#حب_وطموح
بارت 16
خالد.. خلاص ياعمر أهدى سلمى تخصك مش هقربلها. بس مش هي دى البنت الصعيديه إلى قلت أنك هتتجوزها عشان أبوك
عمر.. أيوه
خالد.. يعنى مش بتحبها آمال مالك ياعم صايع علينا ليه
عمر.. حتى لو مش بحبها دى مراتى يابنى آدم. اسيبك تتغزل بمراتى أنت انهبلت
سلمى. أنا سمعت كلامهم كنت مبسوطه لما حسيت عمر بيغير عليا بس بعد ما سمعت حوراهم وأنه مضايق لمجرد أنه مينفعش يعاكس مراته اضايقت جدا.. كبريائي ك أنثى منعنى اتقبل ده.. ودخلت عليهم
سلمى بمكر.. أنا سببت بنكم مشكله آسفه
خالد وهو بيحاول يخلى نظره بالأرض.. انتى المشكله الوحيده اللى بتعمليها أنك بتسرقى القلوب
سلمى وهى تبص لعمر... هههههه كسفتنى والله
عمر فهم تصرف سلمى بتحاول تخليه يغير طلع سجار.. وقعد على الكرسى وحط رجل على رجل
عمر.. خالد
خالد.. نعم ياباشا
عمر .. طير أنت دلوقتى أكلمك بعدين
خالد.. تمام أنا هروح الشركه واخلص الملفات بالمره ويكمل كلام وهو باصص لسلمى واجيلك تانى عشان تشوفهم
خرج خالد من الاوضه
عمر ضغط على الجرس اللى فى المكتب. علشان يحضر أحد الخدم
سلمى لسه هتخرج
عمر.. اقفى عندك
سلمى نعم
ودخل احد الخدم.. تحت امرك عمر بيه
عمر.. أسمك أى
الخادمه. مرجانه
عمر.. أنا مش قلت الفستان ده يتغير يامرجانه
مرجانه.. نعم ؟
سلمى بترد وهى عارفه إن الكلام ليها.. مش أنتى اللى قلتيلى أن الفستان ده هيجنن عليكى والبسيه يامرجانه
مرجانه.. أنا قلتلك كده ياهانم؟!
عمر.. الدلع والسهوكه دى مش فى قصرى فاهمه يامرجانه. تبقى محترمه بالذوق أو هعلمهولك عادى عمر ياااما علم ناس
سلمى.. السهوكه دى يعرفها البنات اللى بتتعرفى عليهم يامرجانه أما بنات الصعايده وبنات الأصول ميعرفوهاش
عمر.. شكلك لسه معرفتيش مين هو عمر حسان يامرجانه
سلمى.. ولا أنتى تعرفى مين سلمى منصور يامرجانه
مرجانه.. والله يافندم أنا مش فاهمه حاجه
عمر.. مرجانه. أنا لو عصبيتى اتحكمت فيا هتندمى وأنا غضبى وحش أوى فياريت تتقى شرى تمام
احسان تدخل عليهم.. مرجانه
مرجانه.. نعم ياهانم
احسان.. اطلعى أنتى أنا هاخد طلب الأستاذ عمر
مرجانه.. أمرك
احسان.. أى لعب العيال ده.. أنتم لسه متجوزين و فى شهر العسل كمان
سلمى.. عن اذنكم أنا طالعه اوضتى لأنى تعبانه
عمر بغيظ.. ماتخليكى خالد جاى دلوقتى.
سلمى بكيد.. لما يجى هبقى انزلكم بالاذن
عمر وهو متعصب وهيروح وراها وقحه
احسان..اقف مكانك ياعمر اى اللى بيحصل ده.. فهمنى
عمر.. مفيش حاجه يامى
إحسان.. بتخبى عنى؟؟ أنا آسفه عشان أدخلت كنت فاكره أنى امك ومن حقى أدخل
عمر.. متقليش كده أنتى امى الحقيقيه.. اللى ماتت دى متستهلش تبقى ام واللى اتجوزها أبويا متستهلش تبقى امى أنتى بس أنتى اللى امى وهتفضلى طول عمرك
احسان.. الغلط مش غلط فريده يابنى. غلط أبوك لأنه اتجوز وحده مختلفه عنه. وحده حياتها كلها نوادى وملابس وسفر.متقبلتش حياة الريف ولا تقاليدهم فكان طبيعى تعمل كده
عمر بحزن وبيحاول يخبى دموعه...
طبيعى أنها تهرب؟ وتسبنى وأنا محتاجها..ياااه أنا اترجيتها كتير اوى متسبنيش قلتلها يامى انا محتاجك طيب قولى لابويا نمشى من الريف ونسكن فى المكان اللى تحبيه عشت ليالى ابكى أيام وسنين بحاول اداوى جروحى ومخلهاش تتمكن منى. سبتنى عشان عشاان
احسان.. خلاص ياعمر أنسى كل ده،، اللى فات مات يابنى
عمر.. اللى فات عمره مامات يامى اللى فات هيفضل عايش جوه قلبي هيفضل محفور في عقلى.. هيفضل يقتلنى. أمى اللى المفروض تبقى أحسن ذكرى فى حياتى كل مافتكرها يومى يتزفت وحياتى تبهت
احسان.. ربنا رزقنا بنعمة النسيان واديك اتجوزت أهو
عمر.. لأنى مقدرش أزعل أبويا.اتجوزت. أبويا حزن كتير أوى وحاول يعوضنى حنان الأم. حتى الست اللى اتجوزها فكرها هترعانى بس طلعت مش عارفه تراعى نفسها.. أنا عملت كل ده علشان اثبت لنفسى أنى مختلف أنى مش هكون طيب زاى أبويا أنى هاخد حقى من اتخن تخين ومش هرحم أى حد يقف فى وشى
احسان.. عشان خاطرى ياعمر أنسى انسى بقى..كل ده بقى ماضى أنت قدامك المستقبل عيش حياتك وانسى
عمر.. لو كنت اقدر أنسى كنت رحمت نفسى من العذاب ونسيت لو ادفع حياتى وانسى هدفعها هدفعها عشان انسى
إحسان بتحاول تغير الموضوع.. طيب روح لسلمى تلاقيها مضايقه دلوقتى
عمر.. أنا هخرج دلوقتى بعدين اشوفها
إحسان. عمر
عمر.. نعم
احسان.. خليك فاكر سلمى مش هى فريده ياعمر
عمر بحزن وغضب.. كل بنات حواء سواء. عن أذنك
إحسان.. ربنا يهديك ويصلح احوالك ياعمر
........ فى تلك الأثناء فى غرفه سلمى
سلمى تتكلم فى الموبايل.. أنا الحمدلله ياماما بخير طمنونى عنكم
الأم.. مش ناقصنا غيرك حبيبتى.. قوليلى عامله ايه هناك
سلمى.. بصراحه مش عارفه يامى. أنا ملغبطه اوى . ادعيلى ياماما ادعيلى كتير بالله عليكى
الأم بقلق. دعيالك ياضنايا.مالك فيكى اى قوليلى ياحبيبتى أنا أمك
سلمى. مفيش حاجه والله.. المكان هنا جميل وغريب عنى علشان كده خايفه شويه بس كده
الأم بعدم راحه.. ربنا يريح بالك حبيبتى.
سلمى. يارب يارب يامى.
(الباب يخبط)
سلمى.. أكلمك شويه كده ياماما فى حد بيخبط. سلميلى على بابا كتير مع السلامه
سلمى.. أدخل!
إحسان. عامله ايه ياسلمى
سلمى.. الحمدلله كويسه
احسان....!!!!
سلمى.. حضرتك عايزه تقولى حاجه صح.
احسان.. ها كنت عايزه أقول لغتك مش صعيديه زاى ماكنت متخيله
سلمى.. حاسه أن مش هو ده سؤالك بس هجاوبك. ده بسبب مذكرتى الكتيره وقرايتى للكتب لأن معظم وقتى كنت وسط الكتب بس ده مش معناه أنى مش بتفلت منى شويه كلام صعيدى احيانا هههههههه
احسان.. هههههههه أنا بحب كلامكم اوى. وبحب أسمعه
سلمى.. هو ممكن أسألك سؤال لو مفهاش احراج يعنى
احسان.. مفيش احراج اتفضلى
سلمى. ممكن تكلمينى عن نفسك.. لاحظت أن عمر بيحبك أوى ربنا يخليكم لبعض.بس حابه أعرف الشخص اللى ممكن عمر يحبه كده
إحسان.. أنا إحسان حسنى أفندى. من عيله كبيره كده في مصر
سلمى باستغراب.. طيب واى اللى يخليكى تضحى بمكانتك وتشتغلى....
احسان.. خدامه صح
سلمى.. آسفه والله مش قصدى اضايقك. وبعدين الخدمه مش مهنه عيب بالعكس أنا احترم كل شخص بيشقى عشان أكل عيشه
احسان.. مفيش آسف ولا حاجه.. أنا اللى ربيت عمر. امه كانت صحبتى عشان كده لما سابته أخدت عهد على نفسى اربيه واكبره واحميه واخاف عليه زاى ابنى تمام.. جبته معايا مصر لما طلب منى أنه عايز يعيش هنا. اشتغل وتعب ورفض مساعدة أبوه فى فلوس أو أى حاجه.وكبر نفسه بنفسه لحد ما أنتى شايفه كده.. بقى يمتلك أكبر شركات فى مصر وأكبر كبير يعمله حساب
سلمى.. هى والدته ماتت أزاى
إحسان بتوتر.. احم هى هى
الباب يفتح فاجأه ويدخل عمر
عمر يدخل فاجأه بعصبيه.. ماتت فى حادثه فى انفجار في قتل أنتى مالك
سلمى.. أنت بتكلمنى ليه كده؟
عمر. أنتى فى قصرى وبتلبسى وتاكلى من خيرى وكمان تعلمينى اتكلم أزاى.. أنا أتكلم زاى مانا عايز
سلمى بغضب.. أنت مريض
عمر وهو يقترب منها وفى عيونه الشر
احسان وهى تقف قدامه.. عمر أى اللى أنت بتقوله ده. دى مراتك ومالك بقى مالها
عمر.. متدخلش فى حياتى محدش يدخل فى حيات عمر
احسان. عمر اهدى
سلمى ببكى وهى تجرى من الاوضه ونازله منها.. فى جنينه القصر
سلمى بشهيق.. از ازاى يكلمنى كده.. أنا مش مصدقة أنه ده عمر إلى كان عندنا وإلى عرض عليا المساعده. مش ده عمر إلى قلبى حبه. مش ده اللي قالى هوصلك لحلمك مش هو ده حبى ولا طموحى
فى هذه اللحظة رن هاتف سلمى
سلمى بتماسك. ااا الو
(. عامله ايه)
سلمى بصدمه.. أنتى؟!
يتبع 🥰🥰
#اميرة
#Aya
أنت تقرأ
حب وطموح
Mystery / Thriller#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
