حب وطموح

أميره القصر 13,14

#حب_وطموح

بارت 13و14

سلمى بحزن وبكى.. بجد هتوحشونى مش عارفه هكمل من غيركم ازاى 😞😞😞
عمر.. مصدقتى تودعى. انتى حبيتى الموضوع ولا أى.. عندى فكره أنتى اتفضلى الموبايل اهو وابقى كلميهم كملى وداع وأحنا ماشين
الأم معلش اعذرها. بنتى عمرها ماسابت السرايا
عمر.. تحت امركم ياحماتى. بس ساسو أوفر شويتين. دى مش آخر زيارة يعنى
منصور.. عندك حق ياولدى يلا ياسلمى امشى مع زوجك،، الله يرضى عنك يابنتى ويسعدك
حارس..كفايه دلع ماسخ يام سلمى. بتك مش رايحه تحارب دى مسافره مصر مع جوزها
سلمى.. خلاص ياجماعه أنا ماشيه. مع السلامه ياماما
الأم.. السلامه كلها معاكى ياقلب ماما
......... وركبو العربيه واستعدو للسفر
عمر.. ها اى
سلمى. أى
عمر . مالك سرحانه فى اى
سلمى.  مش عارفه حاسه اني ملغبطه.. متوتره.خايفه . قلقانه.شويه مشاعر كده مش مفهومه جوايا
عمر. ده احساس عادى. لو محستيش كده تبقى مش طبيعيه
سلمى.. ربنا يستر
عمر. هيستر إن شاءالله.ي صديقتى العزيزه
سلمى. إن شاءالله ي صديقى.
    (  موبيل عمر يرن. وعمر يفصل.. رن كمان مره)
سلمى.. اتفضل رد يمكن حاجه مهمه
عمر.. فكرت عندك حاله نفسيه من الموبيل لأنك كنتى بتضايقى هناك.ههههههه
سلمى بتوتر.. ها لأ عادى أنا بس كنت بعيش دور الزوجه عشان محدش يشك فينا
عمر.. آه قلتيلى
سلمى.اه آمال أنت فاكر أى.انى بغير وكده لأ طبعا إطلاقا أنا مش كده خالص أحنا جامده أوى على فكره
عمر.  هههههههه والله أنتى مجنونه. أنا مفكرتش فى حاجه أنا قلت بتضايقى بس. لأنى كمان بضايق حد يرد على الموبيل فى وجودى
سلمى فى سرها.. ياربى على الكسفه ،،وأنا استاهل برضو علشان متسرعة زاى القطر. . احم أنا بس حبيت اقولك علشان متفهمش غلط
عمر.. ههههه ماشى ياستى
( الموبيل يرن كمان مره)
سلمى.. معلش رد

عمريرد.. أيوه يابنت الهبله. قلتلك مادام مردتش من أول مرة متعيديش الموضوع
سلمى فى سرها بصدمه.. بنت الهبله مين دى. وبيكلمها كده ليه. اشمعنا أنا مش بيقولى يابنت الهبله 🥺ولا أنا سبانخ
عمر.. هههههههه ماشى يالمضه
سلمى.. وكمان لمضه. شكله واخد عليها أوى والدنيا سداح مداح.. أنا الحق عليا أنى اتجوزت واحد عنيه زايغه زايه. اشششش أهدى ياسلمى أهدى خليكى ريلاكس لآخر لحظة علشان لما تقتليه ويسالوكى يبقى عندك جواب مقنع
عمر بضحك.. جايلك حاضر غورى بقى
سلمى... لالاالا مش قادره استحمل. لازم أعرف بيحصل اى الفضول هيموتنى.. لو مسالتش مبقاش أنثى وممكن انفجر
سلمى.. احم عمر
عمر مشغول بالمكالمه.. هههههههه كل ده حصل فى غيابى
سلمى فى سرها.. كسفه تانيه اهو ياسلمى. فاضلك كسفه كمان وتفتحى شركة كسوفات ومعلومات
سلمى.. احم لتانى مره ياعمر
عمر..  امممم طيب بقى لما اجيلك نكمل كلام كفايه رغى
سلمى.. ياسواد الحلل هو كمان لسه فيه كماله.. أنت ياكبتن سامعنى الو حووول
عمر... زهقت من راخمتك يلا اتكلى ههههه
سلمى.. يلهوى على كميه الإهانات ياسلمى يابنت منصور.. أين كرامتى أنا لأ اراها
عمر.. اوك ياقمر سلام
سلمى فى سرها.. قمر قمر ياصايع ياضايع ..  ده أنا مراتك عمرك ماقلتلى قمر  خالص .. أنا قلت أنك واطى . اكيد هى دى إلى كانت بتكلمه فى الجنينه. بتاع الورد ده. أصلا أصلا كلهم خاينين .
عمر. سلمى آسف.كنتى عايزه حاجه
سلمى.....
عمر.. سلمى
سلمى.. 
عمر بعصبيه.. سلمى أنا بتكلم ردى
سلمى.. وأنا كنت بتكلم كمان
عمر.. بس أنا كان معايا مكالمه ماخدتش بالى
سلمى.. وأنا كنت بكلم نفسى ماخدتش بالى
عمر.. اممممم تنزل المرادى
سلمى.. ممكن تسبنى أكمل نقاش مع نفسى بقى
عمر.. هههههه اتفضلى
سلمى فى سرها.. كنت فين،، آه وقفت عند كل الرجاله خاينين . طبعا مستنيه أى من أبو عيون ملونه غير كده.هو عشان عيونه ملونه هيتكبر عليا وهيشوف نفسه.. ا. لأ ده دلوقتي مبقاش فى اسهل من التلوين. الحلو فى أحله منه ها
عمر.. سلمى. إحنا فاضل شويه ونوصل
سلمى.. هو عدى كام يوم.قصدى كام ساعه
عمر.. ساعتين لحد دلوقتى
سلمى.. ياه كل ده
عمر.. هههههههه آه شكل نفسك بتسليكى اكتر مننا
سلمى.. مانا معنديش لمضه تسلينى زيك
عمر.. انتى زعلتى لما رديت مش قلتى مش بضايق من رنت الموبايل
سلمى فى سرها.. وحيات أمك هو أنا مشكلتى الرنه..
سلمى.. لأ عادى مش مضايقه. هضايق ليه.. ولا يهمنى على فكره كلها شكليات
عمر .. هههههه هى أى
سلمى.. أصلا عادى
عمر.. هبله بس دمك خفيف ياسلمى
سلمى.. وقمر كمان.. ولا عشان مقلتليش قمر أبقى مش قمر.. لأ بقى أنا قمر اوى
عمر.. أنتى عروسه الصعيد كله
سلمى فى سرها.. تبا احرجنى
...... المهم مر الوقت وأنا بفكر في الطريق اللى ماشيه فيه والحياه اللى هبدء فيها. والبنت اللى كانت بتكلمه لو شوفتها هعملها بطاطس محمره
عمر.. ساسو فوقى بقى داخلين على الفيلا
سلمى.. اى ده وصلنا بسرعه ليه. أنا عارفه أنه مر ساعات كتير ... بس ياربى قلبى بيدق بسرعه جامد كأنى كنت أتمنى العربيه تفضل ماشيه يومين تلات سنين كده لحد ماجهز.. هدوء ياسلمى خدى نفس دة مكان زاى أى مكان مش داخله احارب مثلا
عمر. سلمى دخلتى فى مملكتى دلوقتى. أهلا بيكى
سلمى.. أنا حسيت إن بحر مايه ساقعه وقع عليا أول ماسمعت كده.. حسيت بخوف ورعب من كلامه مش عارفه ليه... بصيت من شباك العربيه.. أى ده.اى كميه الحاجات الجميله دى .كل ده ورد وفاكهة. أى ده فى احصنه بتجرى فى المكان. مش فاهمه حاجه كأنى دخلت فيلم كرتون حاجه اشبه بالخيال.. والعربيه ماشيه كنت بكلم نفسى إذا ده الواقع اللى ربنا خلقه. آمال الجنه شكلها عامل ازاى.. أنا مش قادره استوعب إن فيه جمال اكتر من كده.. ياااه احنا تقريبا بقالنا اكتر من نص ساعه ماشين بالعربيه فى الجنينه.. بدات احس أنى فى غابه مش جنينة فيلا.. سرحت فى جمال  المنظر فعلا دى مملكه مستحيل يكون مكان عادى.. هو المكان ده ملوش نهايه ولا أى.. الورد موجود بكل ألوانه وانواعه.واضح فعلا أنه بيعشق الورد.. حتى الشجر تحس أنه بيضحك ومبتسم لجمال المكان
.سلمى أنتى هتعيشى هنا معقول ؟؟