انتقام الشاهين

البارت الحادي عشر

#انتقام الشاهين
للكاتبة ضوء القمر

الليله ماخذني
الحزن غـاد
چم غنوه وشچم..كاس مافـاد
.......
قحطان :شاهين مكتلي شنو آخر الأخبار
شاهين :أي أخبار
قحطان :ام صدام شمسويه
شاهين :لعد اني صارلي ساعة شحجي
قحطان :اعرف بس اقصد شمسويه من بلاوي
شاهين :اهواي بعدها نفس ماهي كلما تكبر كلنا تكبر سوالفها
قحطان :لسه مسيطرة
شاهين :شي اكيد وحاليا هي احد اعضاء كتلة ال... الحزبيه
قحطان :اهاا كتلة جبيرة ومعروفه اشكد بيها حواسم
شاهين :هو شغلهم شنو لعد بس وين يروحون اوى وتالي يوكعون
قحطان :أي بس بعد ما يلكفون الأول وتالي
شاهين :هي الحكومه هيج تريد عالعموم الي اريده منك تكون حذر لا تنسه انت قبل عليك شبهات
قحطان :قبل هسه منو يعرفني عجبنتي الأسلحة منين جبتها
شاهين :وصلتلي هدايا من كم عرف
قحطان :كله روسي جماعة روسيا اهواي يعزوك
شاهين :اكيد امشيلهم اهواي شغل خما اشتغل بلاش
قحطان :امم حقك بس كلي ليش ضربت هيج ضربة قوية
شاهين :بشنو اضربها تجارة كانت ضربتها الي ماارد نفس الضربة لازم بشي اقوى
قحطان :بس عادل هذا مو اشويه
شاهين :إذا عاش
قحطان :ليش هيج مسكطي
شاهين :ههه اكله بين الحياة والموت
قحطان :يعني جنت متقصد تأذي هيج
شاهين :تكدر تكول هيج هو مو اقل من امه بسوالفه مجنت مخلي ببالي بس سوالف امه السبب خلي يستاهل اكلها مااظن يطلع عايش الضرب الي اخذه مو اشويه
قحطان :منو الي ضربه الشباب
شاهين :يعني بس الحصة الجبيرة الي
قحطان :اويلي يعني ماكو رحمه ابد
شاهين :محسسني انو اني ذباح
قحطان :لا مو هيج بس مو اشويه انت مترحم احد هو اني ماخلصت منك
قحطان :من سوالفك
قحطان :هه المهم هسه المطلوب مني اقتل لو احمي لو شنو
شاهين :قحطان اشبيك مو صار اشكد احجي شنو يصير انت تستلم المهمة بشكل عام حاليا حماية وبعدها اقتل بس ها انتبه اقل غلطة نخسر اهواي
قحطان :احاول بس كلي شاك بمنو يأذوك
شاهين :اهواي أشخاص بس اكيد راح يستغلون الي مو حواليه
قحطان :مثل منو
شاهين :اختي مسافره وعندك عبدالله وعمي ثلاث أشخاص مهمين
قحطان :امم هيج يحتاج مراقبة مشددة احتمال جبير يكون أقرب منهم
شاهين :لا مااظن المهم هسه اريدك تعرفلي مواقعهم حتى تكدر تباشر
قحطان :سهلة
...
عسل.ثاني يوم طلعت لدوام طبعا بديت من نقطة الصفر وهنا ساعة اكون متحمسه وساعة كارهه كلشي اليوم من غير كل الايام احس بملل وكأبة فول من غير خنكه حتى المحل من دخلتله متغيرت نفسيتي رغم الهدوى الي بي ومنظر الجميل ماادري شنو السبب معقولة بسبب الرسالة لو شنو زين اني مو هذا الي اريده مو واعدت نفسي انسه كلشي شنو الي تغير .
مليت من الكعدة طلبت اذن اطلع اخذت اذن وطلعت امشي وصافنه على العالم الي وحده والي وياه مرته او حبيبته او عائلة او اصدقاء والي مشغول بحياته كل واحد ومشاغله. اما اني ماادري اشوكت راح اكدر اكمل جامعة وارجع احجي من جديد مليت من كوني مااكدر احجي اتمنى لو يرجع مشتاقه لصياحي وعياطي واسمع صوتي مليت من وكوني ساكته ماادري يمكن لو يشوفوني الي جانو يتمنون اسكت هسه يفرحون يكولون وين صوتج الي جنتي هارجتنه بي. اايي صوتي راح مثل ما راحت كل الأشياء الجميلة الي جانت محليه حياتي مرات الإنسان يفقد كلشي يملكه ومرات يفقد صحته الي مستحيل أي املاك تكدر تردها ومرات تفقد أشخاص همه علاج الك ومتمدر ترجعهم ومرات تفقد أشياء جانت مصدر قوة الك ومن تخسرهم تخفي نفسك عن العالم وهذا اني خفيت نفسي
.جنت امشي ومامنتهبه على الطريق ماحسيت إلا واحد جرني من ايدي حيل وظمني لصدره هو صاح باسمي بس ماادري منو