နွေဦးကာလတွေမှာတော့ ရှောင်းကျန့်အိမ်ကမီးလင်းဖိုလေးဟာ အချိန်အကြာကြီးမီးသေလို့နေကာ အားလပ်ရက်ရတယ်။
ကျင်းကောဟာ မီးလင်းဖိုနားကသူ့နေရာကို စွန့်ခွါပြီး ပြုတင်းပေါက်ဘောက်မှာ နေရာယူလျက်။
"ခရီးကိုမသွားတော့ဘူး။နေမကောင်းတာကို ကျွန်တော်ကဘယ်လိုထားသွားရမှာလဲ။"
လက်ဆွဲသေတ္တာထဲက အဝတ်စားတွေကို ရိပေါ်က တစ်ခုချင်းဆွဲထုတ်နေပေမယ့် ရှောင်းကျန့်ကဘေးကနေပြန်ထည့်ပေးနေတယ်။
"သူငယ်ချင်းတွေနဲ့သွားမယ့် ခရီးကိုသွားပါ။ကောက နေမကောင်းတာမဟုတ်ဘူး နေလို့မကောင်းရုံပါဆို။"
"အဲ့တာ ဘာကွာလို့လဲ။"
ရှောင်းကျန့်က သက်ပြင်းချတယ်။မနေ့က ဘွဲ့ယူအခမ်းနားအပြီး နေလို့မကောင်းဘူးဟု အကြောင်းပြကာ တန်းပြန်လာမိတာကြောင့် ရိပေါ်မှာ သူငယ်ချင်းတွေစီစဉ်ထားတဲ့ပဲရစ်ခရီးစဉ်ကိုမသွားတော့ပါဟု ဂျစ်ကန်နေတော့သည်။
"ခွေးပေါက်လေးရာ ကောကိုစိတ်မကောင်းအောင်လုပ်တော့မှာလား။"
ရှောင်းကျန့်က ငြီးငြူတဲ့ရိပေါ်က အဝတ်တွေပြန်ထုတ်နေရာက ရပ်ကာသူ့ကိုစိုက်ကြည့်လာတယ်။အလိုမကျတာကြောင့် မျက်နှာဟာ စူပုပ်လို့နေတယ်။
"ကျွန်တော် Busking တစ်ရက်ပြီးတာနဲ့ပြန်လာခဲ့မှာမို့ ဦးငယ်ကိုခေါ်ထားနော်။မနက်ခေါ်ထားပြီး ညကျပြန်လွှတ်လိုက်။"
ရှောင်းကျန့်က ပြုံးကာ ခေါင်းညိတ်ပြရင်း ရိပေါ်ဆံပင်တွေကိုလှမ်းသပ်ပေးတယ်။ရိပေါ်က သူ့ဦးငယ်ကိုပါစိတ်မချဟန်နဲ့မလို့ ရှောင်းကျန့်က ပြုံးချင်မိသွားတယ်။
"စိတ်ချ ကောက မကြာခဏဖုန်းဆက်မယ်။"
အထုပ်ပိုးတွေနဲ့ ရိပေါ်ဟာ အိမ်ပေါက်ရောက်တဲ့အထိ မခွါချင်သေးသလို တစ်ခုပြီးတစ်ခုဆက်တိုက်မှာနေသည်။ဆေးသောက်ရန်၊ဖုန်းဆက်ရန် စသည်သဖြင့် အမျိုးမျိုး။
"ကျွန်တော် သွားတော့မယ်။ဟို...။"
ရိပေါ်က ပြောစရာကျန်သေးသလို ပေမယ့် ပြောရခက်နေဟန်။လည်ပင်းကို ပွတ်သပ်ရင်းက ခေါင်းငုတ်နေကာ အင်းအဲလုပ်နေပြန်သည်။
ESTÁS LEYENDO
End of serendipity ( London Evening's) Completed
FanficEnd of serendipity , I met him Xiao Zhan x Wang Yibo YiZhan Edited : this is totally different version
