انتقام الشاهين

البارت السادس عشر

#انتقام الشاهين
للكاتبة ضوء القمر

تراك ويه النفس يالماتجي اشـــــــراك
وبالدم اليدور ادور احس بيك
......
الووو
اي نعم منو وياي
بشنو اخدمك
.بعد هي احجي وياه ومااسمع إلا شي انكسر وهنا التفت واشوف داليا....

داليا :ع عسلل انتي تحجين
عسل.صرت بموقف لا أحسن عليه من الخوف وشي حلو
.اني افهمج بس خلي ارد
هي بعدها مصدومه مني واني احجي كوة كملت تتصل بي والتفت عليها
..داليا

داليا :مااريد اسمع أي حرف متدرين فرحانه بيج بس الظاهر انو انتي ماريده احد يعرف
عسل :داليا بس خلي افهمج والله .والله مو الي ببالج اصلا فرحتي ناقصة
داليا :ليش شنو تردين أكثر هاي وانتي رجعتي تحجين وأتوقع هالشي وحده كافي يخليج فرحانه

عسل :داليا احس نفسي من رجع صوتي انسانه ضايعه ماعندي شي تهدف اله
داليا :من اشوكت كمتي تحجين
عسل :من اجيتو عليه بليل بس صوتي وبس اني مكان يطلعن
داليا :يعني زياد صح كلامه
عسل :أي صح بس اني مجنت مصدكة وحاولت بس جان صعب عليه وهاي أول مرة احجي حجي مستمر
داليا :اووووف لج انتي اشوكت تتعلمين من يصير شي وياج تخبريني عسل انتي مت صغيرة والي صار مفترض تخبرينه بي متعرفين احنه اشكد منتظرين تحجين
عسل :اني اسفه وكلامج صح بس اني مجنت خايفه انو هذا حلم
داليا :لج بابا أي حلم هاي انتي تحجين مثلنه رجع صوتج يملي المكان اااووف اشكد مشتاقتله ولو زعلانه بس هيج خبر طيريني لفوك

عسل.رغم اشوف الفرحة بعيونها بس اني ماحاسه بفرح ماادري يمكن لان ضاع اهواي من عمري :اسفه يروحي
.بيومها من عرف زياد ماصدك فرحان أكثر مني  وعزمنه على مطعم وهناك سوالي حفلة بهالمناسبة وخبرت ماما وبابا ولمار فرحتهم كانت متنوصف

رواد :بابا عسوله انتي زينه كوليلي خلي اسمع صوتج
عسل :فدوة الك عسل أي يروحها اكدر احجي اني فرحتي بيكم أكثر
.جنت احجي وابجي اما ماما هه خطية كانت تبجي
..فدوة لكلبج ماما كافي تبجين هاي اني كدامج
سوسن :لج ماماتي فرحتي بيج جبيرة الف الحمدلله انطاني مرادي
عسل :الف الحمدلله بس على كيفكم وياي ترا احس نفسي أول مرة احجي

لمار.فرحتي باختي خلاني انسه اشويه يمكن سالفة عسل اجت بوكت مناسب كلش اشوف بابا وماما اشكد فرحانين بيها فدوة ربي يحفظهم النه لوما همه احنه مالنه قيمة
..عسل يعمري الف الحمدلله على سلامتج يروحي احلى خبر ان شاء الله يوم الفرحة الاكبر
عسل :حبيبتي احبج
لمار :اويلي رجع لسانج بعد شيخلصنه
عسل :عابت

.ظليت اسولف وياهم وكالة انو راح يجون علينه بليل لكيت رسالة منه أول مافتحتها فرحتي كلش جبيرة بس رده صدمني
   
اثير :ليش رديتي مو نسيتج
.اني ما نسيتك
اثير :هه على منو تكولين هالحجي
.ليش هيج صاير قاسي
اثير :انتي السبب وأتوقع ماكو شي ينحجي
.يعني صرنه غربه
اثير :ايي انسي مثل مانسيت
.بس صعب انسه ولا تكولي نسيت
اثير :اوووف ولج انتي شنو مو كلشي نهيتي ليش رديتي
.مو بيدي كلبي هو الي جابني
اثير :وكلامج وتصرفاتج شتغير هااا لا تكولين ندامانه
.اثير احنه اثنينه غلطنه يمكن انت غلطت أكثر مني بس اني حرجتك أكثر بس
اثير :بس شنو عسل بس شنو ولج تعرفين بيه كلبي ماهوى ولا راح يهوى غيرج
.اعرف واني
اثير :انتي شنو عسل انتي تعرفين اني صار بيع بغيابح ولج لحظة مانسيتج بس بعد الي صار وكلامج هذا هو كرامتي فوك كلشي