#حب_وطموح
بارت 18
سلمى قاعده فى اوضتها حزينه ومحتاره
إحسان تدخل على سلمى.. أخبارك ياسلمى
سلمى.. انتى شايفه اى
احسان.. شايفه أنك بنت بلد وجدعه. عمر والله إنسان نقى وقلبه طيب
سلمى.. أنا عمر ماحد أتعامل معايا كده.. أنا كنت احسب إن أبويا اقسى شخص في العالم بس قصاد عمر يبقى ملاك
احسان.. لأن ابوكى مشفش اللى عمر شافه وعاشه.. عمر اتعذب كتير رغم صغر سنه.. مش عذاب فقر ولا جوع إنما عذاب قلب وأنتى عارفه يابنتى وجع القلوب صعب ومش سهل تتعالج
سلمى.. ازاى
احسان.. إن شاءالله. مع الايام هتفهمى قصدى يمكن مش دلوقتي بس ممكن بعدين وساعتها هتعذرى عمر.. بس عمر جواه جرح كبير أوى كل مايوجعه بيوجع اللى حواليه معاه
سلمى.. بسبب فريده
إحسان بتوتر ودهشه.. أيوه
سلمى بحزن فى صوتها.. مين فريده دى حبيبته ولا كانت مراته
إحسان.. لأ. ...دى للأسف كانت أمه
سلمى بصدمه.. أمه؟؟
إحسان. ايوه أمه هى اللى جرحتك وجرح الأهل ملوش دوى.. سلمى عمر حاسه أنه بيحبك بس بيقاوم كبريائه مانعه يعترف. عمر بيكره كل الستات. كان كل يوم يتعرف على وحده شكل ويغريها بفلوسه وبعدها يسبها ويجى
يقولى كل بنات حواء سواء. بيعبدو الفلوس.. كان بيستمتع وهو بيثبت لنفسه كل يوم أنهم خاينين
سلمى.. فلوس؟! بس الى اعرفه إن العمده حسان مشاء الله يعنى مش ناقصه فلوس.ازاى مراته تسيبه علشان الفلوس
احسان.. الموضوع مش بالظبط كده. مكنش بسبب الفلوس
سلمى.. آمال بسبب أى ارجوكى فهمينى أنا تايها
احسان.. قلتلك كل حاجه فى وقتها ياسلمى بلاش تتعجلى.. أنا بس عايزه أقولك رجعى ثقه عمر فى الحب تأنى. انتى بتحبيه وهو بيعشقك. أنا اللى مربيه عمر وأعرف اللى جواه من نظرة عنيه
إحسان.. المهم أنا جايه أقولك أننا هنسافر بعد بكره
سلمى.. فين؟!
احسان.. لندن
سلمى وهى تقف بدهشه.. لندن أنا؟ ليه
احسان.. مالك خوفتى ليه كده
سلمى.. بقالى 19سنه مخرجتش من بلدنا وتيجى تقوليلى هنسافر بلاد بره وعايزانى ابقى عادى
احسان.. انتى هتبقى مع عمر ومعانا
سلمى.. ايوه بس هنروح نعمل ايه
احسان. جدت عمر عايزه تشوفكم
سلمى. أيوه بس أنا سمعت إن ام عم حسان ميته وبعدين أزاى عمى حسان يبقى عنده ام عايشه بره وهو فى الصعيد
احسان.. جدته ام فريده مش حسان
سلمى باستغراب وعدم فهم.. أنتى بتقولى أى أنا خلاص دماغى قربت تنفجر.. ازاى بيكره أمه وعايز يرحلها برجليه ويروح لجدته
احسان.. قلتلك فيه تفاصيل كتير فى القصر ده مش هتقدرى تستوعبيها مره وحده . القصر ده كل ركن فيه ليه سر
احسان.. آه كنت هنسى.. ورقك بقى جاهز وتقدرى تروحى الكليه من بكره لو حبيتى
سلمى باستفاهم.. كليه ؟
احسان.. آه كليه الطب مش أنتى كنتى عايزه تدخليها.. عمر أول ماجى القصر وهو بيجهزلك الورق عشان تروحى الكليه
أنت تقرأ
حب وطموح
Mystery / Thriller#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
