انتقام الشاهين

البارت العاشر

#انتقام الشاهين
للكاتبة ضوء القمر

گدرنا نرد غرب ونلم رسايلنا
وصور تندل منين تكظ خواصرنا
تندل وين تلچمنا
شعجب صرنا غرب هيج وتوادعنا
......
شاهين :اي عمي الوضع اشلونه
مهند :مثل ماهو ولو احسن من بغداد بس تعرفون دوم انو مناطقنه مو دوم على صلح ويه الدولة
شاهين :هم حاسب عدنه دولة خليني ساكت أحسن ما احجي واخرب الكعدة
عبدالله : همزين تعرف
مهند :هاي بعد الحمدلله عبدالله صدك سالفة سفرك
عبدالله :أي و الله عمي ان شاء الله خلال كم يوم اسافر شهر وارجع لوما الندوة والدورة التدريبية فلا اروح واترك عيادتي بس المستشفى اختارتني واطريت اقبل
ام براء :بس هذا الشي زين
عبدالله :هي من ناحية زين زين بس تعب هناك  يراد طول الوقت دراسة واني تعبت اهواي مابيه بعد ادرس اضافه الدورة لمناطق اشويه خطرة
ام براء :الله يكون بالعون

شاهين. طول مااحنه كاعدين هذا عيونه تبوك نظراته وهاي مو اقل منه بعد الغدة كعدنه وفتحت الموضوع ويه عمي

مهند :أي شاهين كلي اكو شي
شاهين :ماادري اشلون افتح الموضوع وياك بس راح احجي بشكل واضح عبدالله ناوي على زواج
مهند :بالخير والبركة مخير احد
شاهين :إن شاء الله تكون من نصيبه عمي اعرف انو لازم هالسوالف تكون من قبل النسوان بس الحجية والأمهات صعبة وكلت نحجي احنه أول ونشوف بعدها اشلون تصفه
مهند :أي كمل
شاهين :عبدالله طالب القرب منك
نظرات عمي كانت صعب تفسر واكيد السبب واضح براء صغيرة وعبدالله دخل بالثلاثين

مهند :اتشرف بعبدالله ولد الغالي بس ليش بنتي
عبدالله :عمي وين الكه مثل بنتك وتربيتك اخليها بعيوني
مهند :بس هي بعدها صغيرة وانت تعرف بهالشي
عبدالله :العمر مو مشكلة ياما تزوجو وأعمارهم مامتقاربه
مهند :اعرف اني عن نفسي ماعندي أي مانع انت ابن عمها واوله بيها من الغريب بس تعرف لازم اشوفها نسالها القرار الأول والأخير الها
عبدالله :اكيد والي تكوله اني قابل بي ان كان النه نصيب خير وبركة واذا لا بعد كلمن ونصيبه
مهند :إن شاء الله خير بس هسه اجل الموضوع السنه هي سادس مااريد يأثر عليها شي
عبدالله :اكيد طبعا
شاهين.رغم مبين عليه ضاج بس أحسن من الرفض توقعت يرفض بس الحمدلله قبل من بعدها السوالف متخلصت بس اني عندي شغل وهذا بطران ماقبل نطلع
..و الله الود ودي ابقى بس مشغول كلش ان شاء الله على المرة الثانية نبقى انتو هم تعالو لبغداد
مهند :إن شاء الله درب السلامة

شاهين :هااا دكتور كول قصرت
عبدالله :هو انت شكلت اشو هو الموضوع وحده صار
شاهين :لا حول ولا قوة الا بالله لك انت وبعدين وياك مو زين مني اجيت وياك بس صوجي كان مفترض اعوفك وحدك
عبدالله :على كيفك يابه شكلنه وعصبت ادري امك جانت بحرب وجابتك
شاهين :ااااخ خليني ساكت ليش متعرف اني اشوكت صرت هيج
عبدالله :ايي خلي الجروح لا تهيجها الله يرحمهم صدك تعال عمي مهند كأن ردك عليه ماعجبه
شاهين :بخصوص شنو
عبدالله :يعني شنو برأيك سالفة الحادث الي متعرضله ابن هاي العار
شاهين :اشبي ردي كان عادي
عبدالله :اني اعرف وانت تعرف مكان عادي جنت تعرف بالحادث موو لو
شاهين :لو شنو اشبيك
عبدالله :اني أكثر واحد اعرفك اشكد تتمنى يمون واحد منهم بين اديك
شاهين :مو مهم وانت لا تشغل نفسك بهالسالفة
عبدالله :يعني شنو افهم منك
شاهين :عبدالله مااكو داعي تسأل كتلك انسه السالفة وخلاص
عبدالله :ليش هيج معصب اذا اكو شي كلي
شاهين :شكو يعني ماكو أي شي لا تظل تسال وخلاص تعرفني اتخبل من طاريهم
عبدالله :مااشي راح اسكت واسد السالفة بس لذا صار شي أول واحد اعرف اني خلي ببالك هالحجي
شاهين :لا تخاف ماكو أي شي من الي ببالك
عبدالله :اتمنى لان صدك وكتها يصير غير شي
شاهين :شنو اشبيك تحجي هيج كول شعندك وخلصني لا تظل تحجي هيج
عبدالله :احجي ليش لا هي خربانه خلي احجي وافظها عندي احساس الك ابد بالحادث