انتقام الشاهين

البارت الاول

#انتقام الشاهين
للكاتبة ضوء القمر

اسل سل الشمع واتناك

وانته على اليسل سالي

وتضل عالطول تبرالي

مثل ضلي وعذاب جفاك كل لحضة يتراوالي

وازيحك من رفيف الروح ماتنزاح عن بالي
.........
احيانا نعجز كيف نواجه الماضي وكيف نشعر بخطر من حولنه نحاول دوما ان نجعل مسافة بين القلب والعقل ولكن الذي نجهله هو أن العقل والقلب مرتبطان ببعض قد نحاول ان نجعل القلب دوما هو الأضعف رغم بديهه الكثيرة والعقل يحتاج للقلب احدهما يكمل الاخر .عندما يحقد العقل يكون أكثر حقدا منه القلب يزرع الكره والحقد اضعاف ما موجود ويسعى دوما لاجل محاسبة من تسبب بذلك....
........
في احد زوايا المكتبة يجلس شاب بثلاثين من عمره ببدله سوداء ملامح قاسية قلب بلا رحمه تسعر في داخله نارا ملتهبه لا تخمد أبدا صاحب عيون كعيون النسر. يطغي على مكتبه اللون الاسود كدليل على الظلام الي يعيشه ...

كاعد ونار كلبي عمرها مراح تطفى اشكد احاول انسه بس مكدرت نارهم تسعر بكلبي بكل لحظة تزيد وبكل مرة يزيد الحقد والكره خلقو مني انسان بدون رحمه قاسي حاقد انسان بلا قلب انسان كل همه اشلون ينتقم ومستحيل اتنازل بيوم عن حقي

..تفضل

..استاذ هذا الملف الي طلبته
..ماشي اا حسان وين صار موضوع السكرتيرة الجديدة

حسان :أستاذ امين كال انو راح يتكفل بالموضوع

..امم ماشي تكدر تتفضل
اباوع بالملف واريد الكه نقطة ضعف وحدة اشكد اكول غلطان برأي بس للاسف دوم شكوكي بمحلها. ابتسمت واني اشوف الي اريده
..هذا مصير الي يلعب بالنار
حمل سماعة الهاتف واتصل
..حسان جهزولي السيارة
وقف وهو يرتدي سترته السوداء ويرتدي نظارته يخرج من مكتبه عندما يسير كأنه اسد بكل قوة استوقفه منظر

..حسان شنو السالفة هذا شمبقي هنا

حسان :اسف استاذ بس اجه ياخذ اغراضه

..تمام مااريد اشوف وجه
.يركب سيارته السوداء المظلله وهو يفكر كيف يهدى النار التي في داخله دوما يحاول أن يجد حلا

...الووو امين انت وين

امين :اسف تاخرت بس كان لازم اتأخر راح اوصل للشركة خلال نص ساعة
..لا تعال للبيت ولا تنسه الملفات الي طلبتها

امين :تقصد الملفات  السوداء
..ليش اكو غيرها يله بالعجل انتظرك

امين :تأمر زعيم

..رجعت البيت هنا ينقبض كلبي دوم بس مطر اشكد غيرت بيوت بس دوم اختنك

الحجية :ها يمه رديت
..هلا حجية أي تعبان اشويه
الحجية :يمه انت ليش دوم متعب نفسك اشوكت تريح بالك وتريحني وياك
..كلبي ميرتاح الا ياخذ حيفه