حب وطموح

المرأة المجهوله .24

حب وطموح

بارت 24

اميليا.. أهدى ياسلمى. فاهمينى أى الحكايه. أنا اللى أعرفه أنكم متجوزين من حوالى ااقل من شهر إلى يشوف خناقكم يقول متجوزين من قرن

سلمى بحزن.. عمر مش قادر يفهم إن الحاضر شى والماضى شئ تانى. مش قادر يفهم إن ماضيه عمره ماهيبقى شبه حاضرة زاى مانا عمرى ماهبقى شبه فريده ثم تصمت وتنزل رأسها لاسفل.انا آسفه مش قصدى اجرحك

أميليا بحزن غير ملحوظ..مفيش داعى للأسف أنتى بتقولى الحقيقة.. فريده بنتى غلطة وأحنا اللى بندفع تمن غلطها. أنا بدفعه حسرة وقهر على بنتى الوحيده اللى خيبت ظنى واللى معرفش هى دلوقتى مبسوطه ولا حزينه ولا حتى عايشه أو ميته. وعمر بيدفعها من ثقته بالناس وعدم تصديقهم.. لكن أقول أى قدر ومكتوب ربنا يسامحها
سلمى.. هى سابت عمر وعنده كأم سنه
أميليا.  خمس سنوات

سلمى.. ياه كان صغير اوى معقول عمر فاكر كل ده بعد مرور كل السنين دى

اميليا..الخيانه مش بتتنسى ياعيونى خصوصاً لما تكون خيانة حد قريب.بتفضل تحرق فى القلب لحدما تموت صاحبها بالبطيئ. أنا لما سمعت إن عمر اتجوز فرحت قلت يبقى اخيرا اتخلص من عقدته فى الثقه بالنساء. عمر عمره ماوثق بست غيرى أنا وإحسان
سلمى.. غريب أن عمر بيقدر يتغير بالسرعه دى. أنا عمرى ماكنت اتخيل أن عمر اللى كنت بشوفه بيضحك دايما فى السرايا عندنا. يبقى جواه كل الحزن ده
أميليا.. فريده سابت جوانا كلنا أحزان وهموم ملهاش دوا
سلمى.. ممكن أسألك سؤال
اميليا.. اتفضلى يابنتى
سلمى.. ازاى حد زاى فريده بنت حضرتك ممكن تبقى زوجة عمى حسان.
أميليا.. حسان فى صغره كان يحب يسافر فى كل مكان. زاى كل الشباب في سنه.. بالرغم من سفره ومعرفته لناس أشكال وألوان إلا أنه فضل حسان الصعيدي.. أتعرف على فريده فى احد سواحل البحر. واعجبو ببعض
وفريده حبت حسان اللى بيغير ويحب بس كانت بتكره تقاليد حسان الراجل الصعيدى. بكل تقاليدهم اكيد أنتى عارفاها بما أنك بنت الصعيد. .. اتجوزو بس فريده كانت بنت الأجانب إلى متعودتش التقيد بالقواعد ولا العادات. كانت بتتجاوز كتير حسان مكنش متقبل ده.  لحد مازاد الخلاف بينهم. وخلفت عمر. فى سن صغير.طبعا كل صحابها قالولها أزاى تعملى كده شوفى نفسك تخنتى أزاى شوفى وشوفى.  غرور فريده وكبريائها. دافعها تطلب الطلاق من حسان بعد ماوصل عمر لسن 5 سنين. حسان رفض وقال مفيش ست تجبر حسان على حاجه. عدت الايام و..

سلمى.. واى ياجدة
أميليا بحزن.. وهربت مع شاب من اللى شبها كان غنى وتربيه اجانب برضو. سابت حسان وهربت. عمر كان شاهد على كل لحظه من دى. بس مكنتش متخيله أنه هيفضل فاكر كل حاجه.
سلمى.. وهربت على فين
أميليا.. العلم عند الله.. أنا بعد ماعرفت عملتها مقدرتش اسامحها ازاى اسامح ام سابت طفل صغير وسببتله عقده هتعيش معاه لطول العمر. ولا ازاى أسامح بنتى اللى خلتنى احس بالعار طول العمر... ثم تكمل بحزن.. آه ياسلمى لو تعرفى قد أى اتوجعت الله يكون في عون عمر اللى عاش وشاف من يوم ماتولد .. علشان كده عمر عمره مارفض لابوه طلب. لأنه شافه هو اللى ضحية ست خاينه عطاها كل حاجه ومخدش منها غير العار.. واتجوز سميحه عشان تربى عمر بس أزاى مرات الأب هتبقى حنينه على إبن غيرها وآلام قلبها ملاه القسوه وسابت ابنها