انتقام الشاهين

البارت الثالث

#انتقام الشاهين
للكاتبة ضوء القمر

عتك وجة العتب
ونفضح لوني
اريد احظة بشر
يفهم حجي عيوني
............
لمار.على كعدتنه وانصدمنه بتصرف عسل..
رواد :بابا عسل بيج شي
سوسن :يمه بنتي رواد شوف عسولة اشبيها

لمار.كلنه صافنين عليها نريدها تحجي او أي تصرف بس متكدر تحجي اصلا أول مرة تنزل من احد موجود يمنه متنزل الكل يحاول يحاجيها بس هي بس تباوع علينه احسها تتمنى تلفظ حرف بس متكدر رحت يمها وأخذتها من اديها وكعدتها اعرفها مت تكون متوترة

..عسولة باعيلي شنو صار اكو شي مأذيج كوليلي زين هذا جهازي اكتبي

رواد :لاحول ولا قوة الا بالله العلي العظيم رحمتك ربي
لمار :على كيفك بابا ماكو شي
رواد :اشلون واختج نزلت مرعوبه
لمار :ميخالف هسه نعرف اشبيها
سكت الكل وهي لازمه الجهاز وترجف ماادري شنو الي شافته الي اعرفه خليتها نايمه اخذت نفس وبدت تكتب اباوع عليها ومستغربة شنو تكتب تمسح وتكتب اديها ترجف
..عسل على كيفج محد وراج اخذي نفس أي عفيه بهدوئ على راحتج واكتبي

.رجعت تكتب شايفه حلم لا كابوس غمضت عيوني بحزن متذكرة الي صار .لميتها لحضني وامسح على رأسها
..عسولة حبيبتي احنه هنا كلنه كدام عينج ماكو شي الي صار مات ويه وقته واحنه اتفقنه ننسه الي الفات ادري صعبة وانتي اكثر شخص تأذه بينه بس احنه كلنه وياج ومستحيل بيوم نتركج اريدج ترجعين عسل القوية ام لسان الي تأخذ حقها بديها مو ساكنه الغرفة طول الوكت

رواد :لمار بابا على كيفج ويه اختج
لمار :صار بابا اني وياها لحد ما ترجع نفس قبل وأكثر ولو تريد عيوني انطيها الها

داليا :عسل حياتي ليش متجين ويانه وترتاحين وهم تغيرين جو واطلعين من الحالة الي انتي بيها وان شاء الله ترجعين مثل اول

سوسن :دالياا كتلج عوفي هالسالفة
داليا :ماما اذا مو علمود شي علمود عسل خليها تروح ويانه بابا عفيه احجيلك شي قابل بوضع عسوله

لمار.اباوع لبابا منزل رأس وشابك اديه يعرف كل الزين القرار مو سهل وطلعت عسل وياهم هم مو سهلة ووضعها بعد اكثر بس ما بيده شي غير انت يوافق او يرفض اما عسل حسيت بيها هدئت مااعرف اذا هي موافقة او لا بس اتمنى توافق اني اريد هالشي الها

رواد :شوفو هيج موضوع مو سهل ولا بيوم وليلة نأخذه لازم نفكر ونرتب لكلشي سالفة السفر اني لاغيها من زمان اما اذا على عسل القرار يمها هي شنو تريد اني وياها اهم شي عندي راحتها وترجع مثل قبل

زياد :يعني افهمك منك قابل تسافر ويانه
رواد :اني ماعندي مشكلة اعرف بيك تكدر تحميها وانت أخوها الجبير واب الها والقرار إلها شتكولين بابا

لمار.عسل ظليت منزلة راسها تحاول تحجي بس اااخ بدون مترد عافتنه وصعدت

سوسن :هاي بنتك هم رافضة
رواد :خلوها على راحتها 
سوسن :تبقى هيج دوم بنتك
رواد: وشنو تردين اسوي شوفت عينج ماخليت دكتور يعتب عليه ولا امام ولا سيد كلها بيد ربج