حب وطموح
بارت 25
صوت من خلف سلمى
عمر بصوت مسموع. سلمى بتعملى أى عندك
سلمى وهى بتلتفت خلفها ثم للست المجهوله عنها.. كنت بكلم... ثم تكمل بتعجب هى راحت فين
عمر.. هى مين
سلمى.. ست كانت واقفه هنا شكلها طيبه أوى
عمر.. ممكن تكون وحده من خدم القصر
سلمى.. لأ مش من القصر
عمر..تبقى من خدام القصر اللى جنبنا. يلا عشان نمشى
سلمى بتعجب وهى تنظر خلفها. حاضر يلا
...... ركبو السياره فى طريقهم لاحد المطاعم الراقية في لندن
عمر.. سرحانه في اى
سلمى. فى الست المجهوله دى. اختفت فاجأه كأنها سراب
عمر.. سيبك منها.. استمتعى بالمناظر الجذابه اللى حواليكى
سلمى.. عندك حق. البلد دى تجنن
عمر.. أكيد. كل بلاد الله تجنن. كل بلد ليها جمالها الخاص
سلمى.. فعلاً..هو احنا هنروح فين
عمر. تحبى تروحى فين
سلمى.. مش عارفه. أنا أول مره أخرج
عمر.. مسافرتيش قبل كده
سلمى.. ههههه سؤال مضحك أنت عارف جوابه كويس
عمر.. مكنتيش بتشوفى تليفزيون
سلمى.. يعنى احيانا كنت بشوف. بس انت عارف ابوي كان عامل كيف
عمر... شبه والدى. بس بالرغم من كل القسوه الى بيحاولو يظهروها. جواهم قلب طيب
سلمى.. فعلا. ثم تنظر له. زيك كده
عمر محاوله منه بتغير مجرى الحديث.. هو كان سبب الخلاف بينهم أى بالظبط
سلمى بلهجة صعيدى.. معرفاش. كل اللى اعرفه كان بنتهم طار قديم
عمر وهو يضحك للهجة سلمى
سلمى.. تضحك ليه
عمر.. أصلك قلبتى على لهجة صعيديه فاجأه
سلمى.. ده طبيعى مهما حاولت أغير اسلوبى بيظهر بدون وعى منى
عمر.. صح. محدش يقدر يغير أسلوبه.. الطيب بيفضل طيب والخبيث بيعيش طول عمره خبيث ثم يكمل وعليه علامات الحزن والغضب والخاين هيعيش ويموت خاين
سلمى. وهى تحاول تغير الموضوع.. بس أنت مش بتحكى صعيدى ليه بقى.
عمر. لأن طول حياتى عايش فى مصر. محبش الصعيد بتفكرنى بناس بكرها، حتى لندن الجميله دى بكرها
سلمى وهو تنظر للطريق.. بس الناس ممكن تتغير العادات والتقاليد ومش بالضرورى يبقى كل واحد واخد عادات اللى قبله..مش لازم إبن الطيب يكون طيب ممكن يبقى شرير. مش بالضرورى ابنت الراقصه تصبح راقصه ممكن تكون شى يفخر به المجتمع وتغير مجرى القصه. حتى أنت ياعمر إبن حسان الصعيدي المتشدد ومع ذلك عمرك ماحكيت كلمه بلهجة أبوك.
عمر.. بس جوايا تقاليده. جوايا الراجل الصعيدى اللى بيتشدد فى أمور مهما سافر أو بعد
سلمى... تربيه البيئة المحيطة. تختلف تماماً عن تربيه الحياه ليك ..مش لازم نبقى نسخ من بعض ياعمر. كل شخص بيتولد بالفطره بأفكاره الخاصه يمكن البيئة اللى حواليه تفرض عليه أفكار تانيه بس أفكاره المزروعه فيه هتفضل موجوده علشان نفضل مختلفين لآخر العمر
عمر.. كلامك منطقى.. ممكن الناس تتغير. وممكن الحلو يبقى وحش وممكن الوحش يتغير للاوحش.. مش كل التغير حلو
سلمى.. اديك قلتها مش كل. ده معناه فيه تغير حلو وفيه تغير وحش
عمر وهو ينظر لسلمى بحيرة ثم ينظر للجانب الآخر.. وصلنا
أنت تقرأ
حب وطموح
Mystery / Thriller#رومانسيه_حب_وطموح قد ياتى العوض فى هيئة شخص لم يخطر ببال. من قال أن الحب والأحلام متعارضان. بالعكس تماما فمن احبك سعى وقاتل معك حتى تحقق ماتريد. فخلف كل عظيم امرأه وخلف كل ناجحه رجل. فنحن نكمل بعضنا البعض خلقنا لنكون سنداً لبعضنا لن أكتب وصف كثيرا...
