انتقام الشاهين

البارت الثاني

#انتقام الشاهين
للكاتبة ضوء القمر

انا ذاك التايه بشوغات حزنه
وتفتر الـ آخ بوريدة

..........
صافنه على الملفات الي بيها ارقام كارثه ومندمجه وياهن وايدي جوة خدي وفجأة شميت عطر مستحيل بيوم انساه او انسه الي صار بوكتها ماادري اتوهم لو صدك بس مستحيل اخطأ رفعت راسي وفتحت عيوني على وسعهن...
.معقولة هو هذا نفسه ليش احس بخوف لالا مستحيل يكون هو بس ليش لا اشو نفس العطر والدخله والعيون ..

نعود ليوم الاثنين بتأريخ ٢٠١٥ ساعة العاشرة صباحا في جامعة بغداد تحديدا قسم الادارة والاقتصاد ..

لمار.اليوم هو أول يوم النه بعد العطلة الصيفية الي كانت اسو عطلة و بعد ماادري شنو أكثر منه نشوف بطبعي علاقتي ويه الطلاب مو كلش بس منار الي تعرفت عليها العام طبعا اني طالبة مرحلة ثانية ادراة صافنه بالي صار ويانه  واشلون الدنيا بعدها تمشي ويانه بكل همتها ماادري ليش احس الجاي يخوف أكثر

منار :لمار اشبيج حبي صافنه
لمار :لا ماكو شي هيج اشويه شردت اكو شي
منار :ادري بيج تعبانه من الي صار بيكم بس الحمدلله انتو طلعتو سالمين
لمار :اااه لج مااصدك بابا طلع سالم جان أكثر واحد منه متأذي ماادري شكول بس الحمدلله رغم حالة الي جنه بيها
منار :يمعودة اهم شي سلامتكم وكلها فدوة
لمار :أي الحمدلله
منار :المهم يله المحاضرة بدت

لمار :تمام
طلعنه للمحاضرة والدكتور ماخله بينه شرحه اهواي صعب كمل اليوم كالعادة بملل لان بداية دوام جان بابا دوم يجيني بس السيارة راحت وهسه ماادري اشلون راح ارجع منار طلعت هي بغير منطقة .واكفه ببابا الجامعة وكل اشويه اباوع للساعة بابا تأخر حتى متصل بيه ماادري اخاف نكدر يجي قررت اخذ تكسي شلت ملازمي ومشيت توني اريد اعبر واجتي سيارة بكل سرعتها بحيث من الصدمة وكعت حسيت هذا هو رحت بيها اذا ذيج المرة طلعت هالمرة بالمكان ماادري اشكد مر من الوقت بس من سمعت صوت

..يبنيه انتي بخير. خرب اشلون سالفة هاي

لمار.فتحت عيوني وباوعت لكيته شاب للبس اسود كله رغم حلو بس عيونه تخوف ومعصب
هديت بي
..انت متشووف كدامك هاا اكو واحد صاحي هيج يسووق

..اشششش صوت مااسمع انتي مابيج شي راح امشيها الج كلمة صاحي

لمار :وانت منوو حضرتك حتى تمشيها هاي بدل متكول اوديج للمستشفى

...ليش صار بيج شي انكسرتي كلشي مابيج متشوفين السانج شطوله

لمار :انت اشلون تتجرأ وهيج تحجي

..اهووو اسمعي بنت الناس اني مفارغ تردين تعويض انطيج كولي اشكد تردين

لمار.استحقرته كلش :احد كلك اجدي صح ماعندك اسلوب عبالك كل الناس مثلك
شلت ملازمي وجنطتي ومشيت بكل سرعتي. قليل ادب وذوق شنو هالحظ هذا