#حب_وطموح
بارت 15
احسان.. تعالى اوريكى اوضتك ياسلمى شكلك مرهق خالص
سلمى.. شكراً ليكى
إحسان.. غيرى هدومك وارتاحى لحد ما الأكل يجهز
سلمى.. لأ أنا مش جعانه متشكره. أنا محتاجه أنام بس
إحسان.. ازاى مينفعش طبعا قلتلك كل حاجه بنظام هنا
سلمى.. يعنى أنا مجبره اكل حتى وانا مش جعانه؟
إحسان.. أول يوم ليكى فى القصر لازم تفهمى نظامه وتمشى عليه من أول يوم علشان متتعبيش بعد كده
سلمى بضيق.. هو عمر هيجى امتى
احسان.. نسيت اقولك حاجه مهمه جدا عن عمر.. عمر بيكره أى حد يسأله عن حياته مبيحبش حد يقوله عملت أى ورحت فين وهتيجى امتى. بيحب يمشى بدماغه
سلمى.. أنا عارفه كده وده اتفاقنا
إحسان.. إتفاق اى؟!
سلمى.. ها لأ ولا حاجه.. ممكن تودينى اوضتى لأنى حاسه بتعب
إحسان بتكبر.. تعالى ورايا
سلمى تهمس لنفسها. أجى وراكى أنا بقيت حاسه أنى ااقل شأن من الخدم. شكلها مش طايقانى
احسان.. دى اوضتك يامدام عمر
سلمى وهى تدخل الاوضه .. واو دى اوضتى
احسان.. أيوه
سلمى.. جميله بشكل.. ألوانها متناسقة ومترتبه
احسان.. طبعاً القصر ده كل جزء فيه مكان أثرى.. الاوضه دى متصممه على النظام الايطالى.اوضة عمر تصميمها على نظام الفرنسى القديم. القصر ده فيه 350اوضه كل اوضه ليها تصميم مختلف من تصاميم أجانب وزاى مانتى شايفه الاوضه الواحده بحجم شقه
سلمى.. أها. هو ممكن تكلمينى عن عمر أنتى عارفه أننا اتجوزنا فاجأه وأنا معرفش عنه حاجات كتير
إحسان.. عمر إنسان طيب جدآ.. وبيحب يضحك ويهزر.ممكن يعدى الغلط البسيط بس لما بيزيد بيقلب..بس فى نفس الوقت عنده شخصية شرسه جدا وقاسيه وإلا مكنش قدر يعمل اللى أنتى شايفاه ده
سلمى.. هو عمر بيشتغل مهندس بس؟
إحسان.. عمر مهندس وعنده شركات فى بلاد عربيه واجنبيه وكلها تحت إدارته عنده قدره يظبط شغله كله في كل مكان من شركاته
سلمى.. طيب و....
إحسان وهى تقطع كلام سلمى.. خلاص كده كفايه إلى عرفتيه.. روحى خدى شاور وارتاحى لأن رحلتك لسه هتبدء مش لازم تعرفى كل حاجه مره وحده أنتى هتعيشى هنا وكل ده مع الوقت هتعرفيه
سلمى.. سابتنى وأنا كلى حيره من كل حاجه حواليا
مش فاهمه حاجه. حاسه أنى كنت فى عالم ودخلت عالم تانى أنا مش قده.. يمكن ربنا بيعاقبنى علشان يعرفنى أنى فى سرايتنا مكنتش فى سجن بالعكس مقارنه بالمكان ده كان جنه.. القصر فعلا جميل والجنينه تخطف العقل وتسحر العين .. بس ده ميمنعش أنه شبه السجن.. يعنى أنا عايشه
في ( جنة من حديد). طموحك هيوصلك لفين ياسلمى وحبك هيعمل فى قلبك اى
( عدى الوقت وأنا مش قادره حتى أغمض عينى.. كنت خايفه جدا من الاوضه كانت واسعه اوى كأنى فى شقه فعلا شقه كبيره والدولاب أشبه باوضه جوه شقه.. وبالرغم من جمالها بس كان شكلها يخوف الاضاءه الخافته والسكون الرهيب فى المكان ونظامها الاثرى كنت حاسه أنى في فيلم رعب) الباب دق
سلمى بخضه.. مين؟!
عمر.. أنا عمر ياسلمى
سلمى وتفتح الباب وهى خايفه .. عمر. عمر وحضنت عمر
عمر.. مالك ياسلمى فيه أى
سلمى.. أنا خايفه أوى أنا بخاف من الإمكان الواسعه ياعمر
عمر.. ههههههه جبانه يعنى
وبدأت سلمى تبكى
عمر.. طيب اهدى طيب.. متخفيش أنا جنبك اهو
سلمى ببكى.. لو لو سمحت ياعمر مش عايزه أقعد فى الأوضه دى شوفلى اوضه صغيره والنبى
عمر.. حاضر حاضر أهدى.. وبعدين أنتى لسه قاعده بلبس السفر مغيرتيش
سلمى.. بقولك خايفه
عمر.. طيب تعالى ادخلى الحمام وغيرى وأنا هقفلك قدام الباب واحرسك ياستى
سلمى.. بجد مش هضايقك يعنى
عمر. بصراحه هضايقينى بس أعمل أى مراتى بقى ولازم استحملك يلا تعالي
سلمى.. بس أنا اتكسف
عمر. هو أنا بقول هدخل معاكى
سلمى.. احترم نفسك لو سمحت.
عمر .هههههه حاضر بس أنتى غريبه أنا بقول هقف قدام الباب
علشان متخفيش بس
سلمى.. ماشى. أنا داخله أوعى تمشى
عمر.. سلمى استنى
سلمى.. نعم فيه اى
عمر وهو بيفتح الدولاب.. خدى البسى الفستان ده
سلمى. أنا انبهرت بجماله حقيقى وكأنه عارف ذؤقى. فستان طويل لونه وردى هادى تفاصيله بسيطه ومش مبالغ فيه وكمام طويله..ولقيته بعدها طلعلى جزمه بلون الفستان الجزمه كانت شبه جزمه سندريلا
عمر.. يلا ادخلى والبسى دول هيبقو حلوين عليكى
سلمى .. دخلت الحمام وقفلت الباب بالمفتاح
كان عمر آمال يتكلم معايا وهو بره الأوضه مكنش بيسكت لحظه حتى لو مردتش عليه. كنت عارفه أنه بيتكلم معايا عشان مخفش ويطمنى أنه جنبى وممشيش
سلمى وهى تفتح باب الحمام..ولابسه الفستان وسايبه شعرها الأسود اللى كان واصل لرجلها وحاطه ميك اب خفيف كعادتها
عمر وقف دقايق مزهول لجمالها..
سلمى.. عمر بتبصلى كده ليه
عمر وهو بيرجع لهبته. أول مره أشوفك من غير حجاب بس
سلمى.. وانهى أحلى
عمر بسرحان فى جمالها.. انتى فى كل حلاتك حلوه
سلمى بخجل. أها عارفه. أنا طلعت بشعرى عشان اسرح وبعدين أنت جوزى حتى لو جواز مزيف بس شرعاً وقانونا متجوزين فاعادى تشوف شعرى يعنى
عمر انزعج من كلام أنه زواج مزيف مع أنه عارف أنه مزيف بس مكنش عارف ليه اضايق.. هستناكى تحت ياسلمى
........ وتحت فى القصر. جرس القصر رن
احد الخدم فتح الباب.. أهلا وسهلا مستر خالد
خالد.. أهلا بالعسل،، ياخواتى قمر ياولاد
عمر وهو نازل من فوق على السلم.. مش تبطل انت يلا جو الصياعه ده ومعاكسه البنات
خالد.. نعمل اى بقى ياباشا مش هم اللى بيزيدو جمال كل مره قولهم يبطلو حلاوه
عمر.. والنبى اى.. تعالى ياصايع.. قولى عملت أى فى الملفات اللى ادتهالك
خالد.. أوف عليا. نسيتها والله ياشق
عمر. والله شكلك انت اللى هضيعنى وبالرغم من كل ده لسه بعتمد عليك ومش عارف استغنى عنك
خالد.. معلش يا صديقى هيكون جاهز بكره وفاجأه وهو بيعدل وشه شاف سلمى وهى نازله من على السلالم من ورى الكرسى اللى قاعد عليه عمر
خالد.. اوبا بقى أنا موتت ودخلت الجنه ولا اى
عمر.. فى اى يلا
خالد.. قمر يابروفيسور بص وراك
عمر وهو بيبص وراه وشاف سلمى.وبغضب بص على خالد.. رقبتك لتتلوح يلا ولا اكسرهالك شكلك مش محتاجها
سلمى .. مساء الخير جميعاً
خالد.. مساء العسل والمربى والقشطه ومد أيده يسلم عليها
عمر بعصبيه.. وهو يمسك أيد خالد بقوه.. مساء الزفت على دماغك.. سلمى مراتى يلا
خالد بوجع.. أيدى ياعم وأنا أعرف منين إن الحلويات دى تخصك
عمر بغضب ونفاذ صبر.. خااااالد
سلمى تقطع حديث عمر.بابتسامه لخالد. كلك ذوق والله ربنا يخليك
خالد.. يلهوى ياولاد على الرقه. قولى خالد تأنى كده
سلمى.. هههههههه اشمعنا
خالد.. حسيت أنى دخلت الجنه وربنا
سلمى بخجل.. هههههههه دمك خفيف اسعدنى التعرف بيك
خالد.. وربنا أنا اسعد
عمر وهو على مقربه من أنه يولع.. تحب تاخد المدام وتطلعو ترتاحو فى اوضتى واجبلكم اتنين لمون بالمره. ماتظبط نفسك يلا.. وانتى غورى فى داهيه
سلمى.. أنت قلتلى انزلى
عمر وهو يمسك سلمى من أيدها ويروحو بعيد عن خالد. أنا قلتلك انزلى مش اتعرفى وبعدين اى القرف اللى أنتى لابساه ده
سلمى. ده الفستان اللى انت اختارتهولى وقلتلى حلو
عمر.. أنا قلت حلو ده زفت مزفت عليكى اتنيلى غيرى
سلمى وهى بتبصله باستغراب
عمر.. اى شكلى حلو تحبى تاخدينى صوره غورى
خالد. ياصديقي
عمر بغضب.. تعالى ياقلب صديقك العبك جوه.
خالد.. ماسكنى كده ليه بس ياشق رقبتى هتتقلع
عمر.. وربى ياخالد لولا أنك إبن الست اللى بعتبرها امى كنت دفنتك بارضك. ملكش دعوه بسلمى تانى ياخالد لو لاقتها نازله من السلم تغمض عينك عشان مقلبش عليك
خالد.. أهدى يازميلى. آسف ياعم خلاص بقى فك متزعلش
عمر.. سلمى مراتى تخصنى ياخالد سامع تخصنى اخر مره هحذرك
يتبع 🥰
#اميرة
#Aya
أنت تقرأ
حب وطموح
Mystery / Thriller#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
