتر.. عمورك قصدى مستر عمر راح المخزن فى الشركه
مريم.. أها ميرسى
سلمى وهى متعصبه.. مين دى؟
لمار بتلقائية.. دى دلوعه الشركه
سلمى.. نعم آمال أنا أى جربوعة الشركه؟
لمار.. آسفه مش قصدى. بس مريم سكرتيره عمر الخاصه بيعتمد عليها فى كل حاجه
سلمى بانزعاج.. تمام.وقامت مشت
لمار.. حضرتك رايحه فين يافندم أستاذ عمر قال تفضلى هنا
سلمى بغضب.. خليكى فى حالك ياريت
وخرجت سلمى من المكتب وفى طريقها لبره الشركه
سلمى وهى ماشيه فى الشركه.. أوف هو أنا فى متاهه ولا اى الشركه دى آخرها فين. لو سمحت من فضلك. محدش عايز يرد عليها.. يانسه من فضلك اسمعيني،، برضو محدش بيرد
سلمى بنفاذ صبر.. أنا زوجة عمر حسان.. كله وقف ثابت مكانه. أهلا وسهلا شرفتينا الشركه نورت.. ناس تانيه ياهلا بالنور والسرور. ناس تالته اشرق القمر فى النهار. وناس رابعه الشركه زادت نور بيكى
سلمى في سرها ناس عجيبه يحترموا المناصب وبس،، عمر عنده حق بس مطلعش الستات بس بتعبد المال بل كل الناس تقريباً جوارى للمال
سلمى.. لو سمحتم قولولى أخرج من الشركه ازاى
أحد العمال. أنا هوصل حضرتك بنفسى لحد باب الشركه ياهانم
سلمى بعد ماوصلت لبوابة الشركه.. متشكره لحضرتك
الموظف.. تحت امرك ياست هانم
. خرجت سلمى وهى متعرفش حاجه ولا تعرف حد كل حياتها كانت عباره عن البيت مكنتش بتشوف الشوارع والمحلات غير فى القنوات الفضائية بس..
أنت تقرأ
حب وطموح
Mystery / Thriller#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
