رب الصدفه (عندما تصبح الاحلام حقيقه )

الفصل العاشر

بنسواااار عليكم اخواااااتي في الله 😂😂❤️❤️حبيت امسي بس بفصل كده على الماشي 💜
...........
أتى يوم كتب كتاب لميس وريان وكان الكل سعيد جدا
عند دينا دخلت الي غرفة إحدى الخادمات لتتحدث معاها
دينا :فهمتي يا سعديه هتعملي ايه
سعديه بخوف :اه بس لو المسيري بيه عرف أو زين بيه أو قاسم هروح في دا فيها موتي
دينا :متخافيش لو سمعتي الي قولتلك عليه محدش يعرف حاجه خدي دول
قدمت إليها رزمة من المال التمعت عيني سوزي بجشع وهي تأخذ منها المال
دينا بخبث :وليكي زيهم لو خلصتي الي قولتلك عليه عايزاكي دلوقتي تدخلي اوضتها وترشي من الازازه دي على الميك اب بتاعها خصوصا الكريم المفضل ليها
سعديه :اه بس انا هعرف منين هي هتستخدم انهي علبه
دينا بنفاذ صبر :هتشوفي انهي واحد فاضي شويه اكيد دا الي بتستخدمه شغلي دماغك بلاش غباء يلا روحي قبل ميرجعو
ذهبت سعديه ي لتنفيذ ما أمرته بيها دينا
دينا بكره :انا بقا هاخد زين منك غصب عنك ووريني هتروحي كتب الكتاب ازاي يا مليكه

في المساء كانت تخرج من حمام الغرفه لتستعد لكتب الكتاب جلست أمام المرأة تضع الميك اب على وجهها وبعد قليل احست بحكه في وجهها نظرت إلي نفسها وجدت جميع وجهها ملتهب ومنتفخ كثيرا وأصبح شكلها بشع للغايه صرخت برعب وراحت تبكي بشده وهي تبتعد عن المرايا جلست على السرير تبكي بشده وهي تضع رأسها بين كفيها
دخل زين بعدها بساعه ليراها وليبدل ثيابه دخل ووجدها على هذا الحال اقترب منها بسرعه
زين :مليكه مالك في ايه طب انتي مش عارفه اننا المفروض نجهز عشان كتب الكتاب طب انتي حد زعلك بصيلي هناااا ايه دا !!
مليكه ببكاء حاد :معرفش معرفش ابعد عني متشوفنيش كده
زين بهدوء :ايه الي عمل في وشك كده
مليكه :معرفش انا يدوبك اخدت دش وطلعت ولسه هاجهز لقيت نفسي كده
زين وهو يمسك هاتفه للاتصال بطبيب :طب اهدي وانا هكلم الدكتور يجيي يشوفك
جاء الطبيب وطمأنهم انها حساسيه الجلد واعطى لها الدواء أيضا وطلب منهم أن ترمي جميع مستحضرات التجميل الخاصه بها
زين بعد ما ذهب الطبيب جلس بجانبها يطمأنها :يلا بقا عشان تنامي
مليكه بنعاس :طب انا كده مش هروح ممكن تعتذر لريان ولميس اكيد هيزعلو مني وكمان جدو وجنه وعمي
زين بحنان :لا متخافيش انا قولتلهم وهما تفهمو جدا دول كانو عايزين يخلصو الحفله بسرعه عشان يجيو جمبك
مليكه :طب يلا روح انت انا كده كده هنام
زين :ماشي انا اول متنامي هروح البس وانزل
مليكه بنعاس شديد:تصبح على خير
زين وهو يقبل أعلى رأسها :وانتي من أهله يا ملاكي

بعد اربع ساعات كان زين قد ذهب للحفل ولكن قلبه وعقله معاها ولكن لا يمكنه أيضا ترك اخوه في مثل هذا اليوم
كانت دينا شامتة هي ووالدتها لعدم قدوم مليكه
دينا وهي تضع يديها بيد زين :زين ممكن ترقص معايا
زين :لا يا دينا مليش مزاج
دينا بترجي :عشان خاطري رقصه واحده بس
زين :ماشي
رقص معاها تحت التقاط الصور لهم وللجميع ايضا كانت جنه تتمشى بين المدعوين حتى اصتدمت بأحد ما
جنه :مش تحسب يا اخ
مراد :انا برضه الي احاسب مش انتي الي حاطه عينك في الموبيل مش شايفه قدامك
جنه :على فكره انت قليل الزوق
مراد :وماله شكرا بعد اذنك
جنه بعد ما ذهب :ياباااااي ايه الرخامه دي