قلبي لم يري غيرها

الفصل الحادي عشر

#قلبي_لم_يري_غيرها
#الفصل_الحادي_عشر

(الصلاة)
*بكسل أصلي*
بفضل اقول هقوم أصلى هقوم أصلى لحد مايضيع عليا فرض بعد فرض ومش بصلي أعمل اي عشان أبطل اكسل عن الصلاة….!؟

ياغالية  بيدك كل شئ وكما لم تكسلي عن الأكل والشرب بيدك لا تكسلي عن الصلاة…. انتي بتاكلي لما بتجوعي وتشربي لما تعطشي وكل دا عشان متموتيش بس فى الحقيقة احنا كلنا هنموت ولينا وقت معين وساعة معينة هنموت فيها … طب خلينا متفقين انك مكسلة عن الصلاة عشان بتعملي حاجة شغلاكي… طيب انتي لما بتفكري انك هتموتي مش بتخافي… مش بتشعري بخوف من وحدة القبر وانك هتروحي القبر لوحدك ومافيش حد هينفعك ولا هيجي يسليكي هناك…هديكي مثال مثلا يعني ايام الفراعنة كانو متخيلين انهم لما يموتو هيصحو تاني ويعيشو حياة تانية فكانو بحضرو لنفسهم حياة تانية وبحوشو الاكل والدهب والفضة وكل حاجة حلوة لان كان ف اعتقادهم انهم هيعيشو حياة افضل بعد مايموتو… واحنا لما بناكل ونشرب.لما بنجوع ونعطش عشان خايفين اننا نتعب ونموت. وعشان يسندونا نعيش ونكمل بقيت ايامنا . طيب لما نموت ونروح القبر ايه ال ممكن يسندنا عشان نعيش ونكمل…! بس احنا موتنا خلاص هنعيش ازاي بعد مانروح القبر؟؟ 
ياغالية.. احنا لما مش بنموت احنا بنتنقل من مكان لمكان تاني مش بتسمعي ف الجامع لما حد ربنا بيأخذ روحه بيقولو.. انتقل الي رحمة الله فلان.. دا مجرد انتقال من مكان لمكان أخر يااما تنتقلي لرحمة الله يااما تنتقلي لعذاب الله…. وايه ال يرحمني من عذاب الله بقا….؟

الصلاة

ايوا الصلاة هيا تقدر تمنعك من عذاب الله اول ماتدخلي القبر انتي بتصحي اصلا وبتسألي عن عملك واول حاجة بتسألي عنها الصلاة
فالصلاة ممكن تعيشك بعد ماتنتقلي لمكان أخر وهيا ال تقدر توديكي لرحمة الله يااما تركك لها تبعدك عن رحمته وترمي بكي الي التهلكة

لا تشغلي بالك وعقلك عن الصلاة ابدا… فالي الله سبحانه وتعالي : ﴿ فَوَيْلٌ لِلْمُصَلِّينَ * الَّذِينَ هُمْ عَنْ صَلَاتِهِمْ سَاهُونَ ﴾ [الماعون: 4، 5]؛ أي: الذين هم غافلون عن الصلاة، ويتهاونون فيها، ويتشاغلون عنها حتى يضيِّعون

ربنا اعطانا وقت لكل صلاة نصلي فيها يااما أن تكوني من أقبلو لمقابلة الله وقت ما ينادي عليهم يااما أن تتأخري عن نداء الله يااما أن تتركي النداء ويأتيكي نداء ويليه الاخر وأنتي لا تهتمي فتكسلي عن الصلاة مرة ويليها الأخرة الي ان تتركي الصلا

مثلا يعني انتي لما مامتك بتنادي عليكي مرة مش بتردي طب رجعت نادت عليكي تاني بتردي في التالتة يااما تردي يااما لا لكن مع زن زالدتك بتردي عليها يااما خايفة من أن تكوني عاقة لوالدتك ياما خايفة من أن تضربك والداتك يااما عارفة انها هتعاقبك بشئ ف الاخر

ولله المثل الأعلي ربنا بيناديكي في كل صلاة عشان تقابليه ياما تروحي عشان خايفة من عقابه.. ياما تروحي عشان عاوزة تكسبي رحمته وعطفه ياما تروحي عشان نفسك في حاجة تتحقق وحاسة انك لو صليتي حتحقق ياما مش بتروحي اصلا او بتروحي متأخرة فبيكون فاتك ثواب واجر كبير وقتها انتي بتبدأي تبعدي عن ربنا واحدة واحدة… وهو كل يوم ينادي عليكي خمس مرات لو مأقبلتيش لندأه.. الضهر اذن وتفضلي تقولي هقوم اصلي اهو طب أعمل دا الاول هخلصه وأصلي عطول شوية ومش كتير  تلاقي العصر أذن لحد مااليوم يخلص وانتي مصلتيش فروضك وتبدأي تجمعي الصلوات قبل ماتنامي.. وتيجي تصلي تبقي عاوزة تخلصي بسرعة عشان تنامي وبتصلي وانتي مرهقة ومكسلة اصلا فتكروتي الصلاة كلها في خمس دقايق أصبحتي لا تعطي ربك الا خمس دقائق من اربعة وعشرون ساعة وتصبحي من أصحاب الأية دي (وَلَا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ ۚ أُولَٰئِكَ هُمُ الْفَاسِقُونَ) سورة الحشر أية (19) (نسو الله فأنساهم الله انفسهم )انتي نسيتي ربنا ومتكرتهوش غير أخر خمس دقايق من يومك.. فهو هيخليكي تنسي نفسك طول اليوم ومش هتحسي بطعم اليوم ولا الوقت وتصبح ايامك ماهي الا سعات تشبه بعضها ولو فضلتي علي الحال دا يوم بعض يوم هتنسي حتي تجمعي الصلوات قبل ماتنامي  حينها ستصبحي من أصحاب هذه الأية وَمَا مَنَعَهُمْ أَنْ تُقْبَلَ مِنْهُمْ نَفَقَاتُهُمْ إِلَّا أَنَّهُمْ كَفَرُوا بِاللَّهِ وَبِرَسُولِهِ وَلَا يَأْتُونَ الصَّلَاةَ إِلَّا وَهُمْ كُسَالَى وَلَا يُنْفِقُونَ إِلَّا وَهُمْ كَارِهُونَ ﴾ [التوبة]