لأچلك أفعل المستحيل

الحلقه التاسعه❤

..الحلقه ٩..

أسيل ..:لا انت مش كويس وهتاخد حقنه دلوقتى عشان ضغطك يتظبط
اديته الحقنه فى ذراعه.....
أسيل..: نام بقا شويه عشان ترتاح
أنور ..:شكرا يا أسيل ..
أسيل ..:هى رفيف بقيت كويسه بجد يا كرم
كرم ..:اه والله بس انتى عارفه أن هى كان عندها انهيار بسبب العياط ولا انتى مش عارفه يا دكتوره
أسيل .. بضحك: لا عارفه ...يلا الحمد لله
كرم :هى الصبح أن شاء الله هتبقى كويسه خالص
أسيل .. بفرحه..: أن شاء الله
بعد مرور بضعاً من الوقت ....
جميهم اتجهوا للذهاب الى النوم ف كرم اتجه لينام بمكتبه فهو بالطبع له مكتب لانه دكتور مشهور و باقى الشباب ذهبوا للنوم فى غرفه أنور والبنات ناموا على الكراسى الموجود امام غرفه رفيف 
بعد مرور اربع ساعات ...
أنور لم ينم من كثر التفكير برفيف ...: انا لازم اروح اشوفها بس مش هدخل الاوضه هبص عليها من برا وخلاص
على بنعسان.. فهو كان نايم هو الاخر ...: فيه ايه يا أنور عايزنى اجبلك حاجه

أنور ..: اااااا...لا يا صاحبى انا بتعدل بس عشان هنام تانى اهو
على: ت..تمام ...
أنور ذهب لرفيف فهو لا يستطيع أن ينام دون رؤيتها ...
ظل ينظر اليها بحب ...

رفيف من الداخل ..بتعب ..: أنور فين ...أنور (مكانتش قادره تتكلم اوى )
أنور من الخارج ..:انا هنا بس للاسف مش هينفع ادخل عندك عشان هتتعبى تانى ..
رفيف ببكاء ..: أنور...أنور فين
أنور دلف الى الداخل ..: انا هنا اهو ...بس لو مش عايزانى هطلع عادى بس ممكن متعيطيش ...
رفيف بحزن ..: لأ عادى تعالى اقعد هنا شويه ...
أنور نظر لها بصدمه واستغراب ...: مين ديه اللى بتتكلم ... هى رفيف فين لوسمحتى
رفيف..بضحك رغماً عنها ..: انت اهبل ...اووووف ينهار ابيض ايه اللى انا قولته ده انا اسفه يا مستر أنور بس انت ايه اللى بتقوله ده
أنور ..بضحك ..:لا كده يبقا انتى رفيف
رفيف ..:بس انت هنا فى المستشفى ليه
أنور.. : وحكى لها حل شئ حدث اثناء نومها .... بس ياستى وده اللي حصل
رفيف بخوف ظهر عليها .. ومسكت يده : مالك انت كويس يعنى طمنى عليك 
أنور ..بصدمه بعض الشئ..: مانتى طلعتى بتخافى عليه اهو امال ليه لما قولتلك انى معجب بيكى وبحبك فضحتينا قدام الناس وعملتى فى نفسك كده...
وجهت رفيف وجهها فى مكان بعيد عنه ولم ترد عليه

أنور بخبث ..: خلاص عادى ماشي مش لازم تردى عليه دلوقتى خليها لما تبقى كويسه يارفيف هانم ...ولا ايه

رفيف..بخجل ..: ماشي
بعد مرور ساعه نام أنور على يد رفيف وكأنه طفل صغير لم يشعر بأى شئ حوله ...

رفيف ..بضحك  : انا بحبك اوى بس المشكله انى خايفه زى ما قولتلك قبل كده ...بس خلاص لما ابقى كويسه هبقا اعرفك ..بس لازم اخليك تصالحنى الاول وتعرف أن الله حق ..هقهقهقهقهقهقهقهقهقهقهق ...
__________________________________
حل الصباح على الجميع ...
بيسان ..: صباح الخير يا بنات
البنات ..: صباح النور
سليم : صباح الخير يا رجاله ..
لؤى..: صباح الفل ...ايه ده امال فين أنور
سليم..: على السرير بتاعه هيكون راح فين يعنى
لؤى ..: مش عارف هو مش فى الاوضه اصلا تعالى نصحى على نساأله

سليم ..:على ...على ..اصحى اصحى
على ..بفزع ..:هااا فيه ايه يا ماما سبينى نايم شويه بقا حتى يوم الاجازه بتصحينى سبينى عايز  انام ..
لؤى ..:يابنى انت اصحى ماما ايه احنا اصحابك يا ثوووور
على ..:ايه ده فيه ايه هو البيت بتاعنا اتهد عشان كده جيت نمت فى بيت حد فيكوا ..ولا ايه
سليم ...:يخربيت شكلك يلااا ده انت ممل بقولك ايه اصحى عشان مش لاقين أنور ...
على ..تذكر كل شيء..: ايه فيه ايه ...مش عارف هيكون راح فين يعنى ...ولا بقولك استنى كده بالليل كان بيتقلب على السرير قولتله رايح فين قالى لا عادى بتعدل وهنام تانى وبعد كده نمت ...
سليم ..:تعالوا ندور عليه..

چود..:يلا نروح نشوف رفيف يا شباب اكيد فاقت..

فتحوا غرفه رفيف وجدوا أنور بالداخل وينام على يديها  ومنظروا  كالاطفال..
بيسان.. بضحك ..: ايه ده مش هى مش بتحبه بردو
أسيل بضحك علي منظرهم ..: انتى هبله اكيد بتحبه
ريان ..: عندك حق والله
چود.. بضحك.: طب ايه النظام هنصحيهم ولا نسبهم نايمين شكلهم حلو اوى 
بيسان ..:لا حرام خليهم نايمين
سليم ..: متعرفوش أنور.   ....فين
ريان ..: بصوا كده وهتعرفوا هو فين
سليم ...: ايه ده هو في ....اوبااااااا  ده اللي هعمل كل حاجه عشان متتعبش اه ماهو واضح
كرم ..: فيه ايه يا جماعه واقفين متنحين ليه كده بتتفرجوا على ايه ...
أسيل ..بضحك ..: تعالى اتفرج معاانا
كرم ..:فيه ا...يخربيتك يا أنور
وضحكوا
سليم ..:خلاص تعالوا نقعد لحد مايصحوا
ريان ..: يلا

بعد مرور ساعتين...
رفيف بصرااخ..: انت ايه اللي خلاك تنام هنا ..عاااااااااا اطلع برا
أنور بخضه ..: فيه ايه انا معمتلش حاجه يامجنونه .. حرام عليكى حد يصحى حد كده ...
رفيف..: اطلعععععع برااااا قولت
كرم سمعها ...
كرم ..: اطلع يا أنور انت جايبلنا الفضايح ..
أنور  ..بضحك..: انا معملتش حاجه هى شكلها اتجننت
رفيف بعصبيه ..: انا اللي اتجننت بردو
أنور ..: ااااه ده انتى مجنونه خالص
رفيف ضحكت من غير ماتبين ..
كرم ..: بصى انا هشوف انتى بقيتى عامله ايه علشان نطمن ......
كرم ..: انتى بقيتى كويسه خلاص الحمد لله لو حابه تمشي بكره الصبح عادى
رفيف بإبتسامه ..: تمام شكرا ...
كرم ..: لا شكرا ايه انتى اختى
رفيف..: تسلم ربنا يخليك
كرم ..: رفيف بقت كويسه  ولو حابه تمشي بكره الصبح تمشي عادى وانا هبقى اروحلها اطمن عليها لمده اسبوع فى بيتها 
أسيل بإبتسامه جذابه هادئه ..: تعبينك معانا
كرم ...وقف  مسمراً  فى مكانه بعد هذه الابتسامه التى اشعلت نيران قلبه ..
أسيل ..:في حاجه يا كرم .
كرم ..: ها ها لا لا مفيش حاجه ..
أنور ..:انا عرفت انها خفت لما صوتت وقالت أن انا مجنون😂😂
سليم ..: هى مكدبتش انت مجنون فعلا ..
أنور ..:شكرا يا اخويا ....