انتقام الشاهين

البارت العشرون والاخير

#انتقام الشاهين
للكاتبة ضوء القمر

طوينه ايام ماضينا
نسينا شلون چنه بشوك نفرح لو تلاكينا

......
عسل.من يوم ما فتح الموضوع وياي استاذ بشار واني اتهرب منه وهو هم صار ميحجي وياي وينتظر رد مني اشكد حاولت انسه بس مكدرت ليش اني وليش هسه فتح الموضوع شعرف عني ويريد يرتبط بيه .رجعت بذاكرتي لقبل اسبوع

عسل :نعم استاذ
بشار :اني مو كلت كلمة استاذ بينه ماكو المهم راح امشيها
عسل :اسفه تفضل اكو شي

بشار :أي اكو وان شاء الله خير عسل انتي بنيه بنت اصول والكل يشهد بهالشي صح اني مااعرفج من زمان والفترة الي عرفتج بيها قليلة بس الي يحجي وياج ويسمع كلامج يحس نفسه يعرفج من زمان مااريد اطول بالكلام راح ادخل بصلب الموضوع. شوفي عسل أي شخص يعرف هيج بنيه مثلج يفكر بشغلة وصراحة اني شفتج انسانه راقية

وصاحبة ذوق مميز واني يشرفني اطلب ايدج للزواج ههه ادري بيج مستغربة وحقج اني مااريد اسمع أي شي هسه اخذي وقتج الي يكفيج واي قرار تاخذي اني قابل بي ان كان خير على بركة الله وان ماكو شي تبقين طالبة عندي وتقديرج نفسه ولا كأن شي صار اخذي وقتج وانتظر منج جواب

.عسل.طول ماهو يحجي اني بالي يم شحص واحد لو يسمع هالكلام شنو يكول راح يسوي شي لو يقبل بكل بساطة ماحجيت ولا حرف ترخصت وكمت واني بالي مشغول كلش يعني احاول استوعب الي سمعته بس كان صعب عليه اصلا اشلون تجرأ وحجه هالحجي هسه عوفونه من سالفة اني خوش بنيه وأخلاق بس اني طالبته امانه عنده مو مال ينعجب بيه الي يسمع راح يكولون هي الي زحفتله كأن اني ناقصة وتجي هالسالفة الي

.كملت محاضرتي ورجعت للبيت حاولت لك ن طبيعية بس وين المشكلة اني بسرعة تبين عليه اذا كان بيه شي

داليا :عسل اني ماراح اسألج شكو واشبيج وشنو صاير احد متعرضلج راح اكلج بس اذا ردتي تحجين اني موجودة

عسل :ههه تعالي كلبي تعالي خلي احجيلج
داليا :شنوو انتي منو
عسل :ههه عسل يعسل انت
داليا.خليت اديه على كصتها خاف مسخنه :انتي اكيد مو مسخنه

عسل :ههه اشبيج والله احجي مو كلتي اذا ردتي تحجين اني موجودة

داليا :أي
عسل :خلاص هاي اني اريد احجي
داليا :دخيل الله ولا بيوم اريد تحجين حرف ماكو ويوم بثانيه تقبلين انتي شنو هالازدواجيه الي صايرة عندج المهم كوليلي شكو

عسل :داليا اليوم استاذي طلب ايدي
داليا :شنوو أي استاذ ولج
عسل :اشبيج استاذ بشار الي كتلج عليه

داليا :بشاار؟ احجيلي السالفة شنو

عسل.حجيتلها السالفة كلها وهي ضلت ساكته
..يعني اني حجيتلج حتى تسكتين لو تنطيني حل

داليا :انتي شرايج بي
عسل :شنو شراي اكلها استاذي اشلون
داليا :عوفج من كونه استاذج وعادي اهوواي تزوجنه اساتذتهن مو أول وحدة بس انتي اشلون شايفته