لأچلك أفعل المستحيل

الحلقه الخامسه عشر ❤

رفيف..:ازيك يا بيسان عامله ايه
بيسان..: الحمد لله وانتى
رفيف..: الحمد لله بقولك
بيسان..: ايه خير يارب قولى
رفيف..: خلينا نتقابل النهارده عايزه اقولكوا على حاجه مهمه وحلوه
بيسان..:خلاص اشطا هعرفهم واقولك على الميعاد
رفيف..:تمام ماشي  بس يكون بليل لان دلوقتي مش هينفع.. سلام
بيسان..: ماشي ..سلام يا قلبي

رؤيا..: رفيف وحشتيني اوى والله العظيم
رفيف..؛خلاص بقا هعيط عامله ايه يا رؤرؤ
رؤيا ..: الحمد لله انا هموت واعرف انتى عايزه تعرفينا ايه
رفيف..:مستعده ..? Are you ready
رؤيا..:قولى 
رفيف ..:كتب كتابى انا وانور يوم الخميس  بعد بكره أن شاء الله والفرح اخر الشهر
رؤيا.. بفرحه: قولى والله
رفيف..: والله العظيم بتكلم بجد
رؤيا ..:لا هاتى حضن كبير بقا مبروك يا عروسه فرحتينى اوى والله
رفيف..:انا بحبك اوى والله الله يبارك فيكى
رؤيا..:وانا كمان اوى ..
احمد..:مبروك يا عروسه
رفيف..: الله يبارك فيك يا ابو حميد
احمد بضحك..: انا مش عارف أنور مستحملك ازاى
رفيف ..: ليه هو انا اى حد ولا ايه
احمد..: لا طبعا
رفيف..:انا عايزه حبيبى
رؤيا ..: هو مش انتى رايحه الشركه وهتشوفيه مستعجله على ايه
رفيف..: لا انا عايزه حبيبى امير
احمد بضحك..: وحبيبك أنور هيقتلك
رفيف..: محدش ليه دعوه  انا عايزه امير بقا هاتوا عشان اسلم عليه
رؤيا ..:امير اهو يا رفيف
رفيف ..: امير عامل ايه وحشتيني اوى هات حضن يا نونو
احمد..بضحك: بتحبيه اوى كده ليه يا
رفيف
رفيف..:هقولكوا بعدين همشي بقا عشان حبيبى أنور هيقتلنى فعلا عشان اتاخرت
احمد..:باى
رفيف..: هستناكوا  أن شاء الله ومعلش جيتلكوا بدرى بس عشان رايحه الشركه  باى باى
احمد ورؤيا ..:باى باى
رفيف..: ده أنور هيقتلنى ياربى عشان اتاخرت يارب ماياخدش باله

أنور..:هى اتأخرت ليه كده
رفيف..: انا جيت
أنور..: اتاخرتى كده ليه
رفيف..: معلش والله كان فيه مشوار مهم لازم اروحوا
أنور..:وانا مش من حقى اعرف ايه المشوار المهم ده
رفيف..: كنت عند رؤيا واحمد وقولتلهم
أنور..: كويس انا كنت لسه هكلم احمد اقوله
رفيف..: سبقتك بس يلا انا وانت واحد
أنور..:هو انتى مش هتبطلى كلامك ده بقا
رفيف..: مالك يا أنور فيه أيه انا اتكلمت
أنور..: انا نفسي نعيش مع بعض والله هموت واشوفك بفستان الفرح
رفيف..: المفروض انا اللي اقولك بطل كلامك ده عشان انا بتكسف
أنور..: عمةً هانت
رفيف..:انا خوفت والله
أنور.. بضحك..: خافى
رفيف..:انا رايحه شغلى يا مستر هاا يا مستر
أنور..:ماشي يا قلب المستر ...

لؤى ..: خطيبتى عامله ايه
بيسان بغضب..: بقولك ايه انا مش خطيبتك احنا قرينا فاتحه بس
لؤى..:خلاص هانت يا قطه الخطوبه كمان اسبوع
بيسان..:امشي من قدامى عشان حرفيا لو اتكلمت كلمه كمان هقتلك
لؤى..: خلاص اقعدى بس انا عايز اسالك سؤال
بيسان بتنهيده..: اسأل
لؤى..: هو انتى لسه مكنتيش عايزانا نتخطب او يعنى اجى اتقدملك ليه هو انتى مش بتحبينى
بيسان..: ...
لؤى..:انا كل ما أسألك السؤال ده تهربى هو فيه ايه انا ضايقتك من غير ما اخد بالى عرفينى طيب
بيسان..: لا يا لؤى انت معملتش حاجه ولا ضايقتنى
لؤى..:طيب ممكن بعد اذنك تردى على السؤال
بيسان..: هتستفاد ايه لما تعرف انا بعمل كده ليه
لؤى..بحزن: عشان  انا مش عايز اجبرك على حاجه ونقول انه محصلش نصيب ولا اكن فيه حاجه حصلت
بيسان فى نفسها ..: انت عايز تسيبنى ليه يا غبى أنا بحبك بس مش عارف احكيلك انا ليه بعمل كده
لؤى..: افهم من كده أن احنا ننهى كل حاجه
بيسان ..:لا لا استنى يا لؤى.. متعملش كده
لؤى.. بإستغراب:انا مش فاهم حاجه
بيسان..: انا هحكيلك من سنتين كنت مخطوبه لحد بحبه جدا وهو كان مفهمنى كده بردو وفى يوم كنا مع بعض فى كافيه دخل الحمام جاله رساله على تليفونه ف انا شوفتها ومكانش قصدى حاجه مش كويسه لقيت مكتوب فيها انا هستناك متتأخرش عليه عشان وحشيتنى من رقم واحده  المهم انه لما جيه قولتلوا جاتلك رساله شافها وقالى يلا بقا هوصلك البيت عشان متتأخريش وافقته عشان كان لازم اعمل كده بعد ما وصلنى البيت مطلعتش نزلت فى ثوانى وركبت عربيتى
وفضلت ماشيه وراه من غير ما ياخد باله لحد ماوصل وطلع شقه طلعت وراه لقيته قاعد مع الست ديه فى وضع مش لطيف رميتله الدبله فى وشه ومشيت حاول كتير عشان يرجعلى بس كان غلطان لو فاكر انى هرجعله بعد اللى حصل واحد خاين ميساويش ربع جنيه هو و اللي كانت معاه ف انا مكنتش راضيه انك تيجى كده تتقدملى الا اما اتاكد مليون فى الميه انك بتحبنى عشان الغلطه متتكررش تانى  وانا بحبك  واكتشفت ان نظرتى ليه كانت مجرد اعجاب مش حب لكن انا حبيتك انت بجد ف مش هستحمل اي حاجه من ديه تحصل تانى
لؤى ..: شششششش خلاص متعيطيش
بيسان ..: لا انا تمام مفيش حاجه
لؤى..:انا عايزك تتأكدى أنى مبحبش حد غيرك والله العظيم و عمرى ما فكر اعمل كده ابدا انا اه كنت بتاع بنات بس خلاص معادش فيه في حياتى غيرك انتى
بيسان ..: وانا مصدقاك ومتزعلش منى علي اللى كنت بفضل اقولهولك قبل كده
لؤى.. بمشاكسه: لو عايزه دلوقتي بردو ننهى الخطوبه اللى هتتعمل ولا اكن اي حاجه حصلت مفيش مشكله اهم حاجه تكونى انتى كويسه
بيسان..بغيظ: شوف انا بقول ايه وهو بيقول ايه ياعم بقولك متسبنيش تقولى ولا اكن حاجه حصلت انت بتهزر
لؤى ..: انا كنت مستنى الكلمه ديه بس ومش عايز حاجه تانى
بيسان ..:كلمه ايه ؟
لؤى..:متسبنيش
بيسان..بخجل : طيب خلاص حضرتك عرفت كل حاجه ممكن تسيبنى اخلص شغلى بقا
لؤى..: بحبك ..
ثم خرج من المكتب
بيسان ..:وانا كمان بحبك اوى
______________________