رب الصدفه (عندما تصبح الاحلام حقيقه )

الفصل الثامن

مسيري بهدوء :اهلا اهلا ازيك يا جيلان
جيلان :ازيك يا بابا عامل ايه
مسيري :الحمدلله ازيك يا دينا
دينا :اهلا جدو
قاسم وهو يدخل :اهلا اهلا يا جيلان وحشتينا
جيلان :الحمدلله انت اكتر والله يا قاسم ياخويا
دينا :هاي يا عمو
قاسم :ازيك يا دينا
دينا :امال فين زين
مسيري :فوق
دينا :طيب انا هطلعلو
مسيري :رايحه فين يا دينا انتي لسه عايشه عيشه الخواجات دي انتي هنا في مصر الي بتقوليه دا عيب
جيلان :متسيبها يابابا في ايه مش ابن خالها ايه المشكله
مسيري :مفيش الكلام دا هنا اعدي يا دينا كلهم نازلين دلوقتي
بعد قليل نزل ريان ولميس وجنه وسلمو عليهم وجلسو
جيلان :اشمعنا زين منزلش يعني
ريان :اهو نازل اهو
دينا بحماس وهي تركض نحوه تحتضنه تحت نظرات تلك التي كانت تحرقها حيه
دينا :زين وحشتني اوي اوي اخبارك ايه
زين وهو يبعدها عنه بصعوبه :الحمدلله يا دينا ازيك يا عمتي
جيلان :ازيك يا زين مش تعرفنا مين الحلوه دي
دينا :مين قال كده دي مش حلوه خالص على فكره
مليكه وقد وصلت إلي ذروتها ولكن كل غضبها تنحى عندما حاوط خصرها بيديه :اعرفكم مليكه مراتي
جيلان بغضب :نعم مين دي الي مراتك ودا حصل امتى وازاي محدش يقولي
دينا :الجربوعه دي مراتك
زين بغضب :ديناااااا احترمي نفسك الي بتتكلمي عنها دي مراتي فاهمه ايوه يا عمتي الموضوع جه بسرعه واتجوزنا ايه المشكله
جيلان بغضب مكتوم:لا ولا حاجه انا طالعه اوضتي
دينا وهي تنظر لها بقرف :خديني معاكي يا ماما
مليكه :ياساتر انتو بجد مستحملنها ازاي
ريان بضحك :انتي لسه شوفتي حاجه دا لسه في الاول بس
لميس :ايوه فعلا اوعي تأمني ليها ابدا ماشي تخلي بالك كويس اوي مش هيعدوها على خير
مسيري :أعلى ما في خيلهم يركبوه والي عنده حاجه يعملها زين خد مراتك وعلى اوضتك يلا كل واحد على أوضته وبكره نتكلم
ذهبت مليكه للغرفه وابدلت ملابسها وجلست على الأريكة قليلا تفكر في كل ما حدث وما يحدث الان فحلمها يتحقق وايضا كلام السيده يتحقق ولكن تخاف أن تكسر نفسها أمامه إذا وجدت انه لا يبادلها نفس الشعور
خرج من الحمام وهو يرتدي ملابس النوم أيضا جلس بجانبها وقد احس بما تفكر به حاوط كتفها في حنان وضمها اليه لم تعترض بل تشبثت به
زين وهو يقبل أعلى رأسها :متفكريش في اي حاجه ممكن
مليكه :بحاول والله مش عارفه بحاول بس الي بيحصلنا دا ولا كأنه فيلم
زين :انا عارف انا نفسي مش فاهم حاجه بس كل الي اعرفه انك احلى صدفه حصلتلي
مليكه :انا خايفه اوي يا زين خايفه
زين وهو يحملها بتجاه السرير ويضعها عليه ويشد الغطاء عليهم :متخافيش طول مانا جمبك يلا نامي
مليكه :انت هتنام جمبي
زين :امال هنام فين نامي يا مليكه اليوم كان طويل انا مش شايف نامي بقا وانتي حلوه كده يخربيتك
مليكه بدهشه :بجد يعني أنا حلوه احلى من دينا
زين بخبث :وانتي مركزه مع دينا ليه
مليكه بغضب وقد تناست وضعهم :ايوه عشان هي حضنتك اول منزلت ولا كانك جوزها دا أناا الي مراتك محضنتكش دي بجحه
زين وهو يضمها الي صدره بقوه :حضني دا ملكك ايه رايك محدش يلمسه غيرك انتي وبس
مليكه بفرحه :بجد يا زين
زين :بجد ياروح زين مليكه هو انا ممكن اعمل حاجه هموت واعملها
مليكه بخوف :ايه هتعمل ايه
زين :متخافيش انا بس عايزك تحضنيني وتنامي بس كده
مليكه :حاضر
وبالفعل حضنته ونامت ولاول مره لا تحلم باي كوابيس ولا هو أيضا وناما في سلام

في غرفة جيلان
كانت دينا تقطع الغرفه بغضب :يعني ايه كل حاجه ضاعت كل حاجه خلصت كده واتجوز الزفته دي
جيلان :مش عارفه يا دينا كله خرب مره واحده والمشكلة أن احنا علينا ديون ولازم نسدها والا هنبقى في الشارع
دينا :والعمل
جيلان بخبث :انتي لازم تتجوزي زين بأسرع وقت
دينا :ازاي والزفته دي موجوده
جيلان :اديكي قولتيها موجوده يبقى ايه
دينا بمكر :يبقى نخليها مش موجوده
جيلان :بنت امك بصحيح

في غرفة لميس كانت تجلس في الشرفه تقرأ كتاب طرق باب غرفتها بهدوء ودخل وجدها هكذا جلس على الكرسي المقابل ليها لم ترفع عينيها فيه وكانت عينيها مثبته على الكتاب قالت بهدوء دون أن ترفع عينيها فيه :عايز ايه يا ريان !