انتقام الشاهين

البارت التاسع

#انتقام الشاهين
للكاتبة ضوء القمر

يعفية أجروح تنزف دوم
لا طابن ولا طبنة وغدة شرهن .

.......
شاهين :اتوقع كلشي وهذا شي بسيط الي سويته
امين :زعيم هيج مراح تخلص الحرب
شاهين :ليش احد كلك ناوي نخلصها بعدها بالبداية كل الي صار مجرد لعب جهال
امين :اشلون لعب جهال معقولة زعيم صرت اخاف من انو يصير  الي مو على البال
شاهين :حقك تخاف احتمال حتى انت تروح بيها
امين.بلعت ريكي هذا من صدك يحجي رغم اني متعود على سوالفه بس مال اني اروح بيها لا هاي مو اشويه :واني شكو
شاهين :أي شخص قريب مني يروح بيها عليك وياي دومك وانتبه تراها حية وكل اشويه تغير جلد
امين.اباوع عليه بعيونه حقد وكره وحزن من يوم مااصرت جوة ايده وهو هيج شنو الي يخططله :على حجيك هذا انت الهدف الأساسي ومستعدين يسوون كلشي حتى يخلصون عليك
شاهين :هالشي مو جديد من يومي اني هدفهم بس الي مايعرفو هو هدفهم مو حي الله
امين :زعيم نصيحة لازم تغير كل الحرس اتوقع كلشي
شاهين :هاي شغلتك أي شي مريب انت تتصرف مو اعلمك شغلك
امين :حتى وان كان احتمال بيوم احنه منكون وياك وتنغدر
شاهين :مو جديد عليه الغدر المهم  شدد المراقبة هسه بداية مرحلة جديدة من اللعبة
امين :تأمر
.اعرف بعد هالضربة ضرباتها راح تزيد علينه مو بعيد ادخل ناس بوسطنه وهيج تكدر تخلص علينه بكل سهولة هيج لازم اشدد الحرس أي واحد قريب راح يكون هدفها مستحيل تسكت بدون مترد وخاصه ابنها كان نقطة ضعف .اخذت الأوامر منه وجمعت الشباب واكيد التفتيش دوم والمراقبة قوية دزتهم بأسلحة خاصة وماتستخدم إلا على الشخص الي يستلمها

اكرم :رئيس
امين :خير اكرم اكو شي
اكرم :هو سؤالي هذا وصل أي تهديد أو شي لان اشوفك اهواي خايف وتفكر
امين :افاا امي اخاف لا ابد من خوف على نفسي بس خوفي لا تاذي أشخاص ماالهم أي دخل بالسالفة كلها
اكرم :تقصد أشخاص خارج دائرة الخطر
امين :بالوقت الحالي الكل في داخل الدائرة بس منو الهدف هنا السؤال
اكرم :خلي المراقبة عليه اني اتولاها
امين :اعتمد عليك لا يغفل بالك عن شي
اكرم :اطمن عينك اني بس من هسه اكلك أي شخص اشوفه واشوف عليه نقطة ميخلص مني
امين :لا ربحنه معناها حتى الي يتنفس الهوى تخلص عليه
اكرم :هه مشكلته محد جابه عليه
امين :الله يستر .
...
ام صدام :شنو يعني مريضكم بمرحلة الخطر
.اسف بس الي علينه سويناه احتمال يفقد احد الاعضاء واحتمال جبيرة ايده إضافة إلى انو نتوقع يصيبه شلل

.تنظر بكل حقد
ام صدام :إذا ابني ماطلع كلكم اموتكم

..واحنه شكو روحي شوفي الي تسبب هالشي بابنج شنو قانون ماكو وانتي تبتلين علينه

ام صدام :لا اهواي مبين عليك محترم تعرف ويامن تحجي
.لا مااعرف ولا اريد اعرف عدكم مريض بكيفكم تردون يبقى هنا نعالجه متقبلون اخذو واطلعو منريد مشاكل مستشفى محترم هاي