رب الصدفه (عندما تصبح الاحلام حقيقه )

الفصل الثاني عشر 💙

الفصل دا انا لسه مخلصه ياريت رأيكو لاني بجد بفرح بيه اوي اوي ادعولي كتير اوي لان نفسيتي وحشه اوي الفتره دي في مفاجآت كتير في الفصل دا وكده نقدر نقول إن القصه بدأت 🔥🔥
دمتم بخير 💙
......
في الصباح كان الجميع قد علم بأختطاف مليكه من المشفى والجميع كان قلق على زين لانه كان مثل المجنون مثل الوحش الذي كان في قفص وخرج إلى المدينه ليدمر كل ما في طريقه
في الجامعه عند جنه ولميس كانو يدرسون سويا في كليه الهندسه ولكن لميس اكبر من جنه بسنه واحده
لميس :جنه يلا عشان المحاضره بتاعتك
جنه :اه بيقولوا دكتور جديد جه مكان دكتور محمد احسن والله دا كان دكتور رخم اوي وامتحاناته ارحم
لميس :طب يارب ميطلعش دا كمان زيه
جنه :ياريت يلا اشوفك لما اخلص ونروح سوا
لميس وهي ايضا تذهب الي محاضراتها :تمام اول متخلصي كلميني هتلاقيني في المكتبه
جنه :حاضر
ذهبت جنه الي المدرج ولميس الي المكتبه
دخلت جنه مدرجها وجلست في مكانها لتتحدث مع إحدى زميلاتها دخل الدكتور البديل كانت جنه منشغله في شئ في حقيبتها تبحث عنه ولكن صدمت عندما رفعت عنيها إليه يااا الهي أنه هو !!
أما هو نظر إليها نظره شامتة فهو كان يعلم أنها هنا  واين هي وأصر على دكتور محمد أنه يتنازل له عن هذه الدفعه لكي يراها فهي خطفته منذ اللحظه الاولى التي رأها بها
هو بهدوء وهو يضع نظارته الطبيه :انا دكتور مراد دويدار الي جيت مكان دكتور محمد أن شاء الله انا الي هدرس ليكو السنه دي وبقيت السنين باذن الله ياريت كله يلتزم ومش عايز اي حاجه تتعبني أو تزعلني منكو عايزين نبقى صحاب
هز الجميع رأسه ما عدا تلك التي كانت على وجهها معالم الصدمه تتمنى لو تنشق الأرض وتبلعها :ياريتني معملت كده يارتني دا انا هشوف ايام سودا
لم تنتبه أنه اقترب منها ليستمع الي كلماتها ليكتم ضحكته ويقترب منها بهدوء بجانب إذنها ليقول لها :اوعدك هتبقى سنه سودا على دماغك أن شاء الله
وتركها وذهب وهي وضعت يديها على رأسها تلعن استعجالها وتهورها معه !

في المشفى كان قد أخذ شرائط الكاميرات ولم يقف عن تشغيلهم مرارا وتكرارا وأخذ يكسر في كل شئ من حوله حاول ريان وقاسم تهدئته ولكن دون جدوى
زين بغضب جحيمي :وحيد وربي محرحمك

في المكتبه كانت لميس منشغله بالدورس والابحاث فهي متفوقه جدا حتى جاء شاب معاها وجلس أمامها
لميس بملل :عايز ايه يا فادي
فادي :هو انتي فاكره لما تجوزي مش هعرف اجي جمبك لا دا بعدك يا حلوه مش فادي عمران الي يتعمل معاه كده وانا بقا عايزك يعني عايزك
جاء ليمسك يديها فوجدها تمسكها بقوه كبيره وتلوي زراعه خلف ظهره بقوه وتحدثت بفحيح جعل فادي يتمنى الموت :هو انا مش قولت لا صح قولت ولا مقولتش واضح انك مش بتفهم بالكلام بس انا بقا هفهمك
وفي ثواني كان زراعه مكسور بأصابعه جلس على الأرض يضم زراعه بقوه من كثرة الوجع اما هي فقد أخذت كتبها وحقيبتها بهدوء وذهبت كأنها لم تفعل أي شئ !
اتصلت بجنه التي قالت لها انها تنتظرها بالخارج
لميس :مالك يا بت في ايه
جنه :مصيبه يا لميس
لميس :ايه الدكتور طلع انيل من الي قبله صح
جنه :مش كده وبس دا طلع مراد
لميس :مراد مين
جنه :مراد دويدار يا لميس
لميس بزهول :يا نهااااار اسووود مستحيل ايه الي جابه هنا
جنه :طلع هو الدكتور بتاعي وقالي هخليها سنه سودا على دماغك
لم تستطع لميس امساك نفسها من كثرة الضحك :جالك الموت يا تارك الصلاه
جنه :انتي بتضحك وربنا انتي معندك دم انا ماشيه
لميس :استني يا بت خدي بس يا جنه والله مقصد
كل هذا تحت أنظار مراد الذي كان ينظر إليها من النافذه :جنتي وحشتيني اوي !

بعد مرور شهر
كانت جنه تحاول التحدث مع مراد ولكن هو يتجنبها بشده وبحظر وهي قد أصابت بالاحباط اتجاهه
أما لميس وريان كانت علاقتهم جيده جدا
زين وقاسم والمسيري مازالو يبحثون عن مليكه
جيلان ودينا يخططون الي شئ ويشعر بهذا المسيري ولكن يتركهم الآن حتى يجدو مليكه

في شقه فاخره كان يشعل سيجارته وهو ينظر إليها وهي ترتدي ملابسها بسخريه ولكن نجح في إخفائها
جيلان :وبعدين يا وحيد هنعمل ايه
وحيد :في ايه بظبط
جيلان :هتفضل خاطف مليكه كده
وحيد :انتي ليه مش مصدقه اني مليش دعوه بالحوار دا حرفيا انا معرفش حاجه انا مستغرب زيي زيك معرفش مين الي خطفها واازاي انا منكرش موضوع الممرضه الي اكيد زين قتلها دلوقتي لأنها غبيه وانكشفت بس موضوع الخطف دا انا مليش دعوه بيه
جيلان بتفكير :معنى كده أن في طرف تالت
وحيد بتوهان: تقريبا ربنا يستر
جيلان بغضب طفيف:بقولك ايه هو انا هفضل في السر كده كتير احنا بقالنا اربع سنين مراتك وابنك لو عرفو وكمان بنتي وأهلي هنروح فيها
وحيد :والله انتي رضيتي كده من الاول من ساعت مرات المسيري الله يرحمها الي امك كانت السبب في موتها بسبب انها كانت بتحب ابويا وبتخون ابوكي معاها ومرات المسيري عرفت وقتلتها عشان تدفن السر معاها وسبحان الله هي كمان ماتت في نفس الاسبوع لا وايه ماتت موته استغفر الله العظيم يعني متقطعه مرميه للكلاب
جيلان :مخلااااص يا وحيد في ايه انت نسيت اني برضه مستحملاك كام سنه وساكته عن عمايلك السودا
وحيد ببرود :انتي شريكه معايا في كل دا اوعي تنسي يعني أنا لو روحت فيها انتي كمان معايا ماشي
جيلان بغموض :ماشي يا وحيد تمام
تركته وذهبت الي الحمام
وحيد في نفسه :شكلي لازم اخلص منك يا جيلان وبنتك كمان
جيلان بداخل في نفسها :لازم اخلص منك يا وحيد لاني خلاص جبت اخري منك ومن قرفك انا مكنتش كده ربنا يسامحك يا ماما انتي السبب انتي السبب انا مش خايفه غير على بنتي الي طلعتها برضه نسخه مني .

في مكان بعيد تماما عن أي مخلوق كانت تقف امام النافذه المطله على البحر الازرق تبتسم للحياه من كان يقول انها ستعيش شهر من أجمل واحلى ليالي عمرها دخل الغرفه وجدها بهذا الوضع حاوط خصرها بحنان قبل رقبتها فأغمضت هي عينيها تستنشق عطره الخلاب
هو :وحشتيني يا ملاكي
هي :وحشتني يا زين !!