انتقام الشاهين

البارت السابع عشر

#انتقام الشاهين
للكاتبة ضوء القمر

حزن ملموم لمة غيم
وأنه خايف على ترابي
ماضل كتر مابي ماي دمعي مسرد ثيابي

..........
الكل بقاعة الاحتفال أضخم لقاء لأصحاب الشركات من كافة أنحاء المنطقة من ضمن الموجودين ام صدام هل ستكون امسية هادئة ام مشحونه بالكثير من النقاشات الحادة
...
لمار.بعد مافكرت زين قبل اجي للحفلة وعرفت انو هالحفلة كل سنه تصير بمناسبة افتتاح الشركة واكيد يحضرها اغلب أصحاب الشركات ورجال الاعمال الكبار وهالشي مو جديد رغم بابا ماجان قابل بس بنهاية المطاف قبل جهزت نفسي للحفلة لبست فستان كلش حلو وصيت عليه لونه اسود والشغل بلون فضي كان الشغل على الصدر لحد الخصر نفش بس مو كلش وهم مو طويل لحد الكعب طوله كلش حلو لبست كعب فضي والشال اصلا اسود اجه امين اخذني. دخلت للقاعة واكيد أي شخص يدخل الانظار عليه وره فترة اجه قيصر الحفل هه
لمار :أمين انت متاكد انو المدير محد يختارله بدلاته
امين :ليش
لمار :يااخي انيق كلش واللون الاسود
امين :خيرر شكو وره هالحجي
لمار :ولا شي ابد
بدلته كانت كلش حلوة يعني يجبرك تباوع عليه

لمار :امين ليش احس اكو راح نشوف فلم من الطزاز الحديث
لمين :وهو كذلك
لمار :يعني شنو ترا بديت اخاف
امين :انتي شوفي وبس ميصير شي
لمار :لا واضح اشو اشوف الكل عيونهم بيها حجي يوكف شعر الراس اما الشاهين لا هذا بحث آخر هذا قيصر الحفل شنو ممكن يصير ...
امين :لا تخافين ماكو شي
لمار :واضح كلش هاي المرة منو
امين :لا تسألين مراح تلكين جواب خليج اخد ظروف الحفل وبس ولو انتي سكرتيرة المدير
لمار :عود انت وضحت شي لو ساكت أحسن
امين :هو الزين
...
شاهين.الحفل هالمرة جبير والدعوة كانت لاهواي شركات من ضمنهم ام صدام وجنت متقصد ادزلها الدعوة وكنت متاكد راح تحضر
..الكل اجه
حسان :نعم استاذ الي على القائمة كلها موجودة
شاهين :تمام امين وين
حسان :ويه الانسه لمار هناك

شاهين.باوعت عليهم دخيل الله هاي ناويه على موتها يعني كلما اكول راح تبطل تلفت الأنظار الكاها غصب تلفت النظر المشكلة اني اتخبل ولا واحد يباوع ليش يخصني وهي من ضمن أشياء تخصني طلبت يجون

امين :اهلا استاذ طلبتني
شاهين :امين أي تصرف تشوفه تركز مااوصيك عليه الحراسة اشلونها
امين :مثل ماطلبت مجهزين لكلشي
شاهين :تمام انسه لمار أي كلام ويه أي شخص متعرفي ماكو خليج بعيدة افضل للكل

لمار.بصراحة استغربت ونفس الوقت ضجت شنو يعني :في سبب
شاهين :هالسبب ملازم تعرفي امين انتبه عليها

لمار.راح واني تعصبت :اكلك لعد شكو اجيت اذا تبقى مجرد صنم بالحفلة كولي شنو موقعي بله وليش هيج طلب
امين :لمار لا تنسين الي صار يعني انتي محد انتظر واكيد تعتبرين هدف لإسقاط الشركة
لمار :ترا كلشي مجاي افهم اشلون يعني
امين :ماكو داعي اشرح مو زين عليج خليج وياي وبس  
لمار :امم خلي نشوف وين توصل وياكم
.طبعا الحفل جبير واكو اهواي حتى بديت اضوج وهاي الحفلة توها بدت الكل باين عليهم حقد والكره وكلمن يريد يثبت نفسه أحسن من غيره .بس الي لفت نظري هو نظرات هالمرة ماادري ليش احس وراها شي جبير وهم شاهين الي نظراته مو اقل منها معقولة اكو شي بينهم
..امين .امين. امين اكلك لك امين
امين :شكووو مات امين اشبيج الكل سمعج
لمار :أي اشبيك مترد
امين :انشغلت اشويه شكو
لمار :بداعت الغوالي كلي منو هالمرة صار عندي فضول مو طبيعي اعرف منو
امين :ايااج لمار اياج تقربين منها سامعه خليج بعيدة بعد الشمس
لمار :ليش شكو شنو راح تاكلني لو شنو اشبيكم
امين :مابيه المهم لا تسألين وبس