انتقام الشاهين

البارت الخامس

#انتقام الشاهين
للكاتبة ضوء القمر

ادري بيكم
مثل عصريت عرس مادايمين
جزه المغرب وانه اغني...

شمالني..
..........
عسل.اظن اجه الوكت الي احجيلكم عني اني عسل البنت الصغيرة عمري ٢٣ جنت طالبة معهد طبي جماعتي تخرجو مفترض هسه اني اداوم بالمستشفى بس للاسف الحادث الي تعرضله بابا اهواي اثر عليه بشكل قوي بحيث فقدت القدرة على الكلام من غير الحزن الي عشته حالة بابل الصحية بذيج الفترة خلتني اتغب اهواي وخاصه جنت بحالة مو اقل من آلم الموت اذكر الي صار قبل الحادث بيوم

كاعدة اراسل بأثير
..اثير انت صدك تحجي
اثير :أي طبعا احجي صدك اجذب مثلا
عسل :شنو يعني كل ذيج الفترة كلامك كله جذب
اثير :لا ماجذبت بحرف بس هسه اني بعد مااكدر
عسل :هو شنو ماتكدر اثير شنو نسيت سوالفنه وكلامنه الحلو والغزل هيج بكل سهولة تكول بعد مااكدر شنو الي صار احد كله اني لعبه
اثير :لا تحجين حجي اني ماكايله واني مالاعب عليج بس ظروفي اقوى
عسل :اها ظروفك اوك كولي شنو ظروفك حتى اعرف تستحق انو تحجي هالحجي لو لا
اثير :مااكدر احجي كتلج ظروف وبس
عسل :انت شنو من بشر ليش تلعب بمشاعري وانت مو كد هالحب اسمعني الي يشتريني برخص مااشتري بلاش رووح بس قسما لو رجعت بيوم وحجيت ظروفك ردي مراح يعجبك وراح تتأذه أكثر من الاذى الي سببته الي
.سديته بوجه سنتين حب وهسه يكولي ظروف العن ابو الظروف الي يخليك هيج تصير اني الصوج مني ملازم انطيك كل هالاهتمام بس للاسف غرني حبك
.دخلت بحالة حزن وخوف وتوتر ومنا صار حادث الحريق بجمع بابا كلها التمت عليه بحيث دخلت بأنهيار عصبي وعلل اثرها فقدت القدرة على الكلام وكلما حالة بابا تسوء اني حالتي تسوء طبعا ابد ماحجيت ولا خليت احد يعرف انو مااكدر احجي لحد ما لمار عرفت بالسالفة وتخبلت حاولت وياي بس ماكدرت ومن عرف بابا بوكتها تخبل وزادت حالته اسوء الصرف والعلاج زاد مكان عدنه معيل غير بابا وكان كل الوارد هو من المجمع واشويه املاك ووكعت بابا والخسائر الي صارت خسرتنه كل املاكنه بسنة كل هذا صار الخالة المادية عدنه تعبت بابا الي جان صاحب وارد قوي صار الي كوة يحصل على قوت يومه مقبل ياخذ من أي أحد كان معتمد على الله والحمدلله الله ماخلانه نعتاز لاحد كدر بابا يستعيد صحته اما اني مارجعت مثل قبل اذكر من اخذني لدكتور

الدكتور :الفحوصات كلها تشير إلى انو حالتها الصحية جيدا بس العصب المسؤول عن النطق عاجز وهالشي مانكدر نعالجه
رواد :يعمي شنو دكتور ماكو أي امل ترجع تحجي
الدكتور :مااكدر انطك امل ولا اكدر اكلك لا متوجع بس الصدمه الي تعرضتلها كانت قوية يعني مو بالسهل ترجع نفس قبل طبيا ماكو علاج هالشي راح يأذيها وبدون فايدة الحبال الصوتية عدها تعبانه تأمل خير بابا عسل لا تفقدين الامل ان شاء الله ترجعين تحجين بس خليج قوية حاولي لا تعزلين نفسج