انتقام الشاهين

البارت الخامس عشر

#انتقام الشاهين
للكاتبة ضوء القمر

احن الشوفتك كل ساعه واشتاك
وصرت ويه الهوئ مكتوب اوديلك
ساعه اكتب احبك ساعه اني اهواك
وساعه الروح تطلع مني تمشيلك
........
اثير :شنو هالسؤال
ديما :اشبي سؤالي ترا مو صعب ولا تكلي اشلون عرفتي وليش هيج تسألين لان عرفت من وحدي محد كلي
اثير :ماكو داعي اجاوب
ديما :شنو يعني شكي بمحله
اثير :بخصوص شنو
ديما :تعرف بخصوص ماكو داعي اسأل كل اشويه لو أي لو لا وعيونك تحجي كلشي
اثير :ديما هالسوالف لا تشتغلين بالج بيها اوك
ديما :اني ما شغلة بالي بس انت الي شاغل بالي خايفه عليك
اثير :ليش وشكو عليه وتخافين
ديما :شوف نفسك انت عايش بس بالاسم حتى الضحكة تضحكها جذب ترا لا عبالك مااعرف وما الاحظ اعرفك من تكون فرحان ومن تكون ضايج وانت صار اهواي الحزن مرافكك
اثير :كل هذا ملاحظته واني ماادري
ديما :انت مو بس اخوي لا انت ملاذي ولازم انتبه لكلشي يخصك
اثير :اطمني اني بخير ماكو شي يكسر اخوج
ديما :والحزن الي بعيونك شنو قصته ليش متقبل نخطبها الك اذا هيج متعلق بيها
اثير :ديما ماكو هيج شي انسي السالفة لا اريد زواج ولا شي ولا اكو شخص بحياتي
ديما :احاول اصدك بس للاسف انت الي تخليني افكر لبعيد كولي هي الرافضة لو شنو

اثير.مطدرت اتحمل اسئلتها رغم كل كلمة كالتها صح بس ماكو داعي اعيش بوهم ماله أي أساس :ديما اسكتي عوفي هالسالفة واياج تحجين بيها فاهمه هالحجي مو الج واياج بيوم تفكرين بي ساامعه بس اسمع لو اشوف خيط من الموضوع متخلصين مني

ديما :يعني شنو تقصد أي موضوع الحب ليش
اثير :اني شكلت اسمعي الكلام وبس
ديما :ان شاء الله

اثير.سدينه الموضوع وكملت طلعتنه وصلتها للبيت ورجعت لبيتي وبدت رحلة معاناتي ويه ليلي الي اكضي بذكريات. تاخذني صفنتي لسوالف ايامنه وسهراتنه واشلون نتعارك ولا يوم عفتها حتى لو جنت تعبان او هي هم مرات نغفه سوه شذكر خجلها لو سوالفها الحلوة وغزلها الي جنت اذوب بي . مكابل الصور وكاعد رقمها الي بكل مرة امسحه وارجع اكتبه ماادري شنو وضعها هي هم مثلي لو لا تفكر بيه لو نست هم أمر على بالها .فزيت على صوت رسالة

باسم :كاعد
اثير.رديت عليه :ليش اني اعرف طعم النوم
باسم :شمنتظر
اثير :اوووف شمنتظر الي انو انتظرته ومااجه
باسم :عوفك من كل هذا وابدي من جديد اثير ترا تخسر اهواي واكلك عن تجربة
اثير :باسم اشلون نسيتها اشلون مكضي ليلك
باسم :نسيتها جان الزمن كفيل بنسيانها وليلي جان مثل ليلك هسه صار اغفه بسرعة فترة وتعدي وهم تغفه مرتاح
اثير :اشوكت صار ثلاث سنوات وأكثر مليت تعبت
باسم :الله كريم الدنيه متوكف على احد اني قررت اتزوج
اثير :شنو انت متاكد من الي تحجي اخاف تحلم
باسم :لا اثير اني شنو انتظر وليش هيج هامل عمري على منو الإنسانه الي حبيتها وراحت ولو هي من الأساس مو الي شكو بعد