#حب_وطموح
بارت 7و8
العمده منصور.. تبارك الله.. الف مبروووك يابنتى
العمده حسان.. سبحان اللى وهبك الجمال الله يحفظك يامرات والدى
سلمى.. الله يبارك فيك يابابا منصور وبابا حسان
العم حارس.. مبروك ياسلمى
سلمى.. متشكره ليك ياعمى كتر خيرك
وبدأت إطلاق النار تعبير عن الفرح والتباهي
وانتهى الفرح وصعد العروسين لغرفتهم فى السرايا
عمر.. مبروك يا عروسه الصعيد
سلمى..الله يبارك فيك يا...
عمر.. يا اى
سلمى.. ياستاذ عمر
عمر... هههههههه حلوه استاذ دى..طيب اى مش هنشوف وشك ولا اى
سلمى.. وتشوفه ليه.يخصك في اى وشى أنت نسيت اتفاقنا ولا اى
عمر... ههههههه أنا لو عايز الغى اتفاقى مش هاخد رائيك مثلاً
أنا جوزك شرعاً وقانونا..بس انا عند كلمتى وبحترم وعدى.ثانيا أنتى مش من نوع البنات اللي بحبها😊
سلمى.. طبعاً أنا مش من النوع اللى تعرفه.اللى أكيد كلهم صايعين.. أنا بنت العمده منصور بنت الاشراف والرجال
عمر.. امممم طيب يابنت العمده.. أنا هقوم أغير بقى
سلمى.. انت رايح فين؟
عمر.. رايح أغير عند سموك مانع؟!
سلمى.. طبعا عندى مانع ازاى تغير قدام بنت غريبه
عمر.. أنتى مالك ياستى أنا قليل أدب مش عجبك اخرجى
سلمى.. اخرج انت وروح اوضه تانيه مش ده اتفاقنا إن كل واحد فى اوضه وانت قلت انك عند كلمتك
عمر.. ههههههههههه يعجبنى فيكى عنادك وذكائك الغبى
يازوجتى العزيزه إحنا لسه في البلد مش فى مصر وأحنا هنا الكل فاكرنا متجوزين فعلا يعنى لأ أنا ولا أنتى نقدر نتحرك من هنا..للأسف هتتحبسى معايا في نفس الاوضه
سلمى.. اوف اى الحظ ده
عمر..ممكن اغير بقى
سلمى.. لأ ،قصدى اتفضل، قصدي مش دلوقتى ،أوف نام كده مانت كويس اهو
عمر.. لو أنتى هتنامى بفستان الفرح أنا معرفش أعمل كده
غمضى عيونك بقى
سلمى.. لالالا.ادخل غير فى الحمام أنت بجح اوى ليه كده
عمر... هههههههه.هستحملك النهارده وبس مع أنه مش من عادتى👌👌
خرج عمر.. اى ده أنتى لسه قاعده نفس القاعده من وقت ماسبتك
سلمى.. أنا حاسه أنى مخطوفه
فاجأه الباب يخبط
سلمى..اى ده مين هو مش المفروض النهارده فرحنا ومحدش يخبط..يلهوى شكلهم كشفونا أنا أبويا وعمى هيقتلونى
عمر مسك ايد سلمى.. أهدى ياسلمى أنتى بقيتى زوجتى وتحت رعايتى ومفيش مخلوق على وجه الارض يقدر يبصلك بطريقه متعجبنيش.. لحظه هفتح الباب
عمر..احم مين بره
الخادمه..انا ياسى عمر.. الحج منصور وحسان قلولى اطلعلكم الأكل علشان أنتم متغدتوش
عمر.. تمام سبيه قدام الباب وأنا هخرج اخده
الخادمه.. حاضر
عمر يوجه كلامه لسلمى.. مش قلتلك متقلقيش
سلمى.. ياربى أنا كان هيغمى عليا فكرت كل حاجه راحت
عمر . سلمى انتى اللحظه اللى بقى أسمك على أسمى.انتى محدش يتجرئ اصلا يكلمك..ولازم تعرفى حاجه مهمه جدا مش زوجته عمر حسان اللى تقول كلمة خايفه حتى لو زواج كذب.. عمر بيخاف منه الكبير قبل الصغير اول ما يتذكر إسمه تمام
سلمى بقلق.. تمام
عمر..أنا هجيب الأكل.. أى ده كل ده اكل هو فى حد هيدخل يأكل معانا ولا اى
سلمى.. جى فى وقته أنا ميته من الجوع هات
.. ورفعت سلمى الطرحه من وشها.. الميكب الخفيف اظهر ملامح سلمى الجميل والبريئه شبه الاطفال كان عمر بيبصلها باستغراب وسحر مش علشان جميله هو قابل بنات اجمل بكتير وعمر مش شخص عادى.ناجح فى شغله وشخصيته قويه بالرغم من مرحه وضحكه كمان بيمتلك عيون زرقاء ووسامه جذابه.باختصار فتى أحلام الصبايا..هو ركز فى ملامحها الطفولية وقد اى مفيش تكلف فى تصرفاتها بتاكل بطبيعتها وتتكلم بطبيعتها البريئه من غير اى مبالغه فهى مختلفه عن معظم البنات اللي عرفهم اللى بيدعو المثاليه بلا شك شخصيتك وطبيعتك هتجذب الكل ليكى من غيراى تزييف. احترمى طبيعتك واختلافك وحبى نفسك بكل عيوبها
سلمى.. انت بتبصلى كده ليه. بص هو أنا مش باكل كتير بس أنا متوتره ولما بتوتر نفسى بتتفتح شويتين
عمر.. شويتين اى بس . أنتى تقريبا واخده معدتين ايجار جنب معدتك عشان تاكلى اكتر.مشاء الله انتى قضيتى على الاكل فى اقل من نص ساعه
سلمى.. أى ده أى ده. أنت بتنق عليا
عمر.. نق أى بس.أنتى شكلك بتاكلى بالنيابه عن السرايا كلها.. أنا عرفت ليه اهلك رافضين تدخلى كليه
أنتى لو دخلتى طب وجوعتى وملقتيش أكل ممكن تاكلى المريض
سلمى.. والله بقى كده.. طيب خد الصينيه اهى والله مانا واكله ها
عمر.. هههههه لأ ياشيخه تعالى بس كلينى بالمره.. انتى كنتى ناويه تاكلى الاطباق ولا اى انتى حرفيا مسبتيش حاجه
سلمى.. عجبك ولا لا
عمر.. لو عايز اكل ممكن اخليكى تنزلى بالفستان وتجبيلى اكل عادى 😊😊بس لما شوفتك وأنتى بتاكلى نفسى اتسدت بصراحه
سلمى.. طيب أحسن برضو. واتفضل بقى أدخل الحمام علشان اغير الفستان ده تقيل اوى
عمر.. وأنا مالى متدخلى أنتى أنا هنام..
سلمى.. لحظه بس.هتنام فين. أنا وافقت تنام فى االاوضه وقلت ماشى، لكن السرير ده هنام عليه وحدى.
عمر.. بس ياماما.اتكلى على الله.خلينى أنام فى هدوء
سلمى.. اى ده اسمع الكلام بقولك أنا هنام هنا بدل ماخلى يومك منيل
عمر بص لسلمى بنظرة غضب
سلمى. احم احم خلاص أنا هسيبك النهارده بس تنام على السرير ده.. علشان أنت هتساعدنى .. بس لو عايزاك تنام على الأرض هنيمك أنا مبخفش
عمر.. هههههههه أيوه كده خليكى شجاعه..يلا هشى بقى عشان تعبت النهارده وعايز أنام
سلمى.. انت هتنام؟
عمر . عندك مانع
سلمى.. اقف احكيلى قصه
عمر.. نعم؟
سلمى.. نعم اى،، أنا مش جايلى نوم ومتوترة أوى.لما بتوتر بحب حد يتكلم معايا أو يحكيلى قصه
عمر.. ده مش فرح ده يوم منيل أنا عارف. شكلهم جوزونى وحده فى حضانه بدل العروسه أنا حاسس كده مانتم قصيرين زاى بعض . أكيد اتلغبطو بنكم..
سلمى تضربه بالمخده.. خلاص خلاص اتخمد أوف
عمر.. بقى عمر يقع الواقعه دى ويتجوز بنت بعقل طفله
سلمى.. قلتلك نام خلاص هى حدوته
عمر... ههههههه دنا بنات مصر وبلاد بره هتموت عليا
سلمى.. ياخى الله يخربيت اليوم اللى قلت فيه احكيلى قصه أنا غلطانه أنا رخمه أنا جزمه اتخمد بقى يباى
أنت تقرأ
حب وطموح
Misterio / Suspenso#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
