انتقام الشاهين

البارت التاسع عشر

#انتقام الشاهين
للكاتبة ضوء القمر

صعب دونك اعيش وغيرك اختار
لان بس انت وحدك تفهم الروح
وصعب انساك وانسة سنيني وياك
من بعدك اعيش العمر مجروح
وصعب تصبح محبتك بس بالعيون
لان كلش احبك حبي مفـضوح
يااجمل نغم غنيتة بالكون
ويااعذب لحن وتعزفلك الروح
ويااجمل قصيدة واحلى كلمات
يالوجهك كمر وعيونك نجوم
يانور الشمس الما غابت بيوم
ويظل وجهك ينور رغم الغيـوم
............

لمار :انت شنوو بكييفك تسوي الي براسك
قاسم :ايي بكيفيي وغصب عنج تقبلين ساامعه

لمار :لا مو على كيفك
رواد :لمااار

لمار.جنت معصبة كلش واصله حدها وياي من وره كلام هالقاسموو بابا من صاح عليه التفت عليه جان معصب صراحة خفت لا يجبرني على شي
..بابا

رواد :اشش مااسمع ولا حرف وانت قااسم مو هيج الحجي ماكو شي بالغصب
قاسم :عمي تعبتني واني مستحيل اخليها تروح لغيري

رواد :قااسم اني شكلت
قاسم :عمي خليني اتصرف اني أحسن
رواد :مو هيج هيج راح تزيد الطين بله خلي الامور تهدئ

لمار :بابا ميحتاج اني كلت الي عندي
قاسم :مو بكيفج ساامعه
رواد :انتو شنوو ماتحترمون مو واكف اني لمار ادخلي ولا حرف

لمار.انجبرت ادخل اااخ لو بس يخليني املص راسه من جسمه دخلت جوة ماما تحجي عفتها كلش معصبة لدرجة أي شخص يحاجيني اذب حركتي بي .افضل حل حتى اهدى هو انام وفعلا هذا الي سويته غلقت جهازي وسديت الباب وخليت سدادت اذن وشربت فاليوم ونمت لان اذا ابقى اخرب كلشي ..

..
رواد :قااسم من احجي يعني خلاص الموضوع يمي
قاسم :عمي حجيك على عيني وراسي بس بنتك راسها يابس ماتسمع الكلام وبكل مرة اكول ميخالف اصبر عليها بس وصلت حدها
واني بعد مااكدر

رواد :أول شي اني كتلك بنتي مااكدر اجربها على شي متريده مو عاد زواج وعشره عمر قاسم اذا الك متصير لغيرك

قاسم :لا تكلي هيج اني انتظرت اهواي وهسه تكلي اذا الك متصير لغيرك اشلون حجي هذا

رواد :وليدي الزواج مو جبر هيج حياتكم. تصير كلها مشاكل مو عاد وانت جابرها على شي هي متريده

قاسم :هذا هو عمي اني راح اسمع كلامك وانتظر ونشوف بس اذا صار غير الي ببالي لحد يلومني على الي اسوي

رواد :لا حول ولا قوة الا بالله العلي العظيم
سوسن :أبو داليا اني مااريد ادخل حتى لو الموضوع يخص بنتي بس انت ترضاها هيج قاسم يجبرها بنتي واعرفها مستحيل تقبل

رواد :سوسن اني تعبان كلش راسي كوة متحمله سدي السالفة نحجي بيها بعدين كالي خلك هالغبي تعبني كلش

سوسن :الله يساعدك عيني روح ارتاح
.ااخ هذا منا وأركان مناك ماادري شسوي دخيلك ربي اهديها لطريق الصح