انتقام الشاهين

البارت الرابع

#انتقام الشاهين
للكاتبة ضوء القمر

واشكد انتظر
هو العمر مثل الخرز معدود
........
لمار :وعليكم السلام
جنت ارد ببرود عكس النار الي بداخلي

اثير :هيج صار ردج بارد
لمار :ليش اعرفك اني حتى ابد بأحسن من هيج
اثير :هاا يعني صرت ماتعرفيني
لمار :احد كلك احجي بلغة مامفهومة
اثير :لمار شنو الي تغير ليش هيج تحجين وياي ترا اني اثير
لمار :اثير منووو ولا تصيح كول شرايد
اثير :هه مع الاسف هيج صار موضعنه
لمار :شنو تريد اثير وليش اتصلت واصلا متين جبت رقمي
اثير :مو صعبة عليه اجيب رقمج المهم كوليلي هي اشلونها كلبي
لمار :أياك تجيب اسمها على لسانك انساها
اثير :انتي اشبيج وياي نسيتي ايامنه
لمار :انة كلتها ايامنه وراحت مثل ماراح كلشي وياها
اثير :مااشي مااريد اصعب المهم عندي عسل
لمار :بعد كل هذا الوقت جاي هسه تسأل عنها بعد كل الي صار هسه تذكرت هاا شكو جاي

اثير :حقج متعرفين الي مريت بي وتعرف اني غلطان بس مالج حق تمنعيني عسل
لمار :كتلك لا تجيب اسمها على لسانك
اثير :وليش ما اجيب اسمها هااا
لمار :انسه وحدة اسمها عسل كافي الي مرت بي منريد نشوف أكثر
اثير :واني شكو بكل الي صار
لمار :اسمع اثير هالمرة رديت عليك مرة ثانية تشوف غير شي اياك توصل لعسل او تحاول تعرف شي عنها وخلي بعلمك عسل مو هنا عسل سافرت وكلشي انته
اثير :شنوو سافرت ليش سافرت نست اني منو
لمار :اثير كتلك لا تحاول انت ماضي وراح وعسل متريد احد من الماضي
اثير :ماشي راح انهي الاتصال بس مستحيل اعوفها وخلي بعلمج اني من هم تعبت اهواي لحد ماوصلت للحالة الي هسه بيها للاسف جنت اتوقع راح الكه شي يفرحني بس طلعت غلطان اسف ضوجتج انسه لمار

لمار.سد التلفون واني اتنفس بقوة بعد كل هذا الوقت جاي يسأل وهو ميعرف بالي مرت بي عسل اشكد تمنت تكون موجود وياها بس للاسف كلكم جذابين.

.صار الوقت اعرفكم عن نفسي اني
لمار عمري ٢٥ خريجة إدارة أعمال بس للاسف الحظ ماحالفني ومالكيت وظيفه حالي حال اهواي من الشباب بالعراق. شكلي حلو سمرة بنسبة بياض عيون جوزي وشعر اسود مو طويل كلش طولي متوسط صاحبة جسم معتدل بطبعي عصبية بس مو بسرعة اتعصب عنوديه فول كلشي ولا واحد يعاندني بشي عائلتي متكونه من بابا الله يحفظه وماما واختي الصغيرة عسل واختي الجبيرة داليا احنه بس ثلاث بنات داليا خريجه دار معلمين متزوجه من استاذ وياها بالدوام عدها رامي وريما حياتها حلوة متفاهمين اما عسل اااااخ ياعسل خطية ماكملت دراسة بس الحادث الي صار
نرجع قبل ثلاث سنوات
.نزلت من غرفتي وحياتي الي بروتين ملل احاول بكل الطرق اتفائل بس الحياة متخلي احد يتفائل
..صباح الخير
سوسن :صباح الظهر بعد وكت جان بقيتي
لمار :كل يومية نفس السالفة وين اروح شوفت عينج بابا ميقبل اشتغل
سوسن :و انتي تظلين هيج كاعدة
لمار :اقنعي رجلج اني اشوف شغل لان من صدك مليت وطكت روحي
عسل :هلااو
لمار :هلا ليش ممدوامه انتي الثانية
عسل :مابيه حيل مدري اشبيه احس بخنكه كلت ابقى هنا احسن
سوسن :ياساتر اشبيج يمه
عسل :والله ماادري ماما احس بخنكه ماادري مدري اشبيه
لمار :هاي سوالفج اعرفها تردين اطلعين موو
عسل :هه لا والله هالمرة ماكو هيج شي المهم اشبيج طاكه روحج
لمار :ااووف يعني متعرفين موو
عسل :يمعودة ابوج لو اطكين راسج بالحايط ميخليج تشتغلين إلا لو بشركة لو تعيين
لمار :خاب شو اسكتي هو اني ناقصه
سوسن :كافي ويله كومن ساعدني نجهز الغدة