انتقام الشاهين

البارت السابع

#انتقام الشاهين
للكاتبة ضوء القمر

سرقوا مني كل شئ ، روحي وبريق عيني وابتسامتي، ونسوا ان يسرقوا أحزاني!!
........
عسل.فتحت الهدية جانت بوكس بي صور محادثاتنه اني واثير اقره بيهن وابجي هذا ليش دازهن الي كاتب افتحي التسجيل

..بمكن اهواي جنت قاسي وظالم من ماخبرتج بس اكو اهواي امور صعب تنحجي والي مريت بي مو سهل متعرفين اشكد تعذبت بعدج لا تتوقعين مرتاح لا ابد وحقج شفت الموت جنت باللحظة الف مرة اموت ولا لحظة مرت بدون ماتفكر بيج دوم مسيطرة على كلبي وحقج لو زعلتي وشلتي بكلبج عليج بالعكس اصلا انصدم اذا ماشلتي عسل لخاطر لحظات الي جانت احلى شي بينه ولج اشكد تمنيت لو اكدر انساج بس انتي حلم والحلم ماينسي ماجاي ابرر لنفسي واني غلطان بس اطلب منج لا تنسين هالمحادثات اني متاكد انتي مامحتفظه باي محادثة النه خلي بعلمج كل محادثة النه جنت اصورها واسحبها جانن هنه الشي الوحيد الي ظل الي واحلى ذكرى اشكد دورت وسألت والرقم كوة حصلت عليه عسل اووووف شحجيلج عن شوكي لو عن لهفتي الج لو عن سوالفنه اني اعترف خسرتج بس اني جنت مجبور غصب عني ابتعد بس وحق الي خلق حبج بكلبي ماشفت أي راحة ولا نسيتج لحظة جنتي وياي بكل لحظة مرات جنت اكول بلكي تزوجت حتى اموت مرتاح وأأيس لان اعرف كل الزين انتي مراح تسامحيني ولا تنطيني فرصة اسف طولت بس الحجي اهواي اتمنى تعجبج الهدية مارايد شي بس تذكريني واذا جان الي فرصة بالسعادة تصير واذا لا هذا هو اقبل بالي انقسملي واعيش بحسرة الحلم...

عسل.جنت اسمع للحجي ودموعي ينزلن همزين محد يمي اااخ يكلبي بعدك تحن جنة اظن نسيت وتبت بس للاسف اظاهر ناوي تخسر الي بقى مو عمرك بس مستحيل اخليك تسيطر هالمرة هالمرة اني امشيك

جان عقلي يكولي شي وكلبي شي ثاني كلبي امره مو بيده للاسف الحب يجرحنه اهواي بس نظل نحب وبكل ماعدنه من طاقة اشكد اتمنى احقد صح اني نسيته بس من طلع بوجهي رجعت كل ذيج الايام والي ضميته سنين طلع هسه ااااخ اني ماصدكت تغيرت اشويه ارجع مرة ثانيه للظلام الجنت عايشة بي مستحيل الي فات مات

...
داليا :عسل شنو سالفة الهدية ووضعج هالفترة ماعاجبني اكو شي

عسل.كأن اني ناقصه وسين وجيم اعرف كل الزين داليا مراح تعوفني كتبت بالورقة
ماكو شي لا تخافين بس ماادري احس نفسي هالفترة اهواي مشتاقه ان شاء الله اتعود والهدية عادي مجرد هدية من صديقة قديمة

داليا :امم راح احاول اصدك عالعموم راح تبدي المدرسة دروسها اشوكت راح تبدين
عسل.يمكن الدوام اجه بوكته
:اني جاهزة للدوام ان شاء الله

داليا :إن شاء الله
عسل.بعظ ذلك اليوم ماشفته وهالشي خلاني ارتاح وقررت اهتم بدراستي واستغل الفرصة كافي الي ضاع من عمري تواصلي مستمر ويه اهلي وتشجيع بابا وماما الي مااريد اكسرهم همه تعبو وخاصه بابا الي دايشتغل بس علمود اني اكون بخير ولمار الي مكضيه وقتها شغل هم علمودي لازم افكر بيهم وبس والي ما يفيدني اتركه