#حب_وطموح
بارت 11و12
الأم.. ربنا يطمن قلبك.. ويجبر بخاطرك.زاى ماطمنتى يابنى
عمر.. آمين يارب.. متقلقيش ياحماتى أنا عارف إن سلمى داخله على حياه جديده متعرفهاش.. إن شاءالله هتتأقلم عليها وتكون سعيده بيها.
الأم.. إن شاءالله يابنى
منصور.. سلام عليكم.بتعملو اى هنا في حاجه ولا اى خير
الأم.. مفيش حاجه ياحج كنت بوصى عمر على بتنا
منصور.. متقلقيش عمر يبقى إبن العمده حسان..زين الرجال.واكيد ابن الأسد ملك
عمر.. ثقتك على راسى ياعمى.. وربنا يقدرنى وأكون عند حسن ظنكم
منصور.. واثق فيك ياولدى. يلا روح اطلع اوضتك أرتاح قبل تعب السفر
عمر.. متشكر. بالاذن
عمر طالع الاوضه وتقف قدامه ناديه..عامل اى ياسى عمر
عمر يرد بتوتر لأن سلمى ممكن تشوفه..احم الحمد لله يناديه.
أنتى عامله ايه
ناديه.. مش بخير.بس بعد شوفتك بقيت فى أحسن حال
سلمى تتدخل فاجأه. طيب كويس ياقلبى.ان شوفت عمر حبيبى جوزى بتفرحك.. طبعاً شوفت عمر تفرح اى قلب
ناديه فى سرها.. أنتى بتطلعى منين
سلمى وهى بتقترب من عمر بغضب
عمر... أنا مليش دعوه.. أنا كنت طالع الاوضه والله
سلمى. اممممم هنشوف الموضوع ده بعدين متستعجلش على رزقك..هنريحوك على الاخر
عمر.. احم طب اطلع أنا فوق بقى اصلى راكعتين واشاهد قبل القتل متاخريش
سلمى.. يكون أحسن برضو
سلمى.. اقفى مكانك ياناديه
ناديه ببجاحه.. نعم
سلمى.. نحكى بصراحه بما اننا اكتر أتنين عارفين بعض كويس.. أنتى عايزه اى من عمر. بتلفى حواليه زاى الافعى ليه
ناديه.. مش فاهمه قصدك
سلمى.. بلاش الحوارات دى عليا.انتى فاهمه كلامى كويس أوى أوى.. لازم تعرفى أن عمر يبقى جوزى أنا وكيد النساء بتاعك ملوش اى ستين لازمه لأنه خلاص بقى جوزى
ناديه تقطع كلام سلمى.. وميبقاش جوزى ليه؟
سلمى بصدمه.. أنتى مجنونه أى اللى بتقوليه ده هو لعبه..جوزك ازاى
ناديه.. أنتى أحسن منى فى أى ياسلمى عشان تاخديه..عمر اتجوزك غصب عنه علشان يرضى أبوه. أكيد لو كان يقدر يختار كان هيختارنى أنا لأنى أحسن منك وأجمل منك وفيا كل الصفات اللى تليق بيه
سلمى.. بس اتجوزنى أنا خلاص.
ناديه.. لأ مش خلاص ياسلمى. أنتى متستهليش عمر.انا استاهله اكتر منك
سلمى بغضب.. ناديه أنتى ضرتينى فى حياتى كتير اوى اوى. وأنا كنت بسكت وكنت باخد دور الضاحيه دايما.بس المرادى أنتى بتحاولى تاخدى جوزى وده بقى اللى مش هسمحلك تعمليه ولا حتى فى خيالك المريض أنتى فاهمه
ناديه.. هنشوف يابنت منصور. آه قبل مامشى انتى مسافره بكره صح.. أحب أقولك ان العد التنازلي لعذابك بدء.ولو مش على ايدى هيبقى على أيد بنات مصر الأشكال والوان. انتى مش جميله اوى كده علشان تملى عينه يابت العم
سلمى بغضب وحزن.. أنتى وقحه.ياناديه وقحه (تصعد سلمى لغرفتها فى غضب وخوف)
ناديه... هههههههه دى الحقيقيه اللى مصبرانى ومستنياها على نار يوم ماتيجى وأنتى دموعك على خدك.. ونبقى نقعد أنا وأنتى قاعدة مطلقات مع بعض بس الفرق بينى وبينك أنك بتحبى عمر لكن أنا عمرى ماحبيت جوزى يعنى العذاب اللى هتشوفيه هيبقى قاسى أوى ليكى وممتع اوى ليا هههههههههههههه
سلم تدخل الاوضه وهى بتبكى
عمر.. مالك ياسلمى.. في اى. مالك بقول.انا آسف طيب حصل أى
سلمى تمسح دموعها.. مفيش حاجه أنا عايزة انام.. عن أذنك
عمر.. ناديه قلتلك اى.خلتك مضايقه كده
سلمى.. مقلتش حاجه.هو عشان كنت واقفه معاها يبقى هى اللى ضايقتني
عمر.. سلمى لتانى مره بقولك أنا مش غبى وبالنظر ليكى أفهم كل حاجه
سلمى سرحت فى سرها.. آمال مش فاهمنى ليه ياعمر مش فاهم حبى ليه ياترى مش فاهمنى علشان مش مهتم..ولا أنت فاهم وبتستهبل علشان مش بتحبنى فى الحالتين حقيقة مؤلمه فى الحالتين مش عايزينى فى الحالتين أنا بفرض نفسى عليك فى الحالتين بقل من كرامتى لأنى بغير عليك وانت مش مهتم
عمر..سلمى أنا بتكلم
سلمى.. تصبح على خير ياعمر
عمر.. حاضر اتفضلى وانتى من اهله
عدى الليل ببطء على سلمى مابين زعل وحزن وتفكير وأخيرا سلمى نامت بعد معاناه مع أفكارها
عمر.. سلمى.سلمى. الو سمعانى
سلمى..امم
عمر.. امم اى هو انتى بتاكلى رز مع الملايكه قومى الساعه خمسه الصبح..اخلصى قومى عشان نجهز ونسافر
سلمى.. خمس دقايق واصحى
عمر.. بقولك قومى بدل ماشقلبك من السرير
سلمى.. أوف بقى سبنى. بص روح اجهز أنت وحضر الشنط أكون خطفت حلم سريع وأرجع
عمر.. وحيات امك. ده على أساس أنى المربيه اللى جابوهالك جديد. أصحى يابت
سلمى.. يعنى هو أنا الخدامه جيجى اللى جابوهالك
عمر.. اشمعنا جيجى
سلمى.. مش عارفه أهو إسم وخلاص يلا امشى من وشى بقى صاحتنى من الحلم الله ينتقم منك
عمر.. بتدعى عليا عشان حلم. ليه كنتى بتحلمى باى. بتدعى على جوزك ضناكى عشان حلم ها
سلمى.. جوزى ضنايا. ده زاى حلايب وشلاتين كده.. بقولك أى مش ناقصه هبل على الصبح سبنى أكمل نوم
عمر.. تمام نامى براحتك ياعروستى.. الجو حر صح
سلمى.. آه شويه زود التكيف
عمر وهو يرمى سلمى بمايه ساقعه.. لأ مفيش داعى أنا هخليكى تنشفى من البرد
سلمى وهى بتصرخ.. اااااااااا .. أنت مجنون ياماماااااا
عمر... هههههههه هموت من الضحك. الحق عليا أنى وفرت عليكى مشوار الإستحمام
سلمى.. والله . أنت قد الحركه دى
عمر.. هههههه هو أنا بتخانق مع بنت اختى
سلمى.. اشطا استحمل بقى
عمر.. ههههه لأ عيب أنا جوزك
سلمى. أنت جوزى وأنا صينية بطاطس يعنى. مش هسامحك . هغرقك بلبسك الشيك إلى أنت فرحان بيه ده
عمر.. لأ لأ مليش نفسى اغير تانى آسف ياحبيبتى
سلمى..حبيبتك؟!
عمر. احم قصدى سلمى متاسف
سلمى.. أها ولا يهمك.. أنا هروح أغير هدومى واجهز نفسى
عمر.. اتفضلى. أنا هستناكى تحت
سلمى.. ماشي
............ نزل عمر
صباح الخير عليكم
منصور.. صباح الخير يابنى ها خلاص هتسافرو
عمر.. ايوه ياعمى سلمى بتجهز كل حاجه فوق وأنا هتاكد تانى إن العربية جايه
منصور.. وعلى أى يابنى عربيه من مصر لحد هنا. متاخد عربيه من اللى بره
عمر.. مفيش داعي ياعمى أنا ماكد عليهم من امبارح وزمانهم فى الطريق
الأم بحزن.. هتمشو دلوقتى
عمر.. الساعه 7 إن شاءالله
الأم بدموع.. هتوحشنى بنتى قوى
منصور. أى هى رايحه تموت دى رايحه بيت جوزها
الأم. بعد الشر عنها انشاله إلى يكرها
عمر. معلش ياحماتى كان بودى اقعد معاكم اكتر بس شغلى يمنعنى.
منصور.. طبعا طبعاً ياولدى سيبك منها ده دلع حريم ماسخ
عمر.. لأ ياعمى.من حقها صعب على أى أم تسبب بنتها
سلمى.. أنا جهزت.. ماما هتوحشينى أوى أوى.
الآم.. على عينى اسيبك ياقلب أمك ربنا يهنيكى
منصور..ربنا يحرسكم يابنتى
سلمى.. ربنا يخليك ليا يا بابا
منصور.. عارف أنى قاسيت عليكى كتير بس كل ده عشان مصلحتك أنتى فى النهاية ضنايا اللى مقدرش أبعد عنها
سلمى.. عارفه يابوى. ومقدره كل إلى عملته معايا وعمرى مزعل منك أنت فوق راسى حتى لو قتلتنى
منصور هو يحضنها ويحاول يظهر أنه قوى.. ربنا يبارك فى عمرك يابنتى
الأم.. يحرسك رب العالمين من شر كل عين. حبيبتى أنا هتوحشك قوى مش عارفه هعمل اى فى غيابك
سلمى.. ممكن اتكلم أنا بقى ياماما. أنا أشكر ربنا أنه رزقنى بأم زيك.انتى كنتى امى واصحابى وسندى. ومتخفيش عليا. عمرى ماهنسى ربايتك ليا أنتى مخلفه عند الجد راجل يامى. متقلقيش عليا من القصه الجديده اللى هبدء فيها مع عمر. عمر من اصل طيب وهيرعانى.. وأنا تربيتك اللى عمرها ماهتخيب ظنك أبدا ياجمل ماما واحلى بابا فى الدنيا
أنت تقرأ
حب وطموح
Misterio / Suspenso#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
