رب الصدفه (عندما تصبح الاحلام حقيقه )

الفصل الخامس عشر

كان كلا من دينا وجيلان في قفص من الحديد يصرخون حتى يأتي أحد وينقذهم كان المكان مظلم باستثناء مصباح في الاعلى فقط كانت جيلان قد استنفذت جميع قواها فهي هنا منذ اسبوعين دون طعام الا قليل جدا وبعض المياه أما دينا كان منظرها بشع للغايه جلست على الأرض تبكي بصوت عالي
جيلان :انتي هتفضلي طول عمرك ضعيفه كده
دينا بغضب :انتي السبب يارتني مجيت معاكي يارتني منفذت اي حاجه من الي اتفقنا عليها
جيلان :وانا مالي انا عملت كل دا عشانك انتي الي روحتي قولتي لزين على كل حاجه حكتيله حتى الي عملته زمان في أمه والي عملته جدتك في جدته كنتي متوقعه منه ايه بعد مقولتي أن انا السبب في موت أمه لا وان حضرتك السبب في دخول مليكه المستشفى لما حطيتي سم في المشروب بتاعها وسعديه الي حبسها واهي دلوقتي مش هتشوف النور تاني
دينا بصراخ بغضب :انتي السبب انتي الي زرعتي فيا كل دا زرعتي فيا الكره والغل والحقد دا حتى بابا الله يرحمه مرحمتهوش من سمك الي كنتي بتبخيه في ودانه كرهتيه في أهله برضه عشان تاخدي انتي كل حاجه حتى جدتي كانت نفس السم ونفس القرف انا بجد بقرف منكو ومن نفسي اوي اه انا الي روحت حكيت لزين على كل حاجه عشان حتى لو قتلني ابقى ميته وانا مرتاحه
جيلان بسخريه :وانتي فكرك أنهم هيقتلونا ميقدروش احنا من العيله هيقولو ايه لناس ووحيد مش هيسبني
زين هو وريان يدخل عليهم ويجلسون أمامهم بخارج القفص الحديدي :وانتي فكرك يا عمتي أن وحيد هيعيش اصلا انتي فكرك اني مكنتش عارف ان في علاقه من زمان بينك وبينه علاقه زباله زيكو
ريان بهدوء:كل حركه كانت بتحصل كانت تحت عنينا
زين :اي حاجه كان وحيد عمران بيعملها كنا عارفين بيها عارفه ليه
جيلان بصدمه :ازاي
انا اقولك ازاي
دينا :فادي
فادي :اه فادي مالك يا دينا في ايه انتي فاكره اني ممكن اخون جدي المسيري أو زين او ريان
جيلان :انا مش فاهمه اي حاجه
فادي :بصي يا جيلان هانم بنتك جتلي من فتره واتفقت معايا اني ازاول اي واحده منهم سواء جنه أو لميس انا طبعا عرفت كل حاجه منها وعرفت انها كمان عرفت أن مليكه الي بيدور عليها ابويا وأنها الي فتنت عليه روحت لزين وريان وحكتلهم كل حاجه وكانت الخطه كالأتي
فلااااااش بااااااك
زين وهو ينظر أمامه بشرود :نفذ الي اتفقت معاك عليه
فادي :انت اكيد بتهزر صح
ريان :انت بتقول ايه
زين :اهدا يا ريان اول حاجه لازم تعترف للميس بحبك ليها وتتجوزو أو على الأقل تكتبوا الكتاب عشان تبقى مراتك تاني حاجه لو فادي رفض دينا هتشوف مليون واحد ينفذ الخطه دي وساعتها مش هنعرف هو ممكن يعمل ايه لكن كده هو كل حاجه تحت عنينا
ريان بهدوء:وبعدين
فادي :طب دي طالبه مني اني اخطفها
زين :نفذ كل حاجه زي ما هي هتتطلب بظبط واخطف لميس فعلا تعاملها كده بظبط وفي الوقت دا كل حاجه هتخلص لان دينا هتكون معاك لازم تحس ان كل حاجه ماشيه صح فعلا ولميس كمان مش هتستحمل كل دا لو قولنا هتبين هي أو جنه عشان كده الاحسن كل حاجه تحصل بعيد
ريان :ومليكه !انت نسيت حوار سعديه
زين وهو يغمض عينيه :متخافش انا ظبط كل حاجه مع سعديه مليكه لازم تدخل المستشفى بس مش بالسم انا حاحطلها منوم تقيل شويه وهنشوف بقا هما هيعملو ايه ويا انا يا هما
بااااااااااك
جيلان بصدمه:يعني ايه يعني كل حاجه كانت مكشوفه قدامكو وانا الي طلعت في الاخر مغفله وانت يا فادي تخدع ابوك
فادي بغضب :ابويا هو الي كان بيبيع كل حته في البلد ابويا خاين ويستاهل الي حصله على العموم هو هيتنفذ فيه حكم الاعدام خلاص أما انتو بقا ربنا يتولاكو
دينا وهو تبتلع ريقها بصعوبه :قصدك ايه انتو اكيد مش هتقتلونا وكمان هتقولو ايه للصحافه والناس هتقولو انكو قتلتو عمتك وبنتها كمان
زين :ومين قال اني هقتلكو جااااااك يلااااا
فجأه فتح الباب في القفص الباب الخلفي للقفص ليستمعو لصوت يكرهه اي بشر او اي كائن على وجهه الأرض صوت زئير خافض يقترب منهم بعدها بثواني وجدت صوت اخر أيضا وهو زئير ثاني نظرو خلفهم بخوف ليرو اخر منظر يتمناه المرء وهم زيوس ورعد !!
زين :دا عقابكو وعلى العموم إذا كان على الناس فأنا هقول أن حصلكو حادثه وانتو رايحين المطار وماتو في المستشفى اوعدكو انكو هعملكو عزا مصر كلها تحلف بيه يلا بينا يا جماعه ورانا فرح سلام يا عمتي والبقاء لله
زين وهو يقترب من جاك ويقول له في أذنيه : متخلهمش يقتلوهم شويه وطلعهم بس لما يتربو شويه والبوليس مستنيهم بره
جاك بطاعه: تمام يا فندم
خرج كلا من زين وريان وفادي وذهبوا الي القصر ووجدو الجميع على قدم وساق
المسيري :عملتو ايه
زين بغموض :كل خير
قاسم :يعني كل حاجه كده خلصت
ريان :ايوه يابابا لميس فين
المسيري :فوق هي وجنه ومليكه ومراد وعمالين يهدوها مش عايزه
ريان :ايه الي حصل في ايه مالها !
قاسم بضحك :مش عايزه تتجوز ياسيدي
ريان :نعم ياخويا لا دا انا ادبحها والله
ركض بسرعه وصعد الدرج للوصول الي غرفتها
جلسو في الاسفل وفادي معهم واستقبله الجد مع بعد الاحتراز تفهمه هو أيضا : جدي انت لسه زعلان مني منا قولتلك كانت مسرحيه وخطه
المسيري :فادي انا عرفك انك غير ابوك وغير اهلك كلهم انا مربيك زي زين وريان بس الي حصل مكنش في الحسبان برضه
زين :انت تعيش الدور ولا ايه يا جدي دا انت صاحب الفكره من الاول من ساعت معرفت هي رجعت من هولندا ليه
المسيري بضحك :ولد عيب عليك دا انا المسيري الكبير برضه انا كبرت اه بس لسه ثعلب  زي مانا
قاسم :حلاوتك يا ثعلب انت
زين :بعد اذنكو بقا عشان اطلع لمراتي
المسيري :زين مش عايز يبقى فرح ريان بس
زين :اكيد وفرحي انا كمان
المسيري :ولا انت بس كمان
زين :قصدك ايه
مراد من خلفه :انا طلبت ايد جنه من جدي ومن عمي قاسم
ريان بضحك :انت تاني ياعم مش كفايه الي حصل زمان
مليكه وهي تظهر من العدم :انا مش فاهمه بقا ايه حكايه مراد مع جنه
قاسم :بصي يا ستي مراد كان جارنا هو وأهله من زمان اوي كبرو كلهم مع بعض المهم مراد كان مش زي مانتي شيفاه دلوقتي دا كان طخين اوي وبيحب الاكل زي عنيه وكان فاشل اوي في دراسته المهم جه شغل لباباه وكان مراد في الكليه وجنه كانت لسه صغيره برضه المهم قال لجنه أنه بيحبها وأنها تستناه لحد ميخلص ويجي يتجوزو جنه طبعا بعقل طفلتها هزقتو وفضحته في وسطينا وقالتله إنه شكله وحش وبني ادم فاشل وسافر مراد لأمريكا وطبعا لما رجع جه هنا الاول وحكناله الي حصل وحلف أنه لازم يوريها هو مين مراد دوايدار
مليكه :اه بس جنه بتحبه
مراد :بجد ازاي
مليكه :عادي مره كانت بتحكيلي نفس الي حكاه عمي دلوقتي ولما شافتك اول مره في الكليه وأنك الدكتور بتاعها اعدت ندمانه وحكت للميس وكانت أعصابها كل متشوفك بتحس بذنب بس مكنش ينفع تقوله أن باباه هو الي قالها تعمل كده عشان هو يشوف حياته ويبطل اكل ويذاكر ويبقى مراد دويدار دلوقتي الي الكل بيعمله الف حساب
مراد :يعني هي عملت كده عشاني ارجوك يا عمي جوزهالي
قاسم :اخد رأيها الاول
جنه من أعلى الدرج وهي تركض بسرعه للاسفل :انا موافقه بس بشرط
مراد وهو ينظر إليها بحب :خدي عمري لو عمرك نقص يوم خدي من فرحي لو الحزن زارك دقيقه
جنه : شرطي اننا نسكن هنا مع جدي وبابا ارجوك
مراد :اه بس يعني مينفعش انا عندي بيتي
المسيري :ايه المشكله اعدو هنا وبعد كده ابقو روحو هناك في الإجازات
مراد :وانا موافق بدال جنتي هتبقى معايا
جنه بهيام خافض وصل لأذنيه :بعشقك يا مرادي يا احلى صدفه !

استوووووووب
كده تمام اوووووووي وطبعا اسفه على صدمه فادي 😂😂😂 بس تمام يعني حصل خير
طبعا انتو متخيلين أن كده خلاص لا لسه شويه بس مش كتير عايزاكو متنسوش الڤوت بقا ❤️❤️وتقولو رأيكو عشان تشجعوني الروايه الجديده الشيطان وتدعولي كتير اوي اوي ❤️❤️❤️